Айлуу түн түнкүсүн,
Сен жанымда жүрчүсүң.
Каткырып мен күлгөндө,
Сен да кошо күлчүсүң.

Капкара кашыңдан,
Кундуздай болгон чачыңдан,
Мен ашык болгон элем,
Сен он сегиз жашыңдан.

Сүйгөнүм, сүйгөнүм,
Сени даалай күткөнмүн.
А бирок, сен билбепсиң,
Менин күтүп жүргөнүм.

Таарынам, таарынам,
Мен тагдырга таарынам.
Баарынан жаман экен,
Сүйгөнүңдөн айрылган.

Артыңдан барсам бакчага,
Артылып колуң башкага, ой.
Жалынып сүйлөп жатыпсың,
Жактырбай сени жатса да, ой.
Сүйүүнүн эй, күчү керемет,
Олдо, жалынтат экен, ии, башкага.

Ак көйнөк кийсең таптаза,
Акактай тишиң кашкая, ой.
Күлмүндөп сүйлөп жатыпсың,
Гулүндү албай жатса да, оо.
Сүйүүнүн эй, күчү керемет,
Олдо, жалынтат экен, ии, башкага.

Карагер аа, минсем токтобойт,
Капталга малым оттобойт.
Калкымдан сулуу көп көрдүм,
Кареги сага окшобойт, эй.
Кыргыздан ой, сулуу көп көрдүм,
Кылыгы сага окшобойт.

Жашоо, жашоо, сенде тилек-үмүтүм,
Күр-шар эткен океандай дүбүртүң.
Толкунуңдан ала сала жиреймин,
Алсамбы деп мезгил, өмүр үлүшүн.
Ойлонуп келе жатамын, жатамын,
Кең дүйнө тарыйт, капамын.
Бирок да кыйбай өмүрдү,
Жашагым келет, жашагым,
Жашагым келет, жашагым.

Адам деген күйүп-бышып сыналат,
Аздан көпкө өмүр сүрө куралат.
Жарык дүйнө канча катаал болсо да,
Жашоо нугу, жашоо бүтпөй уланат.
Өмүрдүн суусун татамын, татамын,
Өткөрүп жыргал-азабын.
Бирок да сүйүп өмүрдү,
Жашагым келет, жашагым,
Жашагым келет, жашагым.

Өмүр жылат. Жолу кыска, жолу узун,
Адам жашайт кар, муз каптап конушун.
Жер титиреп, зоо куланат сен жүрүп
Бирок, жашоо неге мынча сонунсуң?
Ак тилек арбын жасармын, жасармын,
Ажалдан кайда качамын?
Өмүрдүн терип гүлдөрүн,
Жашагым келет, жашагым,
Жашагым келет, жашагым...

Эстейм апа, сенин кара көзүңдү,
Эстейм апа, ар бир айткан сөзүңдү.
Ойлой берем, ойлой берем,
Күндө эстеп, апа өзүңдү.

Ак булуттун бубак баскан чачтары,
Элестетем эчен ашуу ашканың.
Күткөндүрсүң, мени ойлоп,
Дасторконго жайып ак наның.

Үйгө барчу күндү эстеп, камынып,
Күтүп ар бир минутаны сагынып,
Канат байлап, учкум келет,
Куса болуп, көзүң сагынып.

Ай жүздүү ашыгым,
Майда жай басыгым.
Сүрдөнөм сенден сүйлөбөй,
Сүйгөн жан, асылым.

Кайырма:
Сен барда айланам, гүл болуп жайнаган,
Булбулуң болоюн багыңда сайраган,
Булбулуң болоюн багыңда сайраган.

Баруудан тартынам,
Бакыраң татынам.
Мөөрдүн мөлтүр сиңдиси,
Өзүң бол каркырам.

Кайырма:

Эл айткан баягы,
Махабат баяны.
Жомоктой болуп бүтсө экен,
Сүйүүнүн аягы.

Кайырма:
Торгоюң болоюн,
Тоодогу сайраган.

Жүрөгүмдө калды тыз деме,
Наздуу болот, айтчы, кыз неге?
Мезгил өттү, жолдор узады,
Жоодур көзүм, болду издебе.

Кайырма:
Өмүр - деңиз, жаным, биз - кеме,
Кошулбады биздин из неге?
Жазда, кышта, коңур күздө да,
Издебе, издебе...

Издесең да мейли, кай чара?
Ал күндөрдү албайм кайтара.
Нурун төккөн айдай көрчү элем,
Канатымды кеттиң майтара.

Кайырма:

Жылдыз болуп атың жанса да,
Атак-даңкың айга барса да,
Издебегин, барбайм кайрылып,
Тамса да көздөн жаш.

Кайырма:

Асманда учкан сонорсуң.
Айланып жерге конорсуң.
Кейитпе кайненеңди,
Келиндүү сен да болорсуң.

Көкөлөп учкан сонорсуң,
Көп учпай көлгө конорсуң,
Кайнене көңүл калтырба,
Кайнене сен да болорсуң.

Апалар аппак сүтү бар,
Али да каруу күчү бар,
Акылың болсо келиним,
Апалап коюп күчүн ал
Акылың болсо келиним,
Апалап алдап күчүн ал

Эмизген ыйык сүтү бар,
Эми да кубат-күчү бар.
Эсиң бир болсо келиним,
Энелеп коюп күчүн ал.

Бакыт тоюн баштайлы эки жаштын,
Келечеги кең дүйнө эшик ачсын.
Коломтодо от жайнап, казан кайнап.
Келген-кеткен бакыт тойдон кешик тапсын.

Кайырма:
А-ай, жеңелер, тоюңар тойго улансын,
И-ий, жеңелер, тоюңар тойго улансын.
Тойлор тойго улансын, дагы улансын
Толкуп жүрөк кубансын, бир кубансын
А-ай, жеңелер, тоюңар тойго улансын,
И-ий, жеңелер, тоюңар тойго улансын.

Бүгүн үлпөт, бүгүн той, бүгүн шаттык,
Бактыбызга мына ушул үйдү таптык.
Кел коноктор келгиле, төргө өткүлө,
Той эшигин силерге кенен ачтык.

Кайырма:

Жамалың жаз күнүндөй нурун чачып,
Ачылган жаз гүлдөй жытың аңкып.
Сүйлөгөн, ырдап жаткан үнүңдөн, ай,
Жаткандай торгой сайрап, булбул таңшып.

Сени ойлоп өзүмчө эле убарамын,
Жакшы сөз угуп качан мен кубанамын?
Бул менин жүрөгүмдүн өтүнүчү,
Алтыным, кабыл алчы,
суранамын.

Ойдогу кусалыкты кетире албай,
Көргөндө сени тиктеймин көзүмдү албай.
Айсыңбы сен көктөгү, кантип жетем?
Алтыным, кыйнадың го сен өчүң бардай.

Жамалың жаз күнүндөй нурун чачып,
Ачылган кызыл гүлдөй жытың аңкып.
Сүйлөгөн, ырдап жаткан үнүңдөн, ай,
Жаткандай торгой сайрап, булбул таңшып.

Сени ойлоп өзүмчө эле убарамын,
Жакшы сөз угуп качан мен кубанамын?
Бул менин жүрөгүмдүн өтүнүчү,
Алтыным, кабыл алчы,
суранамын.

Ойдогу кусалыкты кетире албай,
Көргөндө сени тиктеймин көзүмдү албай.
Айсыңбы сен көктөгү, кантип жетем?
Алтыным, кыйнадың го сен өчүң бардай.

Бүгүн тойдо кыз-бала, эртең эле ээрчитет
Эне болоор балага, каарылыкка баш ийген.
Кошуларсың дайрага карындашым бүгүн той,
Ишке ашкан биздин ой, кел бийлеп кой садага.

Кайырма:
Жаштар бийлейт, жатса гүлдөйт,
Карындаш ай, суранамын
Бийле жүр деп, жаш кезиңде
Ойноп күл деп...

Күлкү менен тан аткан, шаттык жандап бараткан,
Кел курбалдаш достр ай, жаштык өтөт турбайбы,
Каарыбаска жок арга, кайгырганда не пайда,
Өтө электе бул өмүр, кел бийлейби ырдайлы.

Кайырма:

Эмгек менен таң аткан, эл суктантып караткан,
Кайран өмүр жашчылык, өтүп барат шаштырып,
Уурунаарга жоо таппас, аттиң жаштык масчылык
Кана досум тос көтөр, бүгүн тойду шат кылып,
Биз ырдайлы каткырып...

Кайырма:

Жалганып сезим күйбөстөй,
Жанашып бастык сүйлөшпөй.
Көнөктөйт жамгыр ансайын,
Көрүндүң бизге үндөштөй.
Башкабы, сенин, сыйлаарың?
Башкабы, айтчы, кыйбаарың?
Булутту карап калкыган,
Буркурап, буркурап,
Буркурап неге ыйладың?

Сооротор сөздү таба албай,
Солуңдан ээрчип барам жай.
Суу болуп бүткөн боюбуз,
Куюлат, эй, нөшөр аянбай.
Бошотуп жүрөк кылдарын,
Боздотуп мени кыйнадың.
Шоокумун коштоп жамгырдын,
Шолоктоп, шолоктоп,
Шолоктоп неге ыйладың?

Жалганбы сүйүү биздеги?
Жалганбы сезим издери?
Арманбы ушул дүнүйө?
Арманбы өмүр тизмеги?
Боздотуп жүрөк кылдарын,
Боздотуп мени кыйнадың.
Шоокумун коштоп жамгырдын,
Шолоктоп, шолоктоп,
Шолоктоп неге кыйнадың?

Мурунураак жетсем го тилегиме,
Жүрбөйт белем жылынып илебиңе.
Сугун арткан көздөргө урундурбай,
Сени катып алмакмын мен жүрөгүмө.

Жолго чыксам биргесиң сапарымда,
Бассам бирге жүрөсүң катарымда.
Айтчы деги сезбедиң, оюмдасың,
Жадакалса мен уктап жатаарымда.

Карааныңды көргөндө толкунданам,
Деги кимдер гүлдөргө кол сунбаган.
Айтчы деги кайда элең,көрбөдүм го,
Мен жигит ай кезимде солкулдаган?

Кызыгамын сага, кызым, сылык мүнөз,
Кызыл гүлүм сен менин.
Көчөдөн мен көрсөм кызганамын,
Сулуу селким сен менин.
Кечээ келсем бийге сен да жүрдүң,
Көп кыздарга аралаш.
Көп жигитти кызыктырат сенин,
Ичке сындуу чып белиң.

Кайырма:

Делбирим, ай, делбирим, ай, ай, ай,
Делбирим, ай, делбирим, ай, ай, ай, ай.
Сенсиң менин делбирим, ай, ай, ай,
Делбирим, ай, делбирим.

Кечээ кирдиң сен түшүмө менин,
Жанымда сен жаш келин.
Мен ошондо сездим махабаттын,
Кудуретин, күч-демин.
Бүгүн барам сага гүл көтөрүп,
Күтөсүңбү, делбирим?
Мен айтамын өз сүйүүмдү сага,
Ай перим, ай, ай перим.

Кайырма:

Жашоо, жашоо, сенде тилек-үмүтүм,
Күр-шар эткен океандай дүбүртүң.
Толкунуңдан ала сала жиреймин,
Алсамбы деп мезгил, өмүр үлүшүн.
Ойлонуп келе жатамын, жатамын,
Кең дүйнө тарыйт, капамын.
Бирок да кыйбай өмүрдү,
Жашагым келет, жашагым,
Жашагым келет, жашагым.

Адам деген күйүп-бышып сыналат,
Аздан көпкө өмүр сүрө куралат.
Жарык дүйнө канча катаал болсо да,
Жашоо нугу, жашоо бүтпөй уланат.
Өмүрдүн суусун татамын, татамын,
Өткөрүп жыргал-азабын.
Бирок да сүйүп өмүрдү,
Жашагым келет, жашагым,
Жашагым келет, жашагым.

Өмүр жылат. Жолу кыска, жолу узун,
Адам жашайт кар, муз каптап конушун.
Жер титиреп, зоо куланат сен жүрүп
Бирок, жашоо неге мынча сонунсуң?
Ак тилек арбын жасармын, жасармын,
Ажалдан кайда качамын?
Өмүрдүн терип гүлдөрүн,
Жашагым келет, жашагым,
Жашагым келет, жашагым...

Жамалың күндөй жаркып, нуруң чачып,
Ачылган жаз гүлүндөй жытың аңкып.
Сүйлөгөн, ырдап жаткан үнүңдөн, ай,
Жаткандай торгой сайрап (2 жолу), булбул таңшып.

Сени ойлоп өзүмчө эле убарамын,
Жакшы сөз угуп качан мен кубанамын?
Бул эми жүрөгүмдүн өтүнүчү,
Алтыным, кабыл алчы (2 жолу),
сен суранамын.

Ойдогу кусалыкты кетире албай,
Көргөндө сени тиктеймин көзүмдү албай.
Айсыңбы сен көктөгү, кантип жетем?
Алтыным, кыйнадың го (2 жолу) сен өчүң бардай.

Жамалың күндөй жаркып, нуруң чачып,
Ачылган жаз гүлүндөй жытың аңкып.
Сүйлөгөн, ырдап жаткан үнүңдөн, ай,
Жаткандай торгой сайрап (2 жолу), булбул таңшып.

Сени ойлоп өзүмчө эле убарамын,
Жакшы сөз угуп качан мен кубанамын?
Бул эми жүрөгүмдүн өтүнүчү,
Алтыным, кабыл алчы (2 жолу),
сен суранамын.

Ойдогу кусалыкты кетире албай,
Көргөндө сени тиктеймин көзүмдү албай.
Айсыңбы сен көктөгү, кантип жетем?
Алтыным, кыйнадың го (2 жолу) сен өчүң бардай.