Бул турмуштун тартибине баш ийип,
Курдаш кыздар, келин болуп кеттиңер
Өз колунан өз оозуна аш тийип,
Курдаш балдар, эр-азамат жеттиңер.
Мен олтурам бүгүн тиктеп көчөнү
Биз баарыбыз чогуу жүргөн кечээги,
Ошол күндөр такыр эстен кетпеди.

Баарыбыз тең болбогон соң текши улуу,
Бир көчөгө чоң эстелик коюлбас.
Мен силерди дайым эстейм кеч курун,
Карып бара жаткан балдар моюндаш
Мен олтурам бүгүн тиктеп көчөнү,
Биз баарыбыз чогу жүргөн кечээги,
Ошол күндөр такыр эстен кетпеди.

Биз деги эми кайда гана барбайлы,
Кайсы жерге түшсөк дагы экчейип.
Картайганда канча курбу тандайлы,
Бири-бизге бири-бирибиз эстелик.
Мен олтурам бүгүн тиктеп көчөнү,
Биз баарыбыз чогу жүргөн кечээги,
Ошол күндөр такыр эстен кетпеди.

Кылымдарды миң жылга толгонгону,
Кыргыздардан кысынуу жоголгону.
Кыргыз көчү күү болуп обон созот,
Кыргыздарга кыргызстан,
Кыргыздарга кыргызстан обондору.

Кайырма:
Айи-иий, оо-оой,
Кыргыздарга кыргызстан, эй,
Кыргыздарга кыргызстан обондору.

Эзелтеден элимдин ойлонгону,
Эгемендик бүгүнкү болгондору.
Эркин турмуш, азаттык ырын ырдайт,
Эл-журтуна кыргызстан обондору.

Кайырма:
Айии-ий, оо-оой,
Эл журтуна кыргызстан, эй,
Эл журтуна кыргызстан обондору.

Ырын жазды акындын Жолондору,
Ырга чыкты Ысык-Көл, Донондору.
Ырдайт ата мекенин, эли-жерин,
Ырга кошуп кыргызстан,
Ырга кошуп кыргызстан обондору.

Кайырма:
Аййии-ий, оо-оой,
Ырга кошуп кыргызстан, эй,
Ырга кошуп кыргызстан обондорун.

Түркүн дүйнө жашоонун соболдору,
Түрмөктөлгөн ойлордун оромдору.
Түнү-күнү ырдалып жатса дагы,
Эч түгөнбөйт кыргызстан,
Эч түгөнбөйт кыргызстан обондору.

Кайырма:
Аййии-ий, оо-оой,
Эч түгөнбөйт кыргызстан, эй,
Эч түгөнбөйт кыргызстан обондору.

Кылымды санап мөл даңкы,
Жайлатып ойду төр даңкы.
Ааламда мындай ажайып,
Соң-Көлдөй бермет көл, көл барбы?

Жыргалга толгон өрүшү,
Ырахат жанга бериши.
Табият көркү - кең Соң-Көл,
Ак Мөөр - кыргыз элдин периси.

Кыялдай көрктү талашкан,
Кыялың буудан таң ашкан.
Тамшантып адам пендесин,
Соң-Көлгө Ак Мөөр жарашкан.

Соң-Көлдө көңүл турмушу,
Соң-Көлдө Мөөр нур кызы.
Соолубас көлдөй нурданган,
Соң-Көлдө сүйүү, өмүр жылдызы.

Суурулуп өмүр мүрөгү,
Сулуулук сүйүү жүрөгү.
Ак Мөөр өскөн бейиш жер,
Арзышкан жаштар билеби?

Жалындуу жаштык өмүрдөй,
Жанбаган кумар көңүлдөй.
Кылымдар турат айкашып,
Ак Мөөр менен Соң-Көл бөлүнбөй.

Жыргалга толгон өрүшү,
Ырахат жанга бериши.
Табият көркү - кең Соң-Көл,
Ак Мөөр - кыргыз периси.

Жыргалга толгон өрүшү,
Ырахат жанга бериши.
Табият көркү - кең Соң-Көл,
Таттыбүбү - кыргыз элдин периси.

Ошол күнү кош айтыштык унчукпай,
Алыстагы карааныңды көрсөтпөй.
Толкуп ташып кала бердим ага албай,
Из калтырып соолуп калган өзөндөй.

Көрбөй калсам сагынам деп жазганың,
Жалган беле сүйөм деген каттарың?
Бул өмүрдү ойрон кылып кеттиңго,
Көлгө айланды көздөн аккан жаштарым.

Жан дүйнөмдү козгоп жүргөн сөздөрүң,
Билбептирмин баары жалган экенин.
Кайгы-муңду тартуу кылып өзүмө,
Билбей калдым кимди ээрчип кеткеним?

Билсем дагы ашык болуп сүйгөнүм,
Билбегендей салкын карап жүргөмүн.
Чабалекей чарк айланып учкандай,
Чынында эле мен да аны сүйгөмүн.

Ашыктык жол ачылбасын билгемин,
Азыр мына сенден алыс күндөмүн.
Ортобуздан өтүп кетти бир топ жыл,
Ошондо да оюмдасың, билбедим.

Көргөн түштө жакын басып келесиң,
Кучак жайып жакын басып элесиң.
Жабыр чегип түш көрүүдөн тажадым,
Жалын күчүн сага гана бергенмин.

