Эртеден кечке жумуштан келбей,
Эл үчүн иштеп тамак да ичпей.
Калкымдын иши жылса деп алга,
Талыкпай ойлоп издедиң айла.

Ар бир ак чачың үзүрлүү эмгек,
Үзүрлүү эмгек жөн эле келбейт.
Унутуп үйдү берилип ишке,
Кайтасың үйгө дайыма кечте.

Атаке, сага амандык тилеп,
Жолуңду жолдоп балдарың келет.
Залкар ой-асыл насаатын айткан,
Карааның бизге күч-кубат берет.

Сый-урмат көрүп, узакка жаша,
Журтуңдан ызат көрүңүз эми.
Эмгегиң даңктап, кылганың айтып,
Ардактап жүрсүн айылдын эли.
Сыйлап бир жүрсүн айылдын эли,
Кыргыздын эли...

Өпкүм келип үлбүрөк эриндериң,
Өмүрүмдүн кусалуу жериндемин.
Өзөгүмө от жаккан жан болсо да,
Өзгөлөргө бир өзүңдөй,
Башкаларга бир өзүңдөй, берилбедим.

Кыскым келип боюңду кучагыма,
Кыйналуунун жашаймын учагында
Баштагыдай шаңданган өңдөн азып,
Батып барам сыр билгизбей,
Батып барам сыр билгизбей, ыза-муңга.

Көз нуруңа кагылып мөлтүрөгөн,
Көлөкөңө зар болуп мен түгөнөм.
Туткундалып ар мүнөт сагынычка,
Туталанат эт жүрөгүм,
Туталанат эт жүрөгүм, сен түнөгөн.

Жашоо, жашоо, сенде тилек-үмүтүм,
Күр-шар эткен океандай дүбүртүң.
Толкунуңдан ала сала жиреймин,
Алсамбы деп мезгил, өмүр үлүшүн.
Ойлонуп келе жатамын, жатамын,
Кең дүйнө тарыйт, капамын.
Бирок да кыйбай өмүрдү,
Жашагым келет, жашагым,
Жашагым келет, жашагым.

Адам деген күйүп-бышып сыналат,
Аздан көпкө өмүр сүрө куралат.
Жарык дүйнө канча катаал болсо да,
Жашоо нугу, жашоо бүтпөй уланат.
Өмүрдүн суусун татамын, татамын,
Өткөрүп жыргал-азабын.
Бирок да сүйүп өмүрдү,
Жашагым келет, жашагым,
Жашагым келет, жашагым.

Өмүр жылат. Жолу кыска, жолу узун,
Адам жашайт кар, муз каптап конушун.
Жер титиреп, зоо куланат сен жүрүп
Бирок, жашоо неге мынча сонунсуң?
Ак тилек арбын жасармын, жасармын,
Ажалдан кайда качамын?
Өмүрдүн терип гүлдөрүн,
Жашагым келет, жашагым,
Жашагым келет, жашагым...

Эстейм апа, сенин кара көзүңдү,
Эстейм апа, ар бир айткан сөзүңдү.
Ойлой берем, ойлой берем,
Күндө эстеп, апа өзүңдү.

Ак булуттун бубак баскан чачтары,
Элестетем эчен ашуу ашканың.
Күткөндүрсүң, мени ойлоп,
Дасторконго жайып ак наның.

Үйгө барчу күндү эстеп, камынып,
Күтүп ар бир минутаны сагынып,
Канат байлап, учкум келет,
Куса болуп, көзүң сагынып.

Ай жүздүү ашыгым,
Майда жай басыгым.
Сүрдөнөм сенден сүйлөбөй,
Сүйгөн жан, асылым.

Кайырма:
Сен барда айланам, гүл болуп жайнаган,
Булбулуң болоюн багыңда сайраган,
Булбулуң болоюн багыңда сайраган.

Баруудан тартынам,
Бакыраң татынам.
Мөөрдүн мөлтүр сиңдиси,
Өзүң бол каркырам.

Кайырма:

Эл айткан баягы,
Махабат баяны.
Жомоктой болуп бүтсө экен,
Сүйүүнүн аягы.

Кайырма:
Торгоюң болоюн,
Тоодогу сайраган.

Жымыңдап жүрөгүмдү жаралайсың,
Сүйүүмдү сунуш кылсам карабайсың.
Асманда калкып учкан ак куу болуп,
Жалындуу жаш жүрөккө уя салдың.

Кусалуу жан дүйнөмдү сабаладың,
Карачы жок дегенде дос катары.
Өзүңдөй мен да адамдын баласымын,
Күнөөлө колдон келсе табиятты.

Көрбөсөм бир өзүңдү тура албадым,
Көргөндө кызыл гүлүн суна албадым.
Ардагым, арманымсың жетпей келген,
Суранам жардам берчи, Жаратканым.

Эзелтен баатыр келет кыргыздарым,
Эч кимге бербейм сени Кыргызстаным.
Аталар сактап келген бейиш төрүм,
Ардактап алат сени уул-кыздарың.

Кайырма:
Кыргызстаным, бейиш багым.
Биздин бакыт, сенин барың.

Жакасын кирдетпеймин мекенимдин,
Кадырың билбейт, кээ бир, бөтөндөрдөй.
Коолума салгым келет эл жеримди,
Апалар өз баласын көтөргөндөй.

Кайырма:
Кыргызстаным, бейиш багым.
Биздин бакыт, сенин барың.

Бөлөк эл, бөлөк жердин алтынына,
Алмашпайм кумуңду да, таштарыңды.
Апамдын колдорундай кулунум деп,
Шамалың сылайт менин чачтарымды.
Элиңдин уулу бол деп атам айткан,
Аябайм мекен үчүн жаш жанымды!

Кайырма:

Аяз ата жолуң тосуп барайын,
Колундагы белек кабың алайын.
Бугуларга, аттарыңа чөп салып,
Кызыңдын да көңүл отун табайын.

Кайырма:
Аяз ата, кимге болоор кайната,
Куда болом деп канчалар күйбөгөн.
Кар болсо да жүрөгүндө оту бар,
Аяз кызды жигит жоктур сүйбөгөн.

Жайда күттүм сен эмнеге келбедиң?
Келбеген го ысык күндө тердегиң.
Кабарлашып туралы деп сурансам,
Дарегиңди, номериңди бербедиң.

Кайырма:

Жаңы жылда жылына бир көрүшүп,
Кое бербей калса дагы кол үшүп.
Жыл айланып келгичекти жаңы жыл,
Айла канча кала берем кол үзүп.

Кайырма:

Күлүк аттай таптадым качпагын,
Изиң менден жашырып катпагын.
25 жаш сен үйүмдүн коногу,
Кенен отур, саат карап шашпагын.

Кайырма:
25, 25 сүйүү багы бышкан кез,
Сезим гүлдөп сересине чыккан кез.
Ысык кез, оттой кез, темир ийчү чоктой кез,
Тагдыр ташың өйдө кулап турган кез, турган кез.

Убактың тар билем аны мен дагы,
Убайланып сездиң аны сен дагы.
Ар мүнөттү тек өткөрбөй жан курбум,
Сырдашалы, ырдашалы кел дагы.

Кайырма:

25 жаш алыстадың, узадың,
Жылтыраткан булагыңа суусадым.
Жылдыздарды жүрсөң керек аралап,
А мен калдым арасында кусанын.

Кайырма:

Куттуу болсун баш кошушкан тоюңар,
Ачык болсун жашоодогу жолуңар.
Силер үчүн достор айткан тилекти,
Чын көңүлдөн кабыл алып коюңар.

Кайырма:
Бар бол дайым, бактылуу бол,
Турмуш деген – узун жол.
Түбөлүккө бирге болсун,
Кармашышкан эки кол.
Өмүр бою бирге болсун,
Тилегибиз бир ошол.

Жакындардын көтөрүңкү маанайы,
Бул да болсо эки жаштын таалайы.
Ак сакалдар ак батасын беришип,
Эки жашка узак өмүр каалайлы.

Кайырма:

Үлгү болгон үй-бүлөдөн болгула,
Оюн-күлкү, мээрим чачкан той мына.
Жаман көздөн, суук сөздөн силерди,
Асырасын Жаратканым койнуна.

Кайырма:

Жашоо, жашоо, сенде тилек-үмүтүм,
Күр-шар эткен океандай дүбүртүң.
Толкунуңдан ала сала жиреймин,
Алсамбы деп мезгил, өмүр үлүшүн.
Ойлонуп келе жатамын, жатамын,
Кең дүйнө тарыйт, капамын.
Бирок да кыйбай өмүрдү,
Жашагым келет, жашагым,
Жашагым келет, жашагым.

Адам деген күйүп-бышып сыналат,
Аздан көпкө өмүр сүрө куралат.
Жарык дүйнө канча катаал болсо да,
Жашоо нугу, жашоо бүтпөй уланат.
Өмүрдүн суусун татамын, татамын,
Өткөрүп жыргал-азабын.
Бирок да сүйүп өмүрдү,
Жашагым келет, жашагым,
Жашагым келет, жашагым.

Өмүр жылат. Жолу кыска, жолу узун,
Адам жашайт кар, муз каптап конушун.
Жер титиреп, зоо куланат сен жүрүп
Бирок, жашоо неге мынча сонунсуң?
Ак тилек арбын жасармын, жасармын,
Ажалдан кайда качамын?
Өмүрдүн терип гүлдөрүн,
Жашагым келет, жашагым,
Жашагым келет, жашагым...

Бир ок менен эки коён аткым келди,
Бир убакта эки кызга жаккым келди.
Бирисинен бириси өткөн сулуу,
Бери кел деп көзүн кысып, кылат белги.

Эркесине энтигип эрте барамын,
Экинчиден эптеп чыгам, шылтоо табамын.
Билип калды биринчим, баары түгөндү,
Эки тоонун уларын эрте самдым.

Кайырма:

Коёнектер көзү тегерек,
Кетпегиле көрбөй тебелеп.
Экөөңдү бирдей жактырган,
Өзүмдү жүрөм жемелеп.

Жүрөгүм бош, көңүл да бош, кыя албадым,
Экөөсүнө үлгүрүп мен гүлүм арнадым.
Башка кызга барат ал деп сырымды ачып,
Айтып салдың, эх,досум, көрө албадың.

Кайырма:

Менин түндөгү жанган чырагым,
Сени мен суу болуп күтүп турамын.
Жамгырдын тамчысындай сүйүүм күчөйт,
Ыйык тумарым.
Карааның таппам, кайда жүрөсүң?
Кансырап, кайгыда капа жүрөгүм.
Кармадың кайыр-кошкун деп,
Колун сен бирөөнүн.

Кайырма:
Колуңду түбөлүк кармабадым,
Карындашым, сезимимди алдабагын.
Сүйөмүн, бактылуу болгун, чырагым,
Сенсиң менин ынагым.
Колуңду түбөлүк кармабадым,
Карындашым, сезимимди алдабагын.
Сүйөмүн, бактылуу болгун, чырагым,
Сенсиң менин ынагым.

Кучактап, эркелетип жүргөн күндө,
Жок болду, баары кетти, унутулду.
Сен болдуң башкага жар,
Укпай менин сунушумду.

Кайырма:

Жылдыздардай нур тамып күлгөнүңдөн,
Зарыгып, сагынычта күтүп жүргөм.
Таштаба жолго, жаным, суранаарым,
Сени сүйөм.

Кайырма:

Бир тууганым, шам чырагы бүлөмдүн,
Бир атадан, бир энеден төрөлдүк.
Ак сүтүңдү бизге берген ата-эне,
Тизе бүгүп, таманыңдан өбөрмүн.

Кайырма:
Аска зоо бир тууганым,
Сенсиң багым,
Бек болсун дайым өмүр жаның,
Бек болсун дайым өмүр жаның.

Бир тууганым - дарагымдын тамыры,
Түндүгүмдөн күндөй агып жарыгы.
Кайда барба, кандай өмүр кечирбе,
Силер менен жүрөгүмдүн жарымы.

Кайырма:

Бакыт сепкен байлык өңдүү нуруңдан,
Башкада жок мээримиңе жылынам.
Силерге деп сактап койгон түгөнгүс,
Сүйүүм бар жүрөгүмдө уюган.

Кайырма:

Табият таалайына берген жерим,
Ала-Тоо ак мөңгүлүү, толгон кени.
Оргуштап булактары атырылып,
Көргөндүн көтөрүлөт жүрөк деми.

Кайырма:

Черткенде шаңшый берет үч кыл комуз,
Бабалар бата берет, кошуп добуш.
Төбөдө көпкөк асман күбө болгон,
Теңир-Тоо - ата конуш кыргыз тапкан.
Кыргызым, элим кыргызым,
Кыргызым, элим кыргызым,
Элим кыргызым...

Кыргызым кылым санап арыбаган,
Таалайы өнүп-өсүп карыбаган.
Тамшанткан Теңир-Тоонун табияты,
Сырт жактан келгендерди таңыркаткан.

Кайырма:

Арзуумдан айрылдым, адаштым жолдон,
Ак куумду уурдаттым, байкабай колдон.
Ала качты, артынан жете албай калдым,
Гүлүм түштү колуман сага деп койгон.

Кең ааламда кысылып, батпай жатамын,
Бактыбыздан айрыган салтка капамын.
Эли-журтка уят го, эми бара албайм,
Кечир деген өзүңдөн бүктөм кат алдым.

Кайырма:
Кантип айтчы антыбыз кана биздин?
Кантип айтчы, турмушуң тартты тизгин?
Бөпөлөп биз өстүрчү бөбөктөрдү,
Бактына жаратасың эми кимдин?

Бүлө куруп, бактылуу жашайбыз деген,
Эч кимде жок ийгилик жасайбыз деген.
Коштошо албай кол сунуп “кош”дегим келбей,
Ойдон кетпей өткөн күн сагына берем.

Намыс үчүн бакытты жолго таштадым,
Жарымы жок, жалгыздык жашоо башталып.
Жаным элең болдуңбу башканын жаны?
Жоодур көзүң жүрөктө калат сакталып.

Кайырма:

Түшүндүрүп кантип айтам,айтылгыс арман.
Түшүнбөйсүң билем аны, сен үчүн жалган.
Түйшүгүн да азабын да өзүм тартайын,
Чындап сүйүп калдым кызды сага бир тууган.

Кайырма:

Чечилбес арман, чечилгис арман,
Адамзаты көтөрө алгыс, көтөргүс арман.
Сен өмүр жалган, сен сүйүү жалган,
Адамзаты чыдай алгыс, чыдагыс арман.

Кайырма:

Ишенбесең бул сүйүүмө Ысык-Көл күбө,
Ишенчи сен ак сүйүүмө Ала-Тоо күбө.
Сүйөмүн деп айтып жүргөн бала кыялдуу,
Чын сүйүүнү билбей жүргөн менде го күнөө.

Кайырма:

Түшүндүрүп кантип айтам, айтылгыс арман,
Түшүнбөйсүң билем аны сен үчүн жалган.
Түйшүгүн да азабын да өзүм тартайын,
Чындап сүйүп калдым кызды, сага бир тууган.

Кайырма:

Көп ичинен таптым дедиң,
Көздөрүмө жактың дедиң.
Терең болот биздин сезим,
Теңдеши жок бактым менин.
Капыс жерден кабылганым,
Карааныңа жагылганым.
Жакшы оюмдун жагымдарын,
Жалгайм сага барын, барын.

Кайырма:
Жанашып жанга жаның,
Жай бербей ичте жалын.
Жаңырат кулагыма,
Эркелеп жалынганың.

Өтө жакын көрөөрүмсүң,
Өмүрдөгү өбөгүмсүң.
Жан сырымды төгөөрүмүң,
Жандай көргөн жөлөгүмсүң.
Сенин барын кандай бакыт,
Сагынаарым ойго батып.
Жакшы үмүткө жакын тартып,
Жашап өтөм жанып, жаркып.

Кайырма:

Табылып сендей адам,
Табыңа күйүп жанам.
Жогуңда сен жанымда,
Жолуңдан издеп барам.