Көк шибер жашыл көктөм,
Көнөктөп жамгыр төккөн.
Жадырап май айындай,
Жашарып көңүл өскөн.

Сезимдин айы ушул,
Сен күткөн, мен да күткөн.

Кайырма:
Май айы-махабатым,
Маңдайга жазган бактым.
Өзүңдөн таткым келет,
Өмүрдүн ыракатын,
Май айы-менин бактым.

Сулуусу он эки айдын,
Сурайлы сырын майдын.
Ачылып гүлдөй өмүр,
Арылат капа-кайгың.
Жашайлы ырга айлантып,
Жаштыктын жашыл айын.

Кайырма:
Май айы-махабатым,
Маңдайга жазган бактым.
Өзүңдөн өмүр улап,
Өзүңдөн сүйүү таптып,
Май айы -махабатым.

Жаштыкты коштоп турган,
Жазга мен окшоп турам.
Жамалы-жашың ыраң,
Жакшы ойду козгоп турган.
Мезгилдин перзентине,
Мен сени окшоштурам.

Кайырма:
Май айы-махабатым,
Маңдайга жазган бактым.
Сүрөп бар санжылдарга,
Сүйүүсүн ар бир жаштын.

Бакчада балдар ойногон,
Жадырап жайдын кечи эле.
Колуңдан кармап мен койсом,
Атама айтам дечү элем.

Кайырма:
Кыз-жигит, канча ирээт адашабыз,
Кыз-жигит, кайра эле жарашабыз.
Кыз-жигит, бир келген өмүр жолдо,
Кыз-жигит, биз бирге баратабыз.

Аялуу сезим өрт жүрөк,
Айталы биз да ак тилек.
Адашып калбай жашоодо,
Табышса экен кош жүрөк.

Кайырма:

Айлуу түн бизге жарашып,
Ак чөлмөк ойноп таң атып.
Өмүрдө бирге өтөлү,
Адашып калбай, адашып.

Кайда жүрсөм өзүңүздү сагынам эне,
Жашоодогу мээримиңиз табылгыз беле.

Кайырма:
Энекебай элесиңден кубат аламын,
Энекебай сагынычтан күйүп-жанамын.
Көз алдымдан көчүп өтөт узун түндөрдө,
Энекебай кол булгалап калган караның.

Сиздей мени эчким сүйбөйт эне билемин,
Ак батадан чынар болур өсүп тилегим
.
Кайырма:

Кайдан келет махабат,
Акылымдан алып азгырган.

Оо,Аида, Аида,
Аида, сен сулуусуң.

Күндөр, бактылуу күндөр,
Түндөр, уйкусуз түндөр.
Түгөнбөгөн таттуу кыялдар.

Оо,Аида, Аида,
Аида, сен жайнайсың,
Аида сен айдайсың.

Чынын да эле айтсам күндөрүм,
Чыдабаймын сени көрбөсөм.
Азаптуу күнгө туш болом,
Көңүлүң чындап көлбөсөң.

Кайырыма:
Эй, кызыл жолукчан,
Болдумго сен деп оорукчан.
Токтогул менен Алымкан,
Жолукчу жерден, эй, жолуксам.

Сыланып күндө тарансаң,
Суктанбай сага кое албайм.
Жароокер селким жайнаган,
Кааласаң өзүмдү сага арнайм.

Кайырма:
Эй, кызыл жолукчан,
Болдумго сен деп оорукчан.
Данияр менен Жамилия,
Жолукчу жерден, эй, жолуксам.

Эй, кызыл жолукчан,
Болдумго сенден оорукчан.
Раймалы менен Бегимай,
Жолукчу жерден жолуксам.

Өзөндү бойлоп, өзүңдү ойлоп,
Жаз келсе ме да келээрмин.
Өзүңө жаккан, сага арнап жазган,
Ырымды ырдар берермин.

Кайырма:
Жол боюндагы, жол боюндагы,
Ыргалып өскөн ак кайың.
Сагынтат мени, сагынтат сени,
Сагынтат мени, эй жаш чагым.

Алыста жүрүп даалай күн күтүп,
Сагынсам сага келээримин
Жүрөктө жүргөн, өзүң деп күйгөн,
Сүйүүмдү сага берермин.

Кайырма:

Сагыныч эзип, сүйгөнүм сезип,
Күз келсе мен да келээрмин.
Армандуу жүрөк, жалындап күйөт,
Өзүмдү сага берермин.

Кайырма:

Өмү деген, берилет бизге бир жолу гана,
Жараткандын буйругу экен жашоо ааламда.
Адашпайлы жашоодо жаманга жанашпайлы,
Биз эч качан досторго жамандык санашпайлы.

Кайырма:
Өмүр, өмүр өтпөсүн бекер
Бир келген өмүр.
Өмүр, өмүр калбасын
Биздин бул өмүр.

Өтөт өмүр эсте калып кызык бир баяндай
Өмүр барда жакшылык жасайлы биз аянбай.
Адашпайлы жашоодо жаманга жанашпайлы,
Биз эч качан досторго жамандык санашпайлы.

Кайырма:

Кадимки айыл кечи, үйлөтүп отту күйгүзүп,
Билбести билгиздиңер, үйрөтүп атты мингизип.
"Кылганың биз үчүн болсо, үйрөнгүн өзүң үчүн" деп,
Атакем, алтын апакем, мээримиң чачып сүйгүзүп.

Кайырма:
Кандайсың, ата-апа, аманбы?
Эл-журтум аман жатабы?
Кучагың жайып тосуп ал,
Сагынып күткөн, сапарда жүргөн,
Саргайып күткөн балаңды.

Кадимки айыл таңы, күн чыкпай күндө турасың,
"Балдарга бак берсин" деп Кудайдан миң жолу сурадың,
Ата бир болуп калсам да, "уулум" деп баштан сылайсың,
Атакем, алтын апакем, тилегиң берсин Кудайым.

Кайырма:
Кандайсың, ата-апа, аманбы?
Сагынып айтам саламды.
Кучагың жайып тосуп ал,
Сагынып күткөн, сапарда жүргөн,
Алыста жүргөн балаңды.

Кадимки айыл чети, ойлонуп мен да турамын,
Бирине бириң жөлөк аксакал болгон убагың.
Жашымда берсин мээнетти, карыганда берсин дөөлөттү,
Атакем, алтын апакем, Кудайдан ошол сурарым.

Бириңдеги сулуулук бириңде бар,
Бириңдеги улуулук бириңде бар.
Мага деген жылуу сезим айткылачы,
Биле албадым кимиңде жок, кимиңде бар.

Силердеги сулуулук суудар бүткөн,
Силердеги улуулук нурдан бүткөн.
Эх, экиге бөлүнүп өзүм дагы,
Экөөңдү тең эчкимге бербей сүйсөм.

Кайырма:
Эгиз кыздар окшошкон Батма-Зуура,
Эгиз кызды сүйүп калуу кыйын тура.
Катар басаң тааный албай кыйналамын,
Айткылачы кимиң Батма кимиң Зуура?

Адырлардан аппак гүлдү көрөм,
Аппагына кызыгып аны терем.
Аппак көйнөк кийинген эй сулуу кыз,
Колумдагы аппак гүл сизге берем.

Эй сулуу кыз эй, кетпей туруңуз
Колумдагы аппак гүл сизге берем.
Эй, сулуу кыз эй токтой туруңуз,
Колумдагы аппак гүл сизге берем.

Кыркырлардан кызыл гүлдү көрөм,
Кызылына кызыгып аны терем.
Кызыл көйнөк кийинген эй сулуу кыз.
Колумдагы кызыл гүл сизге берем.

Эй сулуу кыз эй, кетпей туруңуз
Колумдагы кызыл гүл сизге берем.
Эй, сулуу кыз эй токтой туруңуз,
Колумдагы кызыл гүл сизге берем

Суу боюнда сырлуу гүлдү көрөм,
Сулуусуна кызыгып аны терем.
Сулуу көйнөк кийинген эй сулуу кыз,
Колумдагы сырлуу гүл сизге берем.

Эй сулуу кыз эй, кетпей туруңуз
Колумдагы сырлуу гүл сизге берем.
Эй, сулуу кыз эй токтой туруңуз,
Колумдагы сырлуу гүл сизге берем

М.Атаналиевдики
Илебиң жаздын келип нур жүзүңдөн,
Керемет үн угулат күлүшүңдөн.
Ак куудай мойнуң созсоң элестетем,
Периште - жомоктогу күлүңдөгөн.

Кайырма:
Эй жаш сулуу, ичте сырың катылуу,
Эй жаш сулуу, ак тилектен кааларым,
Эй жаш сулуу, болсоң экен, экен бактылуу.

Суу алып эшигимден өткөн кезде,
Тойбогон көздөр менен карай берем.
Өзүмдөй бир жигитке туш болсо деп,
Чын дилден жаш сулууга самай берем.

Достум эсиңде барбы,
Ызы-чуу түшкөн мектептин алды .
Бас десе баспай, жаз десе жазбай,
Тажаткан күндөр эже-агайды.

Кайырма:
Мен биринчи атаман, сен экинчиде,
Бирде сени келтектеп, бирде келтек жеп ээй.
Канча жолу мушташтык биз кыз талашып,
Аттиң ошол күндөр калды кайда адашып?.

Достум бүгүн мен, сен да ,
Өзгөрдү баары, өзгөрдү эл да.
Балалык кезим сенин да менин,
Сагынтан бизди туулган жер да.

Кайырма:

Эх, досум эстей жүр дайым,
Биз ойноп,өскөн мектептин багын.
Тааныткан тамга сага да, мага,
Унутпа дайым эже – агайды.

Кайырма:

Каадалана карайсың,
Кадамыңды санайсың.
Биле албаймын ичим чок,
Сени эмнени каалайсың?,
Деги эмнени самайсың?.

Шыңгыр, шыңгыр угулат,
Кулагыма күлкүсү.
Төө-Ашуудан ашканда,
Тосуп чыгат Чүй кызы.
Эх, Чүй кызы, Чүй кызы,
Шыңгыр тунук күлкүсү.

От коесуң сезимге,
Кызганамын өзүмчө.
Багынтасың, бар беле,
Сыйкыр сенин көзүңдө.
Кайырма:

Жааса жамгыр жашка окшош,
Суу бойлосоң сууга окшош.
Келбетиңе мен кумар,
Көлдөгү ак-кууга окшош.

Кайырма:

Дүйнөнү кездирип сени издедим,
Издегениңди мен дагы сездим.
Кайгынын кучагында калганымда,
Сен мени эңсесең, мен сени эңседим.

Кайырма:
Жаңылдым, жаздымбы?
Сынадым бактымды.
Сүйүнчү, туугандар,
Бүгүн сүйүүмдү таптымбы?
Жаңылдым, жаздымбы?
Таптымбы бактымды?
Чын эле, чын эле, жаным, мен сени таптымбы?

Канча ирет өрүк гүлү төгүлдү?
Махабат күүсү узартсын өмүрдү.
Жоогазын гүлдөй, жоодурап көздөрүң,
Бир гана сага айтам, сүйүү сөздөрүн.

Кайырма:

Дүйнөнү кездирип сени издедим,
Издегениңди мен дагы сездим.
Кайгынын кучагында калганымда,
Сен мени эңсесең, мен сени эңседим.

Кайырма:

Ак сүйүүсүн арнап себелээр,
Агалардын жары жеңелер.
Кызгантышкан агаларымды,
Жеңелерге кимдер теңелер.

Ээ,эй, жеңелер,
Оо, ой, жеңелер.
Кызгантышкан жагынан,
Жеңелерге кимдер теңелер.


Жүгүрүшүп кызмат кылышса,
Жүгүнүшүп сыйлап турушса.
Миң ыраазы болор ата –эне,
Улууларга урмат кылышса.

Ээ,эй, жеңелер,
Оо, ой, жеңелер.
Кызмат кылган жеңелерге,
Жеңелерге кимдер теңелер.

Бакыт болуп күндө себелеп,
Байлык болуп барга теңеле.
Ак жолугуң күнгө желбирет,
Бар болгула биздин жеңелер!

Ээ,эй, жеңелер,
Оо, ой, жеңелер.
Жарык чачкан жагынан,
Жеңелерге кимдер теңелер.