Жаңы турмуш улакмак,
Жакшы го дейм бул адат.
Келин келсе биздин эл,
Кут келгендей кубанат.
Кары –жашы чогула,
Калбай келет тоюна.
Боорсок чачып башына,
Тыйын чачат жолуна.

Түшүнүп ал сен эми,
Боорсок чачкан себебин.
Ыйык нандай табылгыс,
Ак жолтой бол дегеним.
Тыйын чачкан себебин,
Сырын чечип берейин.
Дүнүйөгө келиним,
Кароо болбо дегеним, эй.

Кыздар аста гүлкүлдөп
Бөбөктөрү бүлкүлдөп.
Келин жанында отурат,
Көшөгөдө үлпүлдөп.
Мүнөздөрү өзгөрүп,
Ой үстүнөн өчүрүп.
Келечегин ар кимдин,
Көз алдынан өткөрүп .

Бүгүн баары башкача,
Мөл булактай таптаза.
Ар киминин дилинен,
Оргуп чыккан ак бата.
Жакшылыгын ашырган,
Жамандыгын жашырган.
Бүлөө болгун ак жолтой,
Жолук түшпөй башыңдан.

Кайрымдуу бол карыңа,
Жагымдуу бол жарыңа.
Өз өзгө деп чектебей,
Бирдей кара баарына.
Алпештеген эл дагы,
Алдыңдагы жер дагы.
Жакшы болсоң сен эгер,
Жарың менен тең кары.
Наристелер төрөлсүн,
Ак бешике бөлөнсүн.
Ортоңордон жыл өтпөй,
Көшөгөңөр көгөрсүн.
Балкытып кош денемди,
Бата берет эл эми.
Келеркиде оомийин,
Бешик тойго келели.

Сурасан бербес, качырсаң келбес,
Тирүүлүк чиркин бир келет.
Ак шоокум бал-бал,
Апапак таңдар, ар күнкү асыл бир белек
Капаңды айдап, жаз болуп жайнап,
Жаңырсаң мукам музыка.
Керемет дүйнө, чакырып бийге,
Күндөргө биздин шаң берет.

Жадырап жаздай, жаман сөз айтпай,
Жайдары ойноп күлөлү
Жарк эткен күндөй, капалык билбей,
Жашоону жаркын сүйөлү.
Ырыскы чачып, ыроолоп бакыт,
Ынтымак бизден кетпесин.
Табышмак сымал, таркабай кумар,
Өмүрдүн баркын билели.
Көңүлдүн баркын билели

Ак таңдар жанган, ар күнү майрам,
Эшигин ачып эл күтөт.
Булбул кош сайрап, дасторкон жайнап,
Жакшы сөз жанды эргитет.
Толпуруп болбой толкуган көлдөй,
Пейилдер кенен жашайлы,
Ар дайым даяр, апамдай аяр,
Мээримиң көңүл сергитет.

Кайырма:

Өтсө да өмүр, калтырбай көңүл.
Сыйлашып барктап жүрөлү.
Өйдөдө өбөк, ылдыйда жөлөк
Бир тууган таза жүрөгү.
Дем берип деми, кыйбаган сени
Кадырын билгин досуңдун.
Өткөрүп алба, өкүнүп калба.
Баалаган куунак өмүрдү

Кайырма:

Жаңы, жаңы, Жаңы жыл,
Кирип келди кайрадан.
Жаңы жылдан жакшылык,
Күтөт элдер сандаган.

Тынчтык, сүйүү, бейкуттук,
Чын ден соолук кааларым.
Ыр-күлкүгө чуулганып,
Шаңга толсун айланам.

Кайырма:
Көңүлдөргө дайыма,
Күлкүлөр толуп, шаң болсун.
Адамзаттын жан дүйнөсү,
Жааган кардай ак болсун.
Эски жылды узатып,
Жаңы жылды биз тосолу.
Ар бир үйгө кут кирип
Ден соолукта бололу.

Сааттын жылып жебесин,
Он экиге кактырат.
Шаңга толуп көчөлөр,
Шампан көккө атылат.

Ар бир үйгө Жаңы жыл,
Кирип келет жаркырап.
Жаңы жылда жакшылык,
Каалоо-тилек айтылат.

Кайырма:

Капилет сен карасаң, мен да карап,
Каректе сезимдердин оту жанат.
Көктөмдө жайнап чыккан кызгалдактай,
Көңүлүм сүйүп калган сыяктанат.

Кайырма:
Махабат тунук мүрөк,
Махабат сүйгөн жүрөк.
Маанисин билген жандар,
Мазмундуу өмүр сүрөт.
Махабат тунук сезим,
Махабат туура чечим
Мен бүгүн махабатка,
Мас болуп турган кезим.

Жанашпай бакытыма азыр ылдам,
Жаныңа жакындаймын акырындан.
Жанымды сыйкырлаган сымбатыңды
Жашаймын чыгарбастан акылымдан.

Элибизге мейман келсе,
Жайылат ак дасторкон.
Дүйүм тамак, шербет мейиз,
Анар, алма жык толгон.
Кыргыз пейили тоодой бийик,
Көлдөй терең, туптунук.
Колдо барын төгүп чачып,
Аябагын достордон.

Кайырма:
Дасторконду кенен жайгын,
Күлкү болсун, ыр болсун.
Бабалардан мурас калып,
Келе жатат бул жосун.
Элге-жерге берсин бакыт,
Кут төгүлгөн береке.
Умай эне, Теңир ата,
Урпактарың колдосун.

Дасторкондун даамын татып,
Жарык кылып көңүлдү.
Ынтымактын сөзүн сүйлөп,
Болсун элим өмүрлүү.
Намысыңды дасторкондой,
Кирсиз, таза сактагын.
Арам ойлуу адам келсе,
Тебелетпе төрүңдү.

Кайырма:

Кел балам, тай-тай, басасың жай-жай,
Адамды тартып өзүңө.
Кумарым канбай, жытың бир балдай,
Ырахат алам өзүмө.

Кайырма:
Күлгөнүң жоюп сезим капасын,
Канатың жайып өсүп жатасың.
Эр жигит болуп, балам чоңойгун,
Элиңдин алып ыйык батасын.

Ай сымал жаркын, күн сымал жаркын,
Жылдыздай жанган жүзүңдөн.
Боорума кысып, жүрөгүм ысып,
Жашоонун баркын түшүндүм.

Кайырма:

Душмандан качпай, мекенди сактай,
Намысын корго жериңдин.
Калкыңа күйүп, кыргызды сүйүп,
Сыймыгы болгун элиңдин.

Ак сүйүүмдүн тумарысың,
Жан дүйнө кумарысың.
Өмүрүмдү жарык кылган,
Жанган бир чырагымсың.

Кайырма:
Тагдырдан тапканым сен.
Жүрөккө жакканым сен.
Ай-күнүм, жылдыз жанган,
Чеги жок асманым сен.

Көңүлүмө жагарымсың,
Күн болуп жанарымсың.
Махабаттын отун жагып,
Түбөлүк каларымсың.

Өмүргө келдим, өзүңдү көрдүм,
Түйшүгүм тартып, түн уйкуң бөлдүң.
Алпештеп бактың, азабым тарттың,
Апакем менин, алмашкыс бактым.
Мээримиң төктүң, эркелеп өстүм,
Арнасам деймин асылын сөздүн.

Тилегим тилеп, турмушка сүрөп,
Өксүгөн кезде, өзүңсүң тирек.
Энекем күнүм, бой жеттим бүгүн,
Алайын колго Ата Журт жүгүн.
Апакем менин, ак бата бергин,
Болгун деп кызы кыргыз элимдин.

Түйшүктөн качпайм, эмгегиң актайм.
Насаатың накыл жүрөктө сактайм.
Бейишим менин, өрүшүм менин,
Ыйыктан ыйык кол тийбес чебим.
Гүлдөгөн бакчам, бүтпөгөн дастан
Мен үчүн апам күн-ай, жер-асман.

Көрүнбөчү карегиме кадалып,
Капилеттен жүрөгүмөн жай алып.
Күлмүңдөгөн көздөрүңө арбалам,
Көксөөм канып, суктанамын байланып.

Кайырма:
Неге, неге, неге, ай, ай, эмнеге?
Кызганамын, жаным, толкуйм мен не эле?
Мендиктигиң билбей, кызганарым билбей,
Жаным, сени баары самашат неге?

Ызалансам койгун мени сооротпой,
Кайрылбагын сезимимди ойнотпой.
Сенин демиң, сенин өзүң мен үчүн
Жашоодогу көркөмдөлгөн боёктой.

Кайырма:

Кере жутуп салкын абаны,
Шаттуу кыял ага канабы?
Булак бойлоп бүлдүркөн терген,
Эсиӊдеби, курбум, баягы?..

Кубалашып чыгып кыяга,
Күч жок эле бизди тыярга.
Каткырыктан тоону жаӊыртып,
Батчу элек го, түркүн кыялга.

Тунук булак жашын чубуртуп,
Саамайына мончок тагалы.
Экөөбүз теӊ чөлмөк суу болгон,
Эсиӊдеби, курбум, баягы?..

Ал кезекте биз, биз эселек,
Таттуу сезим колдон жетелеп.
Далай жылдар өтүп кетсе да,
Бирок ал кез эстен кете элек.

Биз кайдабыз, калдык топтолбой?
Тизгиндеген бизди бош койбой.
Самасак да улам жаңыны,
Сагыныч бар эски достордой.

Артта калды дүйнө жоктолбой,
Алып учат мезгил жоктобой.
Бааласак да жаңы бакытты,
Баркка жетпес эски достордой.

Арманы көп күнгө коштолбой,
Ар-кай жерде күйгөн от болбой.
Жалындайлы бүгүн чогулуп,
Табылбастыр эски достордой.

Бала кезден жанды кошкондой,
Бар бололу таңды тоскондой.
Жардылык жок, жаңы кылымга,
Байлыгым бар эски достордой.

Кой таарынба унутпаймын эсимдесиң
Комуз кылдай толгонуу сезимдесиң
Карап көрчү капалуу кабагымды
Кантип анан сагыныч сезилбесин

Көрсөм четтен өзүңдү күйөт көзүм
Көпкө тиктеп турганда сүйө көзүм
Бар экенде жүрөгүм сен да барсың
Анткени сен ар дайым жүрөктөсүң

Кой таарынба унутпаймын эсимдесиң
Комуз кылдай толгонуу сезимдесиң
Карап көрчү капалуу кабагымды
Кантип анан сагыныч сезилбесин

Кандай жакшы ак сүйүүнүн бардыгы,
Кара түндү жарган сымал таң нуру.
Майрам күндөй маанайың шат жүрөрсүң,
Махабаттын толуп турса сандыгы.

Кайырма:
Келгиле, ак сүйүүнү аздектейли, сыйлайлы,
Махабаттын аруу ырын ырдайлы.
Бул өмүрдө болбосун деп муң-кайгы,
Шаңданалы ырдап, күлүп жыргайлы.

Жан дүйнөңдү аруу сезим уялап,
Жаман ойду жардан алыс кубалап.
Ак тилегин арнап турса жакының,
Арзуу гүлү көркүн ачып буралат.

Кайырма:

Ичкенге суу дем алганга абасың
Эс алганга жашыл токой арасын
Жараткан бейм ушул аруу дүйнөнү
Жыргасын деп адамзаттын баласын

Кайырма:
Жашыл төрү кооздугундай сайманын
Жели согуп мээ сергиткен айдарым
Адамзатка тартуулаган бейишти
Жаратканым түбөлүккө арнагын

Сапар жолго мингиле деп учкула
Жуткула деп суусундукту кычкыла
Айткылачы аябастан бергенин
Адамзатка акыл демин күч кубат

Кайырма:

Күндүн нуру турат көктөн куюлуп
Керектиги жан күткөндөй туюлуп
Ар күң сайын жаратканга ааламдын
Аздык кылат 5 маал турсак сыйынып

Кайырма:

Жалжал көздүү, жапжаш элең анда сен,
Жаз гүлүндөй жагымдуу элең жанга сен.
Комуз элең кыл тагылып, күүлөнгөн
Чолпон элең балбал жанган таңда сен
Сен гүл болдуң, бир суктанып ачылган
Сен куш болдуң кокус колдон качырган
Арабыздан айлар-жылдар бөлсө да
Ашыктыгым бир сен үчүн ашыгам.

Агым даяр, сени күтүп аңкыган
Жаным даяр сени күтүп аңкыган
Кадырыңа жетер кези ушул кез
Кайкып учуп, кайра келчи каркырам.

Алма бак гүлдөгөн убак эле,
Ал кезде алтындай курак эле.
Арнашып махабат ыргактарын,
Ашыгым, айрылдык айтчы неге?

Кайырма:
Айтпастан ошондо кеттиң неге?
Анчалык аядың мени неге?
Ансыз да алоолоп күйүп барам,
Айыпсыз ак сүйүүм сенде беле?

Сүйлөсөң сүйүп караар элем,
Күлмүңдөп ансайын жагар элең.
Түбөлүк айрылып каларымды,
Билгенде жаныңда калар элем.

Кайырма:

Ай-жылдар өтсө да андан бери,
Жол карап күтөмүн дале сени.
Жанымда жаркылдап жүрчү элең го,
Жаным деп сүйүп мени.

Кайырма: