Жаркылдаган, садага,
Жаркырап келчи мага.
Жалгыздыкка ыраа көрбөйм,
Жакшы ырым арнайм, сага.

Кайырма:
Сен, жылдыздай жанып,
Жолукчу мага,
Мен, жолуккан сайын,
Сагынып кайра.

Айдай сулуу, садага,
Ар бир сөзүң кымбат мага.
Алоолонуп күйүп турам,
Ашыктыгым артып сага.

Кайырма:

Көздөргө сүйүү толуп,
Көңүлгө шаттык конуп,
Жолугуп турдук экөөбүз.
Сымбатың арбайт мени,
Сырдашың болгум келди,
Сыйкырдуу күчкө жолугуп.

Кайырма:
Абракадабра,
Сен үчүн сүйүүнүн, селине кабылдым,
Сезимдин сересин, сез баарысын.
Сен дедим, сага арнап, сен үчүн барысы,
Сен деген сезимдин, сез аруусун.

Бакытым өзүң болуп,
Балкыдым көңүл толуп,
Бардыгы сулуу көрүнүп.
Сымбатың арбап барат,
Сырдашың болдум жандап,
Сыйкырдуу күчкө жолугуп.

Сөз болбой деп элге куру гана,
Кылдаттаймын дайым уурдана.
Көрүп калсам сени көчөдөн,
Тиктеп калам сага суктана.
Карап калам сага суктана,
Шыбыраймын сага буулуга.
Кайырма:
Келчи, гүлүм, мага,
Келчи, гүлүм, мага,
Келчи, гүлүм, мага,
Келчи жөн гана.
Келчи, сүйүүм, мага,
Келчи, сүйүүм, мага,
Келчи, сүйүүм, мага,
Келчи жөн гана.

Аралашсаң башка кыздарга,
Сен сулуусуң дайым сен гана.
Көрүп калсам сени көчөдөн,
Тиктеп калам сага суктана.
Карап калам сага суктана,
Шыбыраймын сага буулуга.
Кайырма:
Келчи, сүйүүм, мага,
Келчи, сүйүүм, мага,
Келчи, сүйүүм, мага,
Келчи жөн гана.
Келчи, гүлүм, мага,
Келчи, гүлүм, мага,
Келчи, гүлүм, мага,
Келчи жөн гана.

Сөз болбой деп элге куру гана,
Кылдаттаймын дайым уурдана.
Көрүп калсам сени көчөдөн,
Тиктеп калам сага суктана.
Карап калам сага суктана,
Шыбыраймын сага буулуга.
Кайырма:
Келчи, сүйүүм, мага,
Келчи, сүйүүм, мага,
Келчи, сүйүүм, мага,
Келчи жөн гана.
Келчи, гүлүм, мага,
Келчи, гүлүм, мага,
Келчи, гүлүм, мага,
Келчи жөн гана.

Жүрөгүмдү сактаганмын сен үчүн, сүйүүмдү, сүйгөнүм,
Сага сүйөрүмдү кандай айтышты билбедим, билбедим,
Жүрөгүңдү сен да арнаган элең башка бир адамга.

Кайырма:
Кыялымдан кетпес,
Кайра кайтып келбес махабатым.
Мейли жалгыз калсам,
Мейли бактың тапсаң,
Сенин бактың - менин бактым.

Жашап келем сага сагынганымды айта албай,
Арман болуп калган арзууларыма жете албай,
Жүрөгүңдү сен да арнаган элең башка бир адамга.

Кайырма:

Чырайыңа суктанамын күнү-түнү,
Чырагына жылынамын үмүтүмдүн,
Чыгарасың, күчөтөсүң күйүтүмдү, махабатым.
Табийгаттын татынасы өзүң белең?
Табышмактын көр эшигин ачып кенен,
Тартуулайсың бакыт нурун өзүң менен, махабатым.

Кайырма:
Күнүм болчу нурун чачкан,
Гүлүм сага арнасам.
Күүгүм кирсе жүрөгүмө,
Сүйүү берчи, садагам.

Жылдыз толгон сырдуу түндүн айланасын,
Кусага ороп жалын жашоо арабасын,
Жүрөгүмө бекемделип байланасың, махабатым.
Арбап алдың түбөлүккө жан дүйнөмдү,
Арнап мага аппак сүйүү, гүлдөрүңдү,
Алдап келем сенсиз өткөн күндөрүмдү, махабатым.

Кайырма:

Күндө карайм сенин сулуу сүрөтүңө,
Күлүп түшкөн сенин кара көздөрүңө,
Күндө самап жолугууну бир өзүңө, махабатым.
Чырайыңа суктанамын күнү-түнү,
Чырагына жылынамын үмүтүмдүн,
Чыгарасың, күчөтөсүң күйүтүмдү, махабатым.

Кайырма:

Жүрөгүмдү ээлеп алдың,
Түгөнбөгөн кайгы салдың.
Элесиң көз алдымдан кетпей,
Гүлүндөй жаңы аткан тандың.

Кайырма:
Ар дайым сен ырларымдасың,
Ар дайым сен сырларымдасың,
Ар дайым сен кыялымдасың.

Махабаттын отун жагып,
Маңдайыма жылдыз тагып,
Жашаймын жалгыз сага гана
Сүйүүнүн шам-чырагын жагып.

Кайырма:

Билбепмин мен мезгилге багынарым,
Билбепмин балалыкты сагынарым.
Билинбей өткөн күнгө куштар болуп,
Билбепмин өмүр суудай,
Билбепмин жашоо суудай агыларын.

Кайырма:
Азгырчы мени балалык,
Алоолоп оттой жаналык.
Сезилбей өткөн күндөргө,
Сезимди козгоп алалык.
Жылга жыл кошуп жанашып,
Жылдыздай учтуң каратып.
Жылуулук берип өмүргө,
Жылт этип кеттиң адашып, балалык.

Учкан куш өмүр сени жазгыралбай,
Убакыт неге койдуң жай кыла албай?
Үшкүрүп олтурамын аргам жоктой,
Уурдалган өткөн күндү,
Уурдалган балалыкты кайрый албай.

Кайырма:

Сапырылган сары жалбырак,
Санааларга мени азгырат.
Тереземе келип тигилсем,
Үнсүз дарак тиктейт жалдырап.

Кайырма:
Жаш жүрөгүм мынча кайгырды,
Көңүл кушун кимге алдырды?
Күзгү нөшөр тынбай төгүлөт,
Көздөрүңдөн жааган жамгырбы?

Теребел да мынча көңүлсүз,
Теректер да ойдон бөлүнгүс.
Тегерете курчап буюмдар,
Термелише тиктейт өзүңсүз.
Кайырма:

Болом деген өзүң түбөлүк,
Асман дагы бүркөө түнөрүп.
Өзүң тургай атың укканда,
Жүрөгүмдөн турчу гүл өнүп.

Аскалуу ак бийик тоодой,
Көркөмүнө көзүң тойбой,
Айта берсең сөзүң жетпейт чегине.
Кылымдардын агымында,
Кыргызстан деп аталып,
Мекен болуп келет кыргыз элине.

Берекеге толгон жер деп,
Белгилүүсүң баарына.
Бекем тынчтык сени коштоп,
Жүрө берсин дайыма.

Кайырма:
Алга, алга!
Алгалай бер ал-күчүң барда.
Эркиндикке бөлөнүп,
Элиң сансыз көбөйүп,
Өркүндөй бер, өсө бер, талба.

Атагың бар алыс кеткен,
Көтөрүлүп Айга жеткен,
Ата Журтум, кадыр-баркың жогору.
Кыргыздардын ким экенин,
Өзгөчөлөп маалымдайт,
Манас баатыр басып өткөн жолдору.

Берекеге толгон жер деп,
Белгилүүсүң баарына.
Бекем тынчтык сени коштоп,
Жүрө берсин дайыма.

Кайырма:

Алтыным, эсиңдеби айтылган сөздөр?
Айлуу түн, кечиндеги жароокер, сулуу көздөр.
Айтамын "ай, эркем" деп, "асылым берсе" деп,
Эңсеп келем эртелеп, эргитип кой, эркелеп.
Жылдыздай жанган көздөрүң,
Жылуулук чачат сөздөрүң,
Айта албай жүрөмүн, алоолоп күйөмүн.

Кайырма:
Арзуумду айта албай, аны сен байкабай,
Махабатым, артыма кайта албай, алсырап барам жай,
Асылым, "сүйөмүн" деп айта албай.

Өчпөгөн жалынсыңбы, өмүрдө жазымсыңбы?
Өрттөгөн жүрөгүмдү өзгөчө бир жансыңбы?
Айтамын "ай, эркем" деп, "асылым бир сен" деп,
Эңсеп келем эртелеп, эркелеп кой, эркелеп.
Жылдыздай жанган көздөрүң,
Жылуулук чачат сөздөрүң,
Айта албай жүрөмүн, алоолоп күйөмүн.

Суктантат сенин келбетиң,
Сунайын сүйүү берметин.
Жактырбай сүзүп көзүңдү,
Жаралуу кылба сезимди.
Унутпайм күткөн мезгилди,
Жүрөктөн арнап сезимди.
Уурданып сүйүп мен сени,
Уйкудан калган кезимди.

Кайырма:
Оюмда сенсиң,
От болуп жанган.
Жүрөмүн жетпей,
Сүйүүңө арман.
Көрүнүп койчу,
Кусадар кылбай.
Ашыкмын сага,
Ашыкмын абдан.

Жадабай жолуң караймын,
Жалынып сүйүп, самаймын.
Угар деп менин үнүмдү,
Өзүңө карай барамын.
Жүрөгүм толуп кусага,
Чыдабай барам ызага.
Толтуруп сүйүү кесесин,
Тойгузчу мени, садага.

Кайырма:

Сары кыз элең, сары күз элең садагам,
Санаанды туйбас өзүмдөн башка жан адам.
Жолубуз башка багытты көздөп бир паста,
Жоготуп алдым тумандуу чакан калаадан.

Кайырма:
Ирмесек чогуу окшош эле көзүбүз,
Билгендей сырды бир чыкчу биздин сөзүбүз,
Кукутой сайрап кузундо калдык адашып
Күнөөлүү ага башкалар эмес өзүбүз.

Канчанчы күздү карыттым ошол арадан,
Кайыктым жалгыз караанын издеп калаадан.
Сагыныч коштоп өмүрүм өтүп баратат,
Сары кыз элең, сары күз элең садагам.

Кайырма:

Апакебай, актаар бекем үмүтүң?
Алыс кетсем, сагынасың күнү-түн.
Уктабайсың, сапар тартсам мени ойлоп,
Убайым жеп, убайым жеп кайтканчакты мен үчүн.

Кайырма:

Апакебай, эмгегиңди билемин,
Бул жашоодо таянар тоом тирегим.
Белек кылып берээр элем бар болсо,
Мүрөк суусун, жаштын күчүн, илебин.

Өмүр тилеп, ооруп калсам санаа жеп,
Бар жакшылык, бул дүйнөдө сага бек.
Балам - деген, бар жашоосун бизге арнап,
Эне күчү, эне күчү эмне деген керемет?

Кайырма:

Апакебай, жап-жаш болуп дайыма,
Оорубастан, узак жаша дагы да.
Урмат көрүп, сый үстүндө жүрүңүз,
Жаштык каалайм, жаштык каалайм ар өмүр жазында.

Кайырма:

Жай да келди, күттүм сени гүлзарларда,
Көздөрүңдү эңсеп сагынам.
Кайдасың сен? Издетпечи, келчи кайра,
Элесиңди эңсеп зарыгам.

Кайырма:
Сагындым эстен кетпес көздөрүңдү,
Сагындым жүрөк ээлеген сөзүңдү.
Келчи, жаным, үмүтүмдү үзбөчү,
Кыйнадың жаш жүрөктү.

Издейм, издейм, күтүп сени гүлзарлардан,
Жолуң карап, сени сагынам.
Эркелетип бир өзүңдү көз алдымда,
Элесиңе сенин жалынам.

Кайырма:

Жай да келди, күттүм сени гүлзарларда,
Көздөрүңдү эңсеп сагынам.
Кайдасың сен?
Издетпечи, келчи кайра,
Элесиңе сенин жалынам.

Ай, сулуу кыз,
Неге мени карабайсыз?
Ай жандаган жылдыз болуп
Арзуумду баалабайсыз.

Жылдыздай болуп жанып,
Жалындуу сүйүү жагып.
Жанымда жүрчү дайым,
Жүрөгүңдө мени багып.
Тагдырлашым өзүң жаным,
Тартуулачы сүйүү багын.
Татына айдай жүзүң,
Суктандырат мени дайым.

Кайырма:

Ай, сулуу кыз,
Неге мени карабайсыз?
Ай жандаган жылдыз болуп
Арзуумду баалабайсыз.
Ай жүздүү кыз,
Жүрөктү жараладың.
Айта албас арзуу болуп,
Сезимди араладың.



Издедим таба албадым,
Бир өзүң болуп самаганым.
Жүрөккө чокту салып,
Неге мени карабадың?
Көзүң болду караганым,
Өзүң болдуң самаганым.
А бирок асылым сен,
Ак сүйүүмдү баалабадың.

Кайырма:

Кыялдын кылын терип,
Кыйнадың мени жээрип.
Кылыктанып дайыма,
Гүлүм сунсам карабайсыз.
Арманым чубалып,
Айта албаймын сенден уялып.
Мен тандаган пери болуп,
Калууну каалабайсыз...

Кайырма:

Ишенбеймин дүйнө жалганына,
Себеп жоктур арзуу-арманына.
Бактылуумун түбөлүккө,
Жалгыз сени сүйүп калганыма,
Тумар болчу сен дайыма.

Кайырма:
Махабат жаралат,
Жүрөктү жаралап.
Жаз болуп саматат,
Жалындап баратат.

Сүйүү оту сенде жалындаган,
Жүрөк болбос сага багынбаган.
Шоола чачып ай нурундай,
Дайым эңсеп, бирок табылбаган,
Жылдызымсың мага жанган.

Кайырма:

Асылым сен, мен эңсеген,
Өзүң жүрөгүмө бакыт берген.

Кайырма:

Жаңы жылым келди,
Эшик ачып, салам айтып.
Жаңы жылым келди,
Бүт ааламга кучак жайып.
Жаңы жылым келди,
Нурун чачып, жарык чачып.
Жазалычы черди,
Ырдап-бийлеп достор.
Тосолучу келди,
Жаңырып жаңы жыл.

Кайырма:
Наристенин тунук сезиминдей,
Наристенин таза, аруу тилегиндей.
Ынтымакта элим жашай берсин,
Жаңы жылда.
Жыл айланып келет сагындырып,
Жаңы жылым ачып бизге жаңы сырын.
Ынтымакта элим жашай берсин,
Жаңы жылда.

Жаңы жылым, бизге,
Ала келчи ырыс-бакыт.
Жалпыбызга берчи,
Бейпил жашоо, асман ачык.
Жараткандан тилеп,
Барчылыкты, жайчылыкты,
Жашайлычы элим,
Биримдикте дайым,
Жакшылыктын жылы болсунчу.

Кайырма:

Көк асманда калкып учкан,
Ак куу болуп сен келсең.
Булбул сымал мен ырдайын,
Мени коштоп бийле сен.
Чыбыктай ийилген,
Басканы керилген,
Суктантып сен бийлесең.

Кайырма:
Ойго батам, мен оттой жанам,
Бийлесең сени менен кумарланам.
Татынасың, неге тартынасың?
Бийчи кыз, өзгөдөн кызганамын.

Жандап бассам, бийге тартсам,
Чимирилип бийлесең.
Акылымдан адаштырып,
Жүрөк козгоп жиберген.
Бийлесең наздана,
Карасаң кадала,
Жүрөктө калат жара.


Кайырма:

Керемет күлгөнү,
Көңүлгө чок салып өткөндөй.
От салып кеткендей ойлорума,
Жамгырдай себелеп.
Жан дүйнөм сергитип өткөндөй,
Жыргатып өткөн,
Жүзүмдөн өпкөндөй менин.

Кайырма:
Көздөрү арбалап,
Кеткендей жаралап.
Кареги карагат беле?
Сезимди тебелеп,
Сергитип себелеп,
Сунулган ыр беле?
Сүйүүсү анын беле?

Жылмайса жагымдуу,
Өмүргө дем берип өткөндөй.
Эм болуп калгандай көңүлүмө,
Ойлору сонунбу?
Оргуштап сезимде тургандай,
Оң колуң сунуп,
Дүйнөмдү кургандай менин.

Кайырма:
Жөн мен от болуп жүрөмүнбү?
Жөн мен от болуп күйөмүнбү?
Же жан дүйнөм жылыткан жүрөгүмбү?

Кайырма:

Сагындырган гүлүн көздөй бара албай,
Сайда бир күн соолуйт экен ага албай.
Санаа менен таң атырып келатам,
Сага окшогон бир да жылдыз таба албай.
Санаа менен күн батырып келатам,
Сага окшогон бир да гүлдү таба албай.

Карегимди жашы кылып жамгырды,
Канча күттүм арасынан ай-жылдын.
Какшап жетпей жүргөнүмдү билсең да,
Карааныңды бир көргөнгө зар кылдың.
Какшап жетпей жүргөнүмдү билсең да,
Карааныңды бир көргөнгө зар кылдың.

Адам жоктур бул дүйнөдө сүйбөгөн
Ашыктыктын алоосуна күйбөгөн.
Мейкиндеги кош сызыктай биз эми,
Бир кездешпей өтөбүзбү дүйнөдөн?
Мейкиндеги кош сызыктай биз эми,
Бир кездешпей өтөбүзбү дүйнөдөн?

Ажыратты мерез мезгил ташкыны,
Айыкпаган жүрөктөгү дартпы бул?
Мен бактылуу боло албадым, кантейин?
Сен өзүңдү сезсең болду бактылуу.
Мен бактылуу боло албадым, кантейин?
Сен өзүңдү сезсең болду бактылуу.