Өткөн өмүрдөн,өздүк дүйнөмөн.
Мен өзүңдү издегем.
Таалайым эми таптым мен сени,тунук сүйүү из менен.

Сүйүү жолунда, ар бир оюмда.
Бир өзүң бол жанымда,
Агарган ак таңындай,
Бул жашоомдун баарында.


Келчи ардагым,колун кармайын,
Мезгил жарыгын,сага арнайын..

Кайырма:
Жалгызым жаным ай,
Жашоодогу жазымдай.
Сен барсын,мен бармын.
Сүйөм сени жаңылбай.

Жалгызым жаным ай,
Нур жүзүң суйуу таңымдай
Канча жыл күтүп,жүрөгүм сүйүп
Мен сени жаным таптым ай.


Биз энсеп жүргөн, экөөбүз күткөн
Наристебиз уулбуз..
Өзүңдоөй болсо,бийике консо
Аткарылат оюбуз.

Бир кыялыбыз,наристе кызыбыз,
Өзүңдөй болсо деймин,
Ойлонуп мен эңсеймин,
Жараткандан тилеймин.

Келчи ардагым,колун кармайын,
Мезгил жарыгын,сага арнайын.

Нөшөрлөп ээ-жаа бербей жамгыр төксө,
Жамгырдай толгон карек жашын сепсе.
Жүрөгүм жашка эзилип келээр бекен?
Жанымдын кыйналганын жаның сезсе.

Кайырма:

Сезбеди сагынганым сенин жаның,
Саргартып кан жүрөктү ажарладың.
Күтүүдөн күйүп бүттү күлгүн жаным,
Жутпадым сен жыттанган,
Жутпадым сен жыттанган,
Сүйүү балын.

Айта албай убакыттын эрте-кечин,
Сыялап сырлар жазат кагаз бетин.
Кетипсиң кайра келбес сапарыңа,
Калтырып махабаттын ыр-кесесин.

Кайырма:

Конбодуң чынарымдын бутагына,
Кыспадың койнуң толо кучагыңа.
Түбөлүк тартуу кылып бериптирсиң,
Карматып кыпкызыл чок бутагыңа.

Жаным, жаным, жаным,
Жанымда болсоң да.
Сагынамын сени тагдыр кошпой койсо да.
Эки жүрөк, а бирок эки жакта болсо да.
Сагынып ашыгат, көрүүгө шашылат,
Билсек да жолубуз кайчылаш.

Эзилип барабыз бул махабат жолубуздан.
Бир боло албай биз кайтабыз оюбуздан.
Күнөөлүү эмес эч бир жан, кеч кезигип жолду бузган.
Кантейин, ардагым, тагдырдын жазганын, түшүнүп сүйгөнүм ыйлаба.
Кантейин, ардагым, тагдырдын жазганын, түшүнгүн ыйлаба!

Карап, карап, карап,
Үмүтүмдү үзбөймүн.
Мен өзүңдү билсең, көздөрүңдөн издеймин.
Сүйүү сезим беребиз, жашай берсечи дейбиз.
Кантебиз ардагым, турмуштун жазганын түшүнүп, жан эркем, ыйлаймын.

Эзилип жан дүйнөм көрүшпөсөк кыйналабыз.
Биз бир боло албай сагынышып ыргалабыз.
Көз менен сүйлөшүп, сыр билгизбей кызганабыз.
Кантемин, ардагым, тагдырдын жазганын түшүнүп, жан эркем, ыйлаба.
Ыйлаба!

Өттү мезгил сен өчпөдүң көңүлдөн,
Жүрөгүмдөн орун алдың өмүрдөн.
Негедир билбейм түштө бирге жашайсың,
Эске салып күндөрүмдү көрүнгөн.

Өмүр атын миң чуркатып арытпай,
Махабатым миң жолугуп кайыптай.
Улам бийик, улам ыйык сезилди,
Бир кылымдан бир кылымга жарыктай.

Издесем да канаттарым кайрылып,
Калсам дагы канча жылдар айрылып.
Түн өткөрбөй түштө өзүң жомоксуң,
Каркырадай жазда келген кайрылып.

Сөздөрүңдө жөндөмөдөй жөндөлүп,
Менде жашап калганына шерденип.
Ойгонсом түш, сен барасың жаркырап,
Унутуумдан учкан жылдыз өңдөнүп.

Ар бир күнүң сенден мага гүлдөгү
Сага айланып жашай берем күндөрдү
Санаамда сен көргөн жакшы түшүмсүң
Сага айланып жашай берем түндөрдү.
Бир ыр болуп кайталанып, күүлөнүп
Ойлорума күнү-түнү ширелип
Сезимимдин күнүндөйсүң жаркытып,
Өмүрүмдү өзүңө сен имерип.
Бир кылымдан бир кылымга жарыктай.

Карындаш, астачы,
Тетири баспачы.
Жакшы эле жигитмин,
Көз кырың таштачы.

Көзүмдү ала албай,
Артыңдан барам жай.
Сезилдиң эң жакын,
Эң жакын адамдай.

Жароокер күлгөнүң,
Эстетет сүйгөнүм.
Сен анын сиңдиси,
Же болуп жүрбөгүн?

Көздөрү кара эле,
Сүйүүгө зар эле.
Эки жак ууртунда,
Уяча бар эле.

Кечиргин, карындаш,
Адам жок жаңылбас.
Бар эле сүйгөнүм,
Ал эми табылбас.

Сымбаты таптаза,
Окшошуп жатса да.
Сүйгөнүм бар эле,
Жүрөгү башкача.

Кудайдан айткан маӊдайга,
Дос деген ыйык куш болот.
Бир болгон жаман-жакшыда,
Дос деген сендей дос болот.
Дос деген сендей дос болот.
Жылдыздар удаа жанашып,
Адамга адам туш болот.
Бир болгон өйдө төмөндө,
Дос деген сендей дос болот.
Дос деген сендей дос болот.

Кайырма:
Барга көппөй жокко чөкпөгүн досум,
Баары өтөт баары калат экен досум.
Кааларым сага ден соолугуң болсун.
Мазмуну ушундай бул тосттун.
Барга көппөй жокко чөкпөгүн досум,
Баары өтөт баары калат экен досум.
Кааларым сага ден соолугуң болсун.
Мазмуну ушундай, мазмуну ушундай,
Мазмуну ушундай бул тосттун.

Пайдаӊа карап дос болсо,
Акыры бир күн кас болот.
Достуктун антын сатпаган,
Дос деген сендей дос болот.
Дос деген сендей дос болот.

Кайырма:

Ширелген достук мамиле,
Ишеним менен коштолот.
Достуктун чебин бузбаган,
Дос деген сендей дос болот.
Дос деген сендей дос болот.

Кайырма:

Карап эле тургум келет талыкпай,
Сенин колуң аппак жумшак мамыктай.
Жүрөгүң да жумшак болуп колуңдай,
Жүрсөн боло, жүрсөң боло сүйгөндүгүң аныктай.

Кыйгач карап кыйнадың го карыптай.
Суусаттың го суудан чыккан балыктай.
Аздык кылат бир жылмайып койгонуң,
Акактаттың, акактаттың суусун берип жарытпай.

Махабатым терең көлгө теңедим.
Уруксат бер, тереңдигин көрөйүн.
Чөгүп кетсем өз убалым өзүмө,
Колдон мени, колдон мени тартып алгын дебейм.

Ашык болгон абалыма карагын.
Суусатпачы кургап барат тамагым.
Ак сүйүүңдөн бере турчу бир тамчы,
Жок дегенде, жок дегенде эрин ымдап алайын.

Жанымдан өтсөң жылмайып,
Жалт карайм мен да кылчайып.
Ичтеги сырды айта албай
Жүрөсүң, айтчы кимде айып?

Өзүңдү жакшы көрөмүн,
Өзгөчө сүйөт жүрөгүм.
Өрт болуп өмүр өтсө да,
Сүттөн ак сага тилегим.

Ойлонуу менен таң атат,
Ойлорум сени саматат.
Жыл өткөн сайын жылт этип,
Жаштыгым өтүп баратат.

Айттырбай билип сырларды,
Ардактап жаштык ыргалын.
Алагды кылбай көп эле,
Аясаң боло, жыргалым.

Кайырма:
Оролуп турду мойнума,
Сенин эрке, назик колдоруң.
Мөлтүрөгөн кара көзүңдөн,
Карай берип такыр тойбодум.

Эсимде жанагы, сентябрь аягы,
Саргайган жалбырак, күздүн кеч шамалы.
Ошондо сен мага көрүндүң башкача,
Көздөрүң чачырап, жылдыздын нурундай.

Кайырма:

Аттиң, ай, ал күндөр кайрылып келсечи,
Өткөргөн бул күндөр кайрылбайт артына.
Эстесем ал күндү жүрөгүм кыйналат,
Унуткус махабат көңүлдү жаралайт.

Кайырма: