[kanat4ik]

Күлкү - өмүрдүн мүлкү Ушундай сөз бар элибизде. Адам канчалык каткырып, күлгөн сайын жан- дүйнөбүз ошончолук ырахатка батып, кубанычка толуп- ташат. Көөдөндөгү куса-кайгы, көкүрөктөгү ой-санаанын баары күлкү менен жуулуп, күлкү менен дартыбыз дарыланат. Андыктан атайын күлкүгө арналган майрамдан да кур эмеспиз.

[kanat4ik]

Айымдар Күлгөн убакта чыпалагын эриндерине тийгизсе, мындайлар көңүл борборунда болууну каалаган, талапты катуу койгон айымдар. Күлгөндө колу менен оозун жаап алгандар токтоо, жөнөкөй жана чечкинсиз келишет. Тартынчаак келгендиктен, коомчулук менен тез аралашып кете албайт. Эгер башын артка чалкалатып күлсө, бир аз жеңил ойлуу, ишенчээк, ак көңүл келген айымдар. Эмоцияга берилип жана ачууга тез алдыргандардын катарына кирет. Эгер күлүп жатып колу менен башын кармалай берсе, кыялкеч болот. Ал эми күлгөндө мурдун тырыштырган айымдар өтө кежир, эмоционалдуу келишип, маанайы мүнөт сайын өзгөрүлүп турат.

[kanat4ik]

Мырзалар Эч кандай манерасыз күлгөн мырзалар ишенимдүү, токтоо, оор басырыктуу, иш билги болушат. Мындай эркектер адатта үй-бүлөдө ишенимдүү келишет. Эгер ачык, катуу, өзүн артка таштап, көзүн жүлжүйтүп күлсө, жеңил мүнөздүү киши. Жашоого жана айымдарга да жеңил ойлуу карайт. Мындай адам менен тил табышуу оңой жана кызык болушу мүмкүн, бирок, аны менен олуттуу мамиле түзбөй эле койгон оң. Оозун чоң ачып каткырып күлсө, ачык-айрым, ак көңүл, дурус жигит. Акылы курч, митаамдык билбеген, түздүгү бар. Бирок, интеллектуалдык деңгээли өтө бийик эмес. Эгер эринин оң жакка кыйшайтып жөн гана күлүмсүрөсө, анда ал копол адам. Мындай мырзалар жалган сүйлөгөнгө жакыныраак келип, кээ бир учурларда өтө катуу болушат.

[kanat4ik]

Англияда күндүзгү саат 12ге чейин гана бири- бирин тамашалоо эрежеси бар. Америкада болсо таарынтпай турган "бут кийимиңдин боосу чечилип калыптыр" , "артың ак болуп калыптыр" деген сыяктуу майда тамашалар кеңири жайылган. Эгер тамаша ишке ашса, алданган адам "апрель келесоосу" аталат. Францияда 1-апрель күнү артында кагаздан жасалган балыктар жармашып жүргөн адамдарды жолуктурууга болот. Бул күнү алданып калбоо үчүн же болбосо француздар өздөрү айтмакчы "балык болуп калбоо үчүн" адамдар аябай кыраакы болууга аракет кылышат.

[kanat4ik]

Шотландияда "Келесоолор күнү" эки сутка бою белгиленет. 1-апрель күнү алдангандар "аңкоолор" деп аталышат. Ал эми кийинки күн "Куйрук күнү" болуп эсептелинет жана ал күндүн атайын өзгөчөлүгү бар. Башкача айтканда, тамашалар жалаң адамдын белден төмөнкү арткы бөлүгүнө арналат. Популярдуулукка ээ болгон тамашалардын бири: отургучка басылганда үн чыгаруучу атайын резина каптарды кийгизип коюшат. Анын үстүнө отуруп алган адам жел чыгаргандай сезилип калат. Чын дилден чыккан күлкү - саламаттыкка эң чоң жардамчы Көп күлгөндө көздүн айланасына бырыштар көп түшөт дешет.Бирок адистер күлкү беттин булчуңдарын иштетип, кан айланууну жакшыртып, анын натыйжасында териге жакшы таасир берерин айтышкан. Андан сырткары инфекция менен күрөшкөнгө да жардам берет. Бир нече мүнөт чын дилден каткырууда дем алуу органдарын бактерия менен вирустарга каршы туруучу антителалар менен камсыздайт. Аны менен кошо бир катар ооруларга, анын ичинен ракка каршы күрөшүүчү лейкоциттердин көп бөлүнүп чыгышын шарттайт. Андан сырткары кан тамырларды кеңейтип, кан айланууну жакшыртат. 10 мүнөттүк күлкү кан басымды кадимкидей түшүрөт. Ошондой эле жүрөгүнөн приступ болгондорго көп күлгөн пайдалуу, ал оорунун экинчи жолу кайталанышын алдын алганга жардам берет. Күлкү астма жана бронхиттен жапа чеккендерге жакшы жардамчы. Каткырган учурда өпкөгө кычкылтек адаттагыдан арбын кирип, какырыктын толуп калуусун азайтат. Британ окумуштуулары 1 мүнөттүк күлкү 45 мүнөттүк көңүл ачкан терең эс алууга барабар экендигин айтышкан.

