Көрүп калдым мен бир кызды,
Айта албадым мен бир сырды сага.
Артынан мен жүрөм дале, махабатым,
Качан жетем сага?

Кайырма:
Көздөрүңдөн жылдыз жанат,
Менин сүйүүм бир ашыгат сага.
Жүрөгүмдөн айта албадым,
Сүйөмүн деп айта албадым сага,
Сүйөмүн деп айта албадым сага.

Ыр курадым сага, жаным,
Арманымды мен айтпадым сага.
Кумарланат жаш жүрөгүм,
Арман, ай, деп мен ырдаймын сага.

Жетсе башың булутка,
Алды-артыңды унутпа.
Жаман, жакшы күндөрүң,
Келет, кетет турмушта.

Өмүр чуркап алыска,
Өлүм менен жарышта.
Канжыгага баш байлап,
Жигит өтөт намыска.

Адам көпкө багынат,
Алдоолорго чалынат.
Таалайына жетсем деп,
Тагдырына жалынат.

Адам барга ичи ток,
Жокко айласыз күчү жок.
Ысык жандын бир күнү
Муздарында иши жок.

Адам кызык туулган,
Ааламга үнү угулган
Болор иши кайчы өтүп,
Болбос ишке муунган.

Адамга өмүр ченетпейт,
Ар кимде үмүт элестейт.
Карылыкты жээрийт да,
Көп жашагым келет дейт.

Адам кайда жүрбөгөн,
Акылы артык дүйнөдөн.
Ошентсе да кызыгы
Өлөр күнүн билбеген.

Адам кызык баарынан,
От чыгарып табынан...
Келечегин тапсам дейт,
Өткөн күндүн маалынан.

Апамдын жумшак ак колу,
Алдейлеп уктаткан көп жолу.
Кайрылбас күндөргө жетелеген,
Апапак жоолугу.
Мээримдүүм, берекем апакем,
Каталык кетирсем кечирген.
Дүйнөмдүн тынчтыгы үчүн,
Эч качан ооруба сен.

Кайырма:
Апакем, алтыным, картайба,
Кабатыр болуп сен кайгырба.
Жашоомо жылуулук берерим,
Бар болгун сен бактыма.

Дайыма төрүмдө сый көрүп,
Балаңа туура жол көрсөтүп.
Небере-чебере жетелеп сен,
Далайга жаша күлүп.
Эркелеп дагы эле мен турам,
Жүрөктөн чыккан ыр сунам.
Алыстасам мени сагынарым,
Жолумду карап улам.

Мекенди бийик барктайлы,
Биримдик менен сактайлы.
Келечек жаңы мезгилден,
Үмүтүн элдин актайлы.


Кайырма:
Кыргызым жаңы мезгилде,
Бербестен эркин эч кимге.
Даңаза болсун элибиз,
Замана жаңы мезилге


Кыргызым ырыс-кешигим,
Жолунда кылым көчүнүн.
Жарышсын жаңы мезгилге,
Ала-Тоо - алтын бешигим.

Кайырма:

Кечип таштап даңктан, атактан,
Келечегин издеп бараткан.
Кайгылуу шер дүйнө кыдырат,
Кайдасың сен, Нестан-Дарежан?

Кайырма:
Ак сүйүүнүн дайрасын кечип,
Азап-кайгы жүрөктү эзип.
Алоолонуп күйүп баратам,
Ансайын мен сүйүп баратам.
Аялзаттан башкача сезип...

Тоскоол болуп тура албаган,
Тоңгон музду ызгаар Бадахшан:
Тоону тешип өтөм сен үчүн,
Тосуп чыкчы, Нестан-Дарежан.

Кайырма:
Күнү-түнү чыкпай санаамдан,
Күйгөн шамсың мен деп жаралган.
Күйүт мени мыжып жатса да,
Күдөр үзбөйм, Нестан-Дарежан.