Шайыр көңүл кыздар жоокерлерди сүйгүлө
Сүйгөнүңөр жоокер болсо, аны күткүлө
Алар такыр жалтанбаган, тоо жүрөктү болушат
Зөөкүрлөрдөн келген жоодон, бизди алар корушат

Кайырма:
Бар бол жоокер, сак бол жоокер
Аман эсен кайткың жоокер

Назик көңүл кыздар учукучтарды сүйгүлө
Тунук, таза сүйүү жалынына күйгүлө
Көңүл сезим асманында, алар учат көкөлөп
Махабатка багындырсаң, жашап өтөт бөпөлөп

Кайырма:
Бар бол жоокер, сак бол жоокер
Аман эсен кайткың жоокер

Кымбатым менин!
Кыйноого салсам кечирчи?
Кылгырып көзүң,
“Кыйбасым, жаным!”- десинчи?
Кылчактап араң
узадым сенин жаныңдан,
Карап тур эми,
таарынтпайм сени экинчи!

Таптаттуум менин!
Таарынтып койсом кечирчи?
Түшүмө кирди,
Тунжурай түшкөн кезиңчи...
Таң атпай, узак
болду окшойт ушул түн дагы,
Таптакыр эми
таарынтпайм сени экинчи!

Сагынчым менин!
Санаага салсам кечирчи?
Саналуу кеткен
Элесиң жанды эзилтти.
Эркелеп, сүйүп,
жытыңды келди жыттагым,
Жыргалым эми
таарынтпайм сени экинчи!

Мен жалындуу дем менен,
Жарышып жел менен.
Умтулам максатымды бекемдеп,
Бийикти көздөй талпынып, талыкпай.
Жылдыздарды бет алып багыттай,
Учкум келет кыялды кууп жетем деп.

Кайырма:
Бийиктен туруп өмүрдүн бүтпөгөн рахатына канбаймын,
Түбөлүк бакыт баарына ниетимден арнаймын, туптунук дем менен.
Аздектеп сүйүүнү жаңыртып, обондой бүткүл жердин шаарына,
Бейпилдик, шаттык, бүтпөгөн кубаныч тартуулап,
Мен баарына бийлеймин ыр менен.

Жол алдыда кеткенин адамдар өтпөгөн,
Мен барам кыял менен ашыкпай.
Жаркырап улам үмүттөр чакырат,
Канатымдан шоолалар чачырап,
Учкум келет, бийикке такыр чарчабай.

Кайырма:

Турмуштун өз убагы,
Жыргалдын өз убагы.
Бирок, досум, антсе дагы,
Мезгил бизге токтоп турат.
Жаштык менде, жаштык сенде,
Ак-Буурадай, дайрадай.
Көп күлбөсөң, көп өкүнсөң,
Өтүп кетет байкалбай.

Кайырма:
Бүгүн майрам, бүгүн той,
Замандаштар, бизде той.
Көңүл ачкын көп ойлонбой,
Күлгүн жашты кордобой.

Иштесең чеги менен,
Ойносоң чеги менен.
Бирок, досум, өмүр бою,
Жаштык болбойт сени менен.
Мезгил өтөт, күндөр өтөт,
Боз жоргодой жорголой.
Көңүл да суз, өмүр да суз,
Күлкү болбой, ыр болбой.
Кайырма:

Турмушуң улайт сапарын,
Күндөр өтүп, өз сабагын.
Эртеңки күндүн тагдырын,
Тарыхыбызда, санжырабызда,
Унутпа, досум, аларды.
Эртеңин, келечек, өткөн күнгө карай.

Кайырма:
Сен да өз өлкөңдүн атуулусуң,
Мекениңе күйгүн.
Арттыр бөлөк элдин кызыгуусун,
Туулган жерди сүйгүн,
Кыргыз жерим.

Жалгыз баш жашайт кыбырап,
Элим менен ал туу булап
Өлбөстүн камын көрбөстөн,
Алга умтулгун, дайым тик тургун,
Эл-жериң үчүн танбастан.
Сыймыксың, мыктысың,
Кызмат кылсаң абдан.

Кайырма:

Күнгөйүң аска, тескейиң арча,
Көркүңө көңүл бурабыз.
Өзөнүң бойлоп, баратып ойноп улан-кыз,
Кемин, Кемин жашыл жашоо байрагы,
Жүрөккө ынак, көңүлгө куунак ардагым.
Сага эргидим,
Бактылуу элдин бактысы сенсиң, Кеминим.

Тамчы сууң дары, тамшанган баары,
Табигат тандап бергендей.
Кылымдар камдап, кыргызга арнап келгендей.
Кемин, Кемин жашыл жашоо байрагы,
Жүрөккө ынак, көңүлгө куунак ардагым.
Сага эргидим,
Меймандос элдин мекени сенсиң, Кеминим.

Сары-Өзөн, Чүйдөн, жанымдай сүйгөн,
Кеминим чыкпайт көңүлдөн.
Сары-Күнгөй, Коңур, Көк-Ойрок кымбат өмүрдөн,
Кемин, Кемин жашыл жашоо байрагы.
Жүрөккө ынак, көңүлгө куунак ардагым.
Сага эргидим,
Беделдүү элдин бешиги сенсиң, Кеминим.

Унчукпадың, көпкө турдум мен дагы,
Алгансыңбы жүрөгүңө муз катып?
Ачуу тиет мындай кезде жел дагы,
Сезимимди, сай-сөөгүмдү сыздатып.
Көңүл жибийт созсоң эки колуңду,
Унчукпадың, үмүттөрдүн соңубу?

Кайырма:
Сендей эч ким ээлеген жок сезимди, сезимимди,
Сендей эч ким жарыткан жок кечимди.
Сендей эч ким багынткан жок көңүлдү, көңүлүмдү.
Сенден албай карыктырып көзүмдү.

Унчукпадың, тагдыр менин таразам,
Кереги эмне жылуусу жок төрүңдүн?
Унчукпадың, үздүң сезим гүлдөрүн,
Ырым эмес, өмүргө мен жакынмын.

Кайырма:

Ойлонгун жаштын абалын, жамалын,
Орундайт качан талабың?
Ким үчүн согот жаш жүрөк күчтүүрөөк?
Күндө эле күйүп-жанамын.

Кайырма:
Кайдасың көңүлүмдүн,
Нуру болдуң өмүрүмдүн.
Күтө берет сени дайым,
Махабатым, махабатым, махабатым.

Күрпүлдөп өзөн шаркыраар, ай чыгар,
Күүлөнгөн жүрөк басылар.
Сүйгөнүм, сени сүйгөнмүн, билбедиң
Мени да сүйгөн бар чыгар.

Кайырма:

Сүйүүдөн жүрөк дегдеди,
Сүйгөнүм ойдон кетпеди.
Жалооруп жүргөн чагымды,
Жалжалым ойлоп сезбеди.

Кайырма:

Ашыраалы Айталиевдики.

Жаш элек шайыр, шаттанган,
Алыска сапар аттанган.
Кыймылдап поезд баратса,
Кылгырып көздөн жаш тамган.

Караган менен көз жетпейт,
Капкайда калды карааның.
Элестейт, бирок сүйкүмдүү,
Жароокер жалжал жамалың.

Бир букет гүлдү сунарда,
Күйүттүү күнгө капталгам.
Саламат-эсен баргын деп,
Узатып калдым вокзалдан.

Мен сенден, мен сенден сүйүү күтөм,
Жан дүйнөм аруулаган, аруулаган.
Жалындап, жалындап нурга бөлөп,
Балбылдап күйүп-жанган, күйүп-жанган.

Кайырма:
Мен сенден сүйүү күтөм,
Таңдагы шүүдүрүмдөй.
Көңүлдү көкөлөткөн,
Жылдыздын үзүгүндөй.
Мен сенден сүйүү күтөм,
Акындын жакшы ырындай.
Сүйүү деп зар какшаткан,
Жүрөктүн бар сырындай.

Мен сенден, мен сенден сүйүү күтөм,
Күн сымал жаркыраган, жаркыраган.
Мээримдүү көз карашың, мээримдүү,
Заматта тартып алган, тартып алган.

Кайырма:
Мен сенден сүйүү күтөм,
Таңдагы шүүдүрүмдөй.
Көңүлдү көкөлөткөн,
Жылдыздын үзүгүндөй.
Мен сенден сүйүү күтөм,
Акындын жакшы ырындай.
Сүйүү деп зар какшаткан,
Жүрөктүн бар сырындай.

Мен сенден сүйүү күтөм,
Жан дүйнөм аруулаган.
Жалындап нурга бөлөп,
Балбылдап күйүп-жанган.

Мен сенден, мен сенден сүйүү күтөм,
Жан дүйнөм аруулаган.

Шүүдүрүмдүн көзү жакшы, жалооруп,
Карегиңе ачуу, тунук жаш толуп.
Өзүңө мени кечиргин деп айта албай,
Имерчиктеп кете албадым коштошуп.
Ишенемин, теңиңди тез табасың,
Аз күндө мени унутуп каласың.
Кетпес элең ак жолумдан утургуп,
Сен да мендей тартсаң сүйүү азабын.

Кайырма:
Кош бол эми, жаным,
Ичте калсын алгачкы махабат.
Сурабагын жүрөгүмдөн,
Кечирип кой, сүйүүмдү башкага.

Сен айтпайсың күндөргө күн толгонун,
Мен да айтпаймын жүрөккө муз тоңгонун.
Ичте калсын бизден башка жан билбей,
Не айтылып, ортодо не болгону.
Кечирип кой ак сүйүүмдү башкага,
Арнаганмын, кайрый албайм аркага.
Каалаганың алгын менден, а бирок
Муктаж болбо, менден сүйүү сураба.

Кайырма: