Сөзү : Ж.Турсунбаевдики
Обону : К.Сатаевдики
Армандар ичке толгонун,
Айтаарга адам болбоду.
Сыйлашып жүргөн достор көп,
Сырдаштан бирөө болгону.
Достуктун шертин танбаган,
Дайыма колдоп, жандаган.
Түйшүктүү ушул жалганда,
Күйүттө бел болгон,
Күлкүгө дем болгон,
Досу жок деги барбы адам?
Айтчы, барбы адам?
Бак-дөөлөт консо башыңа,
Ким келбейт дос деп жаныңа.
Кыйналсаң анын бири жок,
Кан досуң чыдайт баарына.
Жан досум мага көп айтты,
Кайратың болсун деп айтты.
Түйшүктүү ушул жалганда,
Сүйөөрүң көп болсун,
Санааң жок болсун,
Сабырың болсун деп айтты.
Досум көп айтты.
Кызмат дос, аш дос, акча дос,
Курчабайт сени канча дос.
Тар жолдо тизгин талашпас,
Табыла бербейт накта дос.
Достуктун шертин танбаган,
Дайыма колдоп, жандаган.
Түйшүктүү ушул жалганда,
Күйүттө бел болгон,
Күлкүгө дем болгон,
Досу жок деги барбы адам?
Айтчы, барбы адам?
Супер-Инфо
super.kg видео
болуу бул кыямат куну да ата энен
сенден баш тартканда досун АЛЛАнын алдына келип досумдун ордуна
мен тушойун деп тозоктун отунан куткарганга жандалбастаганда сени
да досундуда АЛЛА оз мээримине
алып куноолорунду кечирип
бейишке киргизет экен. Карачы АЛЛАХ
жолунда дос куттуунун пазилетин.
АЛЛООХУ АКБАР!
kan dosun chydayt baaryna