[kanat4ik]

Дайыны бар далилдер:

1) Чыныгы жылмаюуда көздүн
тегерегиндеги булчуңдар жыйрылса,
калп жылмаюуда болгону ооз гана
ийри формага өтөт.

2) Көптөгөн 10 айлык балдар
бейтааныш адам жакындаса, калп
жылмайып, ал эми апасы келсе, чын
жылмайышат.

3) Жылмаюу мүмкүнчүлүгүнө адамдар гана ээ, жылмаюуну 300 фунт аралыгында аныктоого болот.

4) Жылмайган официанттар бир жарым
эсе көбүрөөк чотур алышат.

5) Бактылуу жубайлар чындап
күлүшсө, бактысыз адамдар калп
эле күлүмсүрөшөт.

6) Кабак чытып жинденүүгө караганда
жылмаюуда аз гана булчуң иштейт.

7) Мектепте окуп жүргөн кезинде
сүрөткө чындап жылмайып түшкөн
кыздар 30 жылдан кийин да өздөрүн
бой-келбети жактан да, эмоциялык
жактан да жакшы сезери изилдөөнүн
натыйжасында белгилүү болгон.

[kanat4ik]

Биркенбилден беш кеңеш
Немец психологу В. Ф. Биркенбиль
жашоонун ар кандай учурларында
жылмаюуну кантип колдонуу жөнүндө
бир канча кеңеш берет.

Биринчи кеңеш: телефон менен сүйлөшүү керек болсо, трубканы
аларда же сиз баарлашканы жаткан
адам трубканы алганга чейин
жылмайыңыз. Бул кичинекей көрүнүш
баарлашуунун өтүшүнө оң таасирин
тийгизип, жеңил сүйлөшө аласыз. Себеби, сизди угуп жаткан адамдын да көңүлү көтөрүлөт.

Экинчи кеңеш: эгер сиз жинденип жаткан болсоңуз, анда жогоруда
айтылган көнүгүүнү жасоо максатка
ылайык. Чоң бөлмөдө иштеп
жатканыңызга карабай, өзүңүздү
жакшы сезгенге чейин бул көнүгүүнү
кайталай бериңиз.

үчүнчү кеңеш: эгер башка бирөө жинденип жаткан болсо, бир канча
көнүгүүдөн кийин чын дилинен күлүү
оңой болуп калат. Эгер сиз мындай
абалга жеткен болсоңуз, башка
адамдарга карап жылмаюуга аракет
жасаңыз. Сиздин жылмаюуңуз ачууланып жаткан адамдын жүзүнө
күлкүнүн уругун себелеп, жеңилдене
түшөт.

Төртүнчү кеңеш: чоочун адам менен жаңыдан таанышып жаткан болсоңуз, ал: “Мени кандай кабыл алат болду экен?”; – деп өтө тынчсызданбаш үчүн,
атайы жылмайып коюңуз.

Бешинчи кеңеш: кат жазуу учурунда сиз канчалык жакшы маанайда
болсоңуз, жазган катыңыздын (SMS)
таасири ошончолук оң болот. Көпчүлүк адамдар ача салып окуй баштаганда “саптардын арасынан”; орой сөздөрy одурайып көрүнүп калган каттарды жиберишет. Кээде чыныгы абалды оорлотуп жиберген учурлар да кездешет. Ошондуктан, кат жазуу алдында сөзсүз жылмайыңыз, бул аракетиңиздин жыйынтыгы оң болорун эстен чыгарбаңыз.

[kanat4ik]

Жылмайып коюңуз?..

Жылмайганды үйрөнүүнүн негизги
маңызын бир күндө бир канча жолу 1
мүнөттөн жүзүңүздө жылмаюуну
кармап туруу түзөт. Бул көнүгүүнү ар
кандай шартта: машинада кетип
баратып, сейилдеп жүрүп, үйдө отуруп жасоого болот. Көнүгүүнү жасап жатканда кызыктуу факт байкалат.

Алгачкы көз ирмемдерде жылмаюунун ордуна жөн гана кебете бузуу байкалат, өзгөчө жинденген абалда болсоңуз, бул көрүнүш күчөйт. Бирок, 10 секунд өтүп-өтпөй, өзүңүзгө өзүңүз күлкүнүчтүү сезиле баштайсыз.

Натыйжада, кебете бузууңуз
жылмаюуга айланат. Ичиңизден эмнеге капаланышым керек деп ойлоно баштайсыз. Бир канча убакыттан кийин жеңилдейсиз, ушундан тартып бардыгы
жакшы жакка бурула баштайт.Жылмайып коюңуз?.. Жылмайганды үйрөнүүнүн негизги
маңызын бир күндө бир канча жолу 1
мүнөттөн жүзүңүздө жылмаюуну
кармап туруу түзөт.

Бул көнүгүүнү ар кандай шартта: машинада кетип баратып, сейилдеп жүрүп, үйдө отуруп жасоого болот. Көнүгүүнү жасап жатканда кызыктуу факт байкалат.

Алгачкы көз ирмемдерде жылмаюунун ордуна жөн гана кебете бузуу байкалат, өзгөчө жинденген абалда болсоңуз, бул көрүнүш күчөйт. Бирок, 10 секунд өтүп-өтпөй, өзүңүзгө өзүңүз күлкүнүчтүү сезиле баштайсыз.
Натыйжада, кебете бузууңуз
жылмаюуга айланат. Ичиңизден эмнеге капаланышым керек деп ойлоно баштайсыз. Бир канча убакыттан кийин жеңилдейсиз, ушундан тартып бардыгы
жакшы жакка бурула баштайт.

[kanat4ik]

Чыныгы күлкү

Мындай түшүнүктү XIX кылымда жашап өткөн окумуштуу Гийом Дюшен де Булонь киргизген. Бул адам
жылмаюунун психологиясын терең
изилдегенден кийин гана ушундай
пикирге келген. Ошондуктан, чыныгы күлкү анын наамынан аталып калган.
Ал эми Вайзмандын айтымында,
Дюшендин жылмаюусу калп күлкүдөн
булчуңдардын жыйрылышы менен
айырмаланат. Чын дилинен күлгөндө,
ооздун тегерегиндеги булчуңдардан тышкары, көздүн жанындагы
булчуңдар да жыйрылат. “Эркектерге
караганда аялдар чыныгы күлкүнү
жакшы аныкташат, бирок, эмне үчүн
экени азырынча бизге белгисиз”;, –
дейт Вайзман.

[angelo4ka_96]

kanat4ik (06 Ноябрь 2013 - 18:35) жазган:

Айымдар Күлгөн убакта чыпалагын эриндерине тийгизсе, мындайлар көңүл борборунда болууну каалаган, талапты катуу койгон айымдар. Күлгөндө колу менен оозун жаап алгандар токтоо, жөнөкөй жана чечкинсиз келишет. Тартынчаак келгендиктен, коомчулук менен тез аралашып кете албайт.

Ушул жери мен тууралуу окшойт...Бирок мен ар кандай күлөм да ,үйдөгүлөрдөн сурасам 2 типте күлөт экем колум мн оозуму мн жаап же бир аз каткырып

[VANCOUVER]

Кулуунун да ар кылы барда. Уялгандан жылмайып кулуу, суйунгондон кулуу, мазактап кулуу дегендей. Ошондо кыймыл аракет да ар кыл болсо керек.

[Feijipiao]

Күлгөндө колу менен оозун жаап алгандар токтоо, жөнөкөй жана чечкинсиз келишет. Тартынчаак келгендиктен, коомчулук менен тез аралашып кете албайт. Эгер башын артка чалкалатып күлсө, бир аз жеңил ойлуу, ишенчээк, ак көңүл келген айымдар. Эмоцияга берилип жана ачууга тез алдыргандардын катарына кирет
чындык бардай)))

[Yago.limon]

Жасалма кулку,жылмаюулар кобойгондой азыр менде((