Кетсе дагы алыс болуп карааның,
Кээде ойлоп оттой күйүп- жанамын.
Ушул менин азыр сага айтарым,
Улам өйдө өсө берсин таалайың.

Мен сизге күндөй ашыкмын,
Мен сизге гана ашыкмын.
Деңиздей бирде ташыпмын,
Темирдей бирде жашыкмын.

Жаш төгөт каза из үчүн,
Кыр оңой дебе кыз үчүн.
Уяттан жанып турсам да,
Жасагам баарын сиз үчүн.

Бактылуу жанга арнаңыз,
Мактанып доско айтпаңыз.
Көрсөткөн сизге кылыгым,
Көмүскө ичке сактаңыз.

Жан сырымды ачкан жок элем,
Жан кишиге айткан жок элем.
Адамзатта беш кол тең эмес,
Абайлай көр, жаным, шок элең.
Азыр бизде беш кол тең эмес,
Абайлай көр, жаным, шок элең.

Көрүштүк деп айта көрбөгүн,
Өбүштүк деп айта көрбөгүн.
Бузуку көп, сак бол, берекем,
Бузуп жүргөн бизге өңдөрүн.

Көчө сөзүн ташып, кымбатым,
Көрүнгөндөр ушак кылбасын.
Көрө албастар тузак тартышып,
Көз алдымда шагың сынбасын.

Бөлүп, бөлүп жашым төкпөйүн,
Боздой өңүп, куурап өчпөйүн.
Бөлөктөрдөн кыздын жолу кырс,
Бөөдө кырсык салып өтпөйүн.

Ойлосом сыздап ичимден,
Оюмда да жүргөн кишим сен.
Сүйкүмүң, ай, көздө, жүрөктө,
Сүйүүмдү мен кантип билгизем?

Жаштыктын кандай учуру,
Жалындап күйөм утуру.
Деңиздей ташкан сүйүүнүн,
Деги укмуш, ай, тура кызыгы.

Өзгөчө сүйүп, жалжалым,
Өзүмдү мен сага арнадым.
Өчпөстөн жансын махабат,
Өзүң бил, ай, эми ары жагын.
Өзүң бил, ай, эми калганын.

Таңда бир гана Чолпон, оо, өңдөнүп,
Жаркылдап сүйкүм күлүшүң.
Жыргаткан, бозой, мүнөзүң,
О, чиркин, жаштыктын алтын гүлүсүң.

Акылың тунук булактай,
Аркар көз күйгөн чырактай.
Эмгекке бирге баратсак,
О, чиркин, калбастыр арман тырмактай.

Мен булбул гана таңда таңшыган,
Сен бир гүл тоодо аңкыган.
Абадагы, ээ-эй, сен Чолпон,
О, айдай бир жүзүң балкыган.

Өмүрдүн алыс сапарын,
Айдасак деймин кайыгын.
Жашоого мүрөк көлүнүн,
Кармасак алтын балыгын.

Жыргалда ойноп-күлүп ал,
Жыргасын гүлдөй өмүрүң.
Азыркы шайыр, ээ-эй, турмушта,
О, чиркин, гүлдөсүн асыл өмүрүң.

Кабагыңды гүлгө теңейм жаздагы,
Каалабадым сенден бөлөк башканы.
Өчпөй турган түбөлүккө мен үчүн,
Өмүрүмдүн сен экенсиң ак таңы.

Баягыңдай күлчү кайра,
Бажырайып жүрчү кайра.
Баягыңдай эч кайгырбай,
Баягыңдай сүйчү кайра.

Көп сулуулар көрүнсө да көзүмө,
Көңүл толкуп тең келбедим өзүңө.
Таттуу болуп дайым бирге жүрсүн деп,
Тагдыр сени энчилептир өзүмө.

Кайырма:

Кабыл албай менин айткан сөзүмдү,
Канча жолу капа кылдым өзүңдү.
Кечир, жаным, суранарым, кечирсең,
Эгер чындап сүйөр болсоң өзүмдү.

Кайырма:

Бүт сулуунун сулуулугун тергендей,
Бириктирип бир өзүңө бергендей.
Оо, кара көз, ойдогумдай бир жансың,
Өмүрүмдүн жыргалына келгендей.

Көңүлдөгү көп элести карасам,
Сага теңдеш такыр таппай адашам.
Ошол сулуу , ошол сонун, дегенсип,
Жүрөктөгү сени өлчөгөн таразам.

Деги сага ким тарбия берди экен,
Кандай бүлө эркелетип келди экен.
Анда сага алагдымын өзүмчө,
Күндө сага бир жолугуп келбесем.

Сен чынында ай эмес, же күн эмес,
Таңкы чолпон жылдыз эмес, гүл эмес.
Бирок сени ойлой калган учурда, ий,
Айга, күнгө окшой түшөт бир элес.

Көздөрүңө чөккүм келет,
Эриниңден өпкүм келет.
Шыбырап кулагыңа,
Сүйүүмдү төккүм келет.

Кайырма:
Жаныңа баргым келет,
Шам болуп жангым келет.
От чачкан карегиңде,
Түбөлүк калгым келет.

Сырымды айткым келет,
Сырдашып кайткым келет.
Махабат жыргалына,
Сен менен баткым келет.

Кайырма:

Сен менен баскым келет,
Жан дүйнөм ачкым келет.
Жакшы адам сапаттарын,
Бүт сенден тапкым келет.

Кайырма: