Жагалмай деген жапан куш,
Жар ташка барып конгон жок.
Жарпымды жазар тең курбум,
Ой тобо, жана, жана
Жайлообуз бирге болгон жок.

Кыргыек деген кыраан куш,
Кыр ташка барып конгон жок.
Кызыктуу менин сүйүүмө,
Ой тобо, жана, жана
Кыштообуз бирге эле болгон жок.

Агарып аткан таң менен,
Аркарлар оттойт кумайда.
Алыска кетип калат деп,
Ой тобо, жана, жана
Асылкеч курбум муңайба.

Ар бир жылдын өз алдынча шарты бар,
Ар бир жылдын өйдө-ылдый наркы бар.
Ар жылдын айтып бүткүс адамдар,
Ар бир жылдын өмүр-тирек баркы бар.

Кайырма:
Асманыбыс ачык болсун, көгөрсүн,
Ар бир үйдө перзентибиз төрөлсүн.
Ачык маанай, тынчтык күндү алып кел,
Ата – Журтум бейпилдике бөлөнсүн.

Келген жылым кейитпеген кеме бол,
Келген жылым бар турмушка белең бол.
Келген жылым кексөөлөргө жол бербей,
Кек сактатпас кереметтүү терең бол.

Кайырма:

Ойлогон ой, кабыл болсун тилектер,
Орчун иштер аткарылсын тилектер.
Оорулуулар сакайышсын дем бергин,
Онтобостон таза соксун жүрөктөр.

Кайырма:

Ат чапсаң ат мыктысын алыстаткан,
Арт жакта азаматтар калып жаткан.
Санаага чөгүп кетип бүт карааның,
Саматтырдың далайларды алыс жактан.

Кайырма:
Ээй, тоолук кыз, о-ой тоолук кыз,
Тойбойм сенин элесиңе,
Топ жигиттер ашыкпыз.

Кайратың карды үшүтөт чыкыроондо,
Ажарың айды үркүтөт түнкү тоодо.
Өрттөнүп кетеби дейм боз уландар,
Өзүңө жакындашып бир болгондо.

Кайырма.

Чабандык кесип – сенин баатырдыгың,
Чабалдык кылат эрдин баатырдыгын.
Кошулсаң сага шаардык даяр эле,
Койчу болуп берүүгө макулдугун.

Кайырма.

Тоолоруң асман тиреп түштүк жагың,
Арасы толгон токой карагайың.
Аралап черди жазсаң өскөн жерде,
Элестейт өтүп кеткен бала чагың.
Түркүн куш сайрап турса күүсүн чертип,
Көрктөнөт көлдүн жээги "Карабагың".

Көп жылдар куштай учуп агылууда,
Жык толук Барскоонду сагынууга.
Болбойт ээ атаганат, балалыктын,
Сенде өткөн бир күнүнө кайрылууга.
Өзүңдөн кымбат баалуу эч нерсе жок,
Биз даяр карааныңа кагылууга.

Кызарып күн батканда сонун көркү,
"Көк-Дөбө" жакты бир аз карап көрчү.
Көз жоосун алып турган кереметтүү,
Чалкыган ак толкундуу Ысык-Көлчү.
Барскоон – жер соорусу ыйык жергем,
Кылымдар гүлдөп өсүп жашай берчи.

Күлмүңдөп тийген айымдай,
Гүлдөгөн алма багымдай.
Күн-түнү берген жарыкты,
Байбичем күйгөн шамымдай,
Байбичем күйгөн жалындай.

Үйүмдүн куту барымдай,
Күлүшү суунун шарындай.
Көңүлүм агат таптаза,
Байбичем күндүн агындай,
Байбичем гүлдүн агындай.

Көрбөсөм көңүл ачылбай,
Куурушкан денем жазылбай.
Көктөмдөй гүлдөп жайнаган,
Байбичем айдын жазындай,

Күлгөндө көңүл ачылып,
Куурушкан денем жазылып.
Канчалык күнөө кылсам да,
Байбичем турат жашырып,
Байбичем калат жазылып.

Сулуунун сулуусусуң, Ысык-Көлүм,
Улуунун улуусусуң, ыйык көлүм.
Кыйланы суктандырып, таң калтырган,
Кыргыздын берметисиң,
Жалгыз өзүң Ысык-Көлүм.

Шарпылдап толкундарың бетке уруп,
Шашылат көбүктөрүң кумда уюп.
Шаштысы кетип жатты сенин жээгиң,
Шарпылдап бир булганып, кайра тунуп.

Жарашат ак чардагың, ак кууларың,
Жээгинде, тоо үстүндө ак карларың.
Жарашкан кыз-жигиттер сени бойлоп,
Жакаңда шынаарлашып жаш балдарың,
Келемин, Ысык-Көлүм, кайра сага.

Ичирдим, кийгиздим кастарлап,
Окуттум, окудуң ардактап.
Үйлөнттүм, үйлөндүң, эми, уулум,
Билип кой, өзүңдү өзүң бак.

Ойлорум жалгыз сен жөнүндө,
Кандайын көрөрсүң өмүрдө.
Атаңдан бөлүнсөң бөлүнгүн,
Элиңден, жериңден бөлүнбө.

Жаштыкта сүйүүгө эсирбе,
Көңдөйдө көйрөңдөй сезилбе.
Дүнүйөң мол болсо, мол болсун,
Уятың бар болсун бетиңде.

Басарсың тоолордон, түздөрдөн,
Бактылуу боло көр түз жолдон.
Атаңдын, энеңдин кадырын,
Билерсиң балалуу болгондо.

Сөз меники ордуңардан туруңар,
Карындаштар, теңтуш, курдаш тургула.
Мына-мына алдыбызда эки ашык,
Өмүрлүктүн канагаты эки жаш.

Кайырма:
Кел курбулар ырдайлы,
Шаңдуу добуш угулсун.
Бийлегиле күлгүлө,
Дайым таттуу тунук болсун турмушу ң.

Сөз меники күлбөгүлө курдаштар,
Экинчи ирет айтылуучу бир сөз бар.
Жаркыраган бак-таалайлуу болушсун,
Бул турмуштун аманаты эки жаш.

Сөз меники токтогула курдаштар,
Үчүнчү ирет айтылуу бир сөз бар.
Ынтымактуу узун өмүр жашасын,
Жыргал күндүн аманаты эки жаш.
Кайырма:

Эстечи жашыл өзөндү,
Кумдарга сиңген из кайда?
Бир баскан сулуу көчөңдө,
А силер кайда, биз кайда?
Кайдасыңар, карлыгачтар, курдаштар, кайдасыңар?

Чырпыктай кезден жетилип,
Чынарга боюн теңешкен.
Күлүгүн суудан кечирип,
Көрүнчү кайра белестен.
Кайдасыңар, карлыгачтар, курдаштар, кайдасыңар?

Үмүттөр күйгөн шам болуп,
Уядан учкан түнөктөр.
Максаттар аткан таң болуп,
Толкундан бүткөн жүрөктөр.
Кайдасыңар, карлыгачтар, курдаштар?
Кайдасыңар, кайдасыңар, кайдасыңар?

Тоо гүлүндөй жайнайсың,
Толуп турган айдайсың.
Алтын көкүл сулуу кыз,
Көңүлүмдү байлайсың.

Эй, тоо гүлү,
Ой, тоо гүлү.

Куса, ойго батамын,
Жүрөк сырын катамын.
Минип келип аргымак, селки,
Алып сени качамын.

Гүлгүн жаштык гүлдөйсүң,
Күлүп турган күндөйсүң.
Жүрөк сен үчүн, бийкеч,
Арналганын билбейсиң.

Күндөй жаркып, гүл жыттанган артыгым,
Күнгө койгун теңдеши жок алтыным.
Бапестеген нур заманаң барында,
Бака- таалайдын батпас кутун калтырдың

Алдей, алдей менин жаркыным,
Таалайыман бир жаралган жыргалым.
Талпынагой, жадырайгой ырдагын,
Эч бир жанга теңебеймин сени мен,
Элжиреткен жүрөгүмдүн кылдарын.

Алдей, алдей менин артыгым,
Балбылдаган гүлү сенсиң көңүлдүн.
Бажырайган гүлү сенсиң өмүрдүн,
Ала-Тоодой кызмат кылып жериңе,
Адам болуп алкышын ал элиңдин.

Алдей, алдей менин алтыным.

Кайгыны ойго илбейли,
Карылык эмне билбейли.
Канакей, жаштар, эмесе, ай,
Калкылдап эркин бийлейли.

Кайырма:
Кылчактап улам күймөнүп,
Кызарба, курбум, сүрдөнүп.
Кел, кошул, биздин катарга,
Кетесиң кийин үйрөнүп.

Күүлөрүн төгүп жиберип,
Музыка алат имерип.
Коомайлап белден кармаса,
Колдору болот билерик.

Кайырма:
Жүрөктү жүрөк тандасын,
Сүйгөнүн сүйгөн жандасын.
Байкалбай кай бир уяңдар,
Бийлебей четте калбасын.

Бир-бирин сүйкүм карашып,
Буттарга буттар жанашып.
Кыз-жигит бирге бийлесе,
Карачы кандай жарашып.

Кайырма:
Жаштыктын ыры - махабат,
Жаштарга нурун таратат.
Жаш кезде ойноп, гүлдөгүн,
Жаштык кез өтүп баратат.

Күйдүм, күйдүм, күйдүм чок,
Күйдүм десем түтүн жок.
Жүрөгүмдүн башында,
Жүгөрүдөй бүтүн жок.

Кан-Жайлоо деген бийик бел,
Ошого кар жааса согот муздак жел.
Кайырма жака, кара көз, ай,
Кадырды билсең өзүң кел.

Ак теректей бүрдөнүп,
Жүрөсүң сен,
Ак жоолук салып түрдөнүп.
Айылыңды таап жете албай,
А мен жүрөм,
Адашкан тайлак өңдөнүп.

Энекебай, оо, ыйыгым, ыйыгым,
Энекебай, оо, кымбатым, уюгум.
Алып келип тамырыңан алтымыш,
Алтын өмүр бешигиңе уюдум.

Сен көз жумсаң, унутармын жыл чыдап,
Мен көз жумсам, көз өткөнчө буркурап.
Апакебай, кара чачың ак болуп,
Кош эмчегиң алмак-салмак зыркырап.

Канча түнү уйку көрбөй терметтиң,
Энекебай, өмүр жашың мен жедим.
Кантип азыр алыс жолго узатсын,
Кактап күн-түн ак сүтүңдү эмгеним.

Чайга салган кантың бар,
Чайпаласың, баркың бар.
Чайпаласың, жайкаласың,
Чай өзүңө талпынар.

Кайырма:
Келсеңчи, күлсөңчү,
Ойносоңчу, жүрсөңчү.
Ой, ашык Дилбар, ой,
Көңүлүм менин сенде да, ой.

Стаканда кантың бар,
Ыргаласың, баркың бар.
Ыргаласың, жыргаласың,
Ышкылуусуң талпынган.

Кайырма:

Пиялада кантың бар,
Билимдүүсүң, баркың бар.
Билимдүүсүң, илимдүүсүң,
Калгым келбейт артыңдан.

Кайырма: