Сөзү : Сооронбай Жусуев
Обону : Бабравшан Тургунбаев
Гүлдөр жайнап аңкып турса ыргалып,
Көңүл эргип нечен күлдүк, жыргадык.
Биз эч качан кайгырбайбыз дечү элек,
Кумар канбай, жал-жал карап, жылмайып.
Ал кез кетти койбой кылчайып,
Көңүлдөргө кайгы-муң салып.
Жаным, сен жок, эл көп болсо да,
Жалгызсырап жүрөм сумсайып.
Бак жасанган, бак жашарган күндөрдө,
Бажырайып жылдыз толгон түндөрдө.
Биз эч качан айрылбайбыз дечү элек,
Бирге басып, кол кармашып жүргөндө.
Бирок, анда оттой жаныппыз,
Биз тагдырды такыр таныппыз.
Жанашууга арга таппадык,
Жакын жүргөн менен алыспыз.
Эркелетип сени тоонун кушундай,
Колго кармап жүрө албадым учурбай.
Турмуш деген татаал экен кантели,
Тагдыр деген катаал экен ушундай.
Унутпаймын эсим барында,
Жүрөгүмдө сезим барында.
Сен таарынсаң, таарын тагдырга,
Бирок жаным, мага таарынба.
Супер-Инфо
super.kg видео
Дагы мурунку ырларын берсе, жуктоп койсоноррррр, сонууууннннн болмок!!!
Гулдой жан деп ырлар жазып тынбадык.
Биз эч качан Пиар кылбайм дечу эле,
Радиодон ырды берип жыргадык.
Эмгек кылбай элдей кылчалык,
Эфирлерден эптеп ырдадык.
Чынгыз,Нурзада жана мен,
Атактуубуз неге мынчалык?
(кичинекей пародия)
Fred, озун ырдаганды билбей эле сындай бербе да, а так ыр 5+++