Чечилбей жолдор ичкерип,
Чет жактан бакыт издедик.
Мекенге төкпөй маңдай тер,
Чет элде жүрүп иштедик.

Балдарым аман жетсе деп,
Басынбай өнүп-өссө деп.
Ата-эне ар бир мүнөтүн,
Силерди ойлоп өткөрөт.

Кайырма:
Турмуштун каарын кенебей,
Тулпары качкан желедей.
Баарыңды күтөт Ала-Тоо,
Балдарын күткөн энедей.

Таалайлуу өтсүн ай-жылың,
Тартпасын эч ким кайгыны.
Акчаңар эмес, өзүңөр,
Мекенимдин, ай, байлыгы.

Кайырма:

Ааламды кеттик аралап,
Аман бол, баарың саламат.
Кубанып элге келгенче,
Кудайга кылдык аманат.

Кайырма:

Ойлонуп, сыздап жүрөмүн,
Калп эле сырттан күлөмүн.
Апамдын дартына даба,
Кудайдан тилеп жүрөмүн.

Кайырма:
Жараткан өзү колдосун,
Ооруган жериң болбосун.
Алтыным менин апакем,
Арналган ыр ырдап берем.

Иштеген ишим алыста,
Баш ийем жазган турмушка.
Апакем аман болсо экен,
Ырымды жаздым кагазга.
Кайырма:
Кыстаган турмуш күндөрүм,
Ирмебей карек түнөтүп.
Ооруган жерим жакшы деп,
Башымдан сылап бир өптүң.

Ушул ырды сага арнасам,
Ырдагандан эч талбасам.
Жанашкан жарым бар туруп,
Болбойт го сени алдасам,
Болбойт го колуң кармасам.

Кайырма:
Мажүрүм талдай ийилген,
Ыйманы ачык билинген.
Ак-Буура бойлоп жолуктум,
Аттиң, ай, болсоң колуктум.
Таза сенин дилиңден,
“Ака” деген тилиңден.

Ах, кара карагат көздөрүң,
Балдан да таттуу сөздөрүң.
Канткенде сени унутам,
Эртелеп сага жолуксам,
Түгөйүм болмоксуң жоолукчан.

Кайырма:

Жаздыкка жашым тамчылап,
Жүрөктү эздиң жанчылап.
Болду эми түшкө кирбечи,
Тааныба, такыр билбечи,
Жөн гана көргөндө сиз дечи.

Кайырма:

Төрөлүп, айылымда өспөдүм,
Чоңоюп жеримди мен көрдүм.
Түйшүгүн тарттым алыстын,
Сагынбай сени койбодум.
Турпагың алтын Кичүү Ак жолум.

Кайырма:
Койнуңда кыр ашып ойнобой,
Сууңдан ууртадым бойлобой.
Топурак чаңыткан жаш балдар,
Көргөндө жүрөгүм сыздады, ай,
Айылымда өспөдүм аттиң, ай.

Түн ичи жылдыз жымыңдап,
Ак мөңгү баскан чокулар.
Жылт десе жүрөк жылыткан,
Айлымдын өчпөс оту бар,
Айланам сенден туулган жер.

Кайырам:

Артыктай көрүп жанымдан,
Алыстап жүрсөм сагынам.
Кыскандай Эгем бооруна,
Кымбатсың мынча баарынан,
Айланам сенден туулган жер.
Кайырма:

Көзүмдөн тамчы, тамчы,
Куюлуп жерге тамды.
Ашыгым, ардагым, оо,
Кайдигер карабачы.
Жалгыздык туңгуюкка,
Ыйлатып таштабачы.

Кайырма:
Аттиң, арман, жүрөгүм чок,
Эми менин сүйгөнүм жок.
Экөөбүз түшкөн сүрөттү,
Өрттөп салгам, мага кереги жок,
Керегиң жок.

Ачыгын айтчы, айтчы,
Арманда калтырбачы.
Берилип сени сүйдүм,
Алдандым, дагы күйдүм.
Каректен жашым тамып,
Сел болуп агып бүттү.

Кайырма:

Каткырып ойноп жүрсөң сен
Көргөндө карап кубанам,
Өмүрүң узун болсун деп
Кудайдан күндө суранам.

Кайырма:
Жеткирбей чуркап кетсең сен, сен, сен
Жете албай сага кубанам,
Күч–кубат берсин сага, тилегим,
Кудайдан күндө суранам.

Балама болгон кубаныч
Күч–кубат берет өзүмө,
Толкундап турам күндө мен
Көрүнүп калсаң көзүмө.

Кайырма:

Шар аккан суудай угулат
Шаңшыган сенин үндөрүң,
Бак берсин сага Кудайым,
Бактылуу болсун күндөрүң.

Кайырма:

Асман тунук, ай тунук, көл да тунук,
Алмаз сымал көп ойлор менде толуп.
Сезип калдың ай мөлмөл ак сүйүүңдү,
Сен отурган булакта мен да отурдум.

Сезип калдым ай мөлмөл ак сүйүүңдү,
Сен отурган булакта мен да отурдум.

Сен дагы сездиң бекен, туйдуң бекен?
Махабат күүсүн черттим мен да нечен.
Баарысы өлбөс болуп сага арналат,
Карааным карегиңде калды бекен?

Асман тунук, ай тунук, көл да тунук,
Алмаз сымал көп ойлор менде толуп.
Сезип калдым ай мөлмөл ак сүйүүңдү,
Сен отурган булакта мен да отурдум.

Сезип калдым ай мөлмөл ак сүйүүңдү,
Сен отурган булакта мен да отурдум.

Кыргыз элим сен деп ырдай беремин,
Ар убакта амандагың тилеймин.
Аккан арык суусу агат токтобой,
Сары-Челек көлүн ырдап берейин.

Кайырма:
Сары-Челек бара албадым айылга,
Барып калсам барат элем сага да.

Сары-Челек жүрөгүмдө толкунсуң,
Ырларыма ырлар дагы кошулсун.
Биз карысак сен эч такыр карыбай,
Даалай обон сага арналып созулсун.

Кайырма:

Сары-Челек бүлдүркөнүң сагындым,
Мен алыста сууң ичкен баламын.
Мен үстүңдө чабак уруп жүргөндө,
Кыялданып ырга толду кайыгым.

Кайырма:

Азандын үнү угулат,
Жүрөкө ыйман куюлат.
Таңкыман аманымда,
Таалайлуу бакыт туюлат.

Кайырма:
Отуз күндүк орозо,
Жан дүйнөбүз тазарсын.
Энедей эмизген
Аппак сүттөй агарсын.

Ааламга аппак куш келдиң,
Аллахым бизге кут бердиң.
Ак калпак кыргыз элиме,
Рамазан айы кош келгин.

Кайырма:

Арууланып жүрөктөр,
Айтылсын жакшы ниеттер.
Кадыр түндү тосолу,
Кабыл болсун тилектер.

Балалуумун, дале өзүңө баламын,
Жүрсөң керек бир бурчунда санаанын.
Ак сүтүңдү акта албай жашоодо,
Бул чындыкты анан кантип танайын.

Кайырма:
Кыдырып таппай издедим ааламды,
Кадырлап келем, карегим оо апамды.
Көтөрүп алап ажыга алпбаралбадым,
Апаке, кечир ак сүтүң эмген балаңды.

Чоңойттуңуз түйшүк тартып талыкпай,
Кудуретиң күндө чыкчу жарыктай.
Эмгегиңди кантип баалайм өмүнрдө,
Колдон келсе койгум келет карытпай.
Кайырма:

Таза кийдим, кирдетпедиң жакамды,
Эми туйдум жашоодогу катамды.
Бул жашоодо ыйыктардын, ыйыгы,
Тирүүсүндө сыйлайлычы апаны.

Кайырма:

Ойлоп алып бул дүйнөнүн жалганын,
Буулугамын ичте батпай арманым.
Таламандын так тушунда кыргыз эл,
Таппай калды бир заматта Санжарын.

Кыргызым деп келген элең өмүргө,
Алоолонгон от бар эле көзүңдө.
Атаганат кете бердиң кайран эр,
Акыл-күчкө толуп турган кезиңде.

Кайырма:
Келечегин байлап алып үмүткө,
Кыргыз элиң умтулуу да бийике.
Тумар элең медер туткан мекендин,
Турат азыр суусап сендей жигитке.

Каз жашоого болдуң беле сыйлоонун,
Жалп деп өчтү алоолонуп күйгөн от.
Жалпы элдин жаралады жүрөгүн,
Жаның суруп көөдөнүңө тийген ок.

Эрте кеттиң, неге шаштың тездедиң,
Жоктоп калды, ошкор шабың, өзгөнүң.
Тирүү болсоң даагы далай айтылмак,
Жандүйнөмдө жалындаган сөздөрүң.

Жарыктыктан насип этип жарты нан,
Жашап турсаң караан үзбөй калкыңан.
Өсүп чыкмак өлкө үчүн жан кыяр,
Өзүң окшош далай жаштар артыңан.
Шам чырактай жарык чачып элесиң,
Жүрөктөрдө өчпөй жашай бересиң.
Аз өмүрүң өрнөк болуп жаштарга,
Ашып кеттиң тирүүлүктүн белесин.
Аа, Санжар ага кыргыз барда,
Өчпөй жашай бересиң!