[vankuver]

Сонун суйуу экен. Аягы кандай болоор экен? Уланта бериниз. Отто маанилуу тушунуктуу жазат экенсиз. Чыгарма окугандай эле болуп атам.

[Lili]

даа, билимдуу кыз экен, азаматсыз!

[Kurmanjan.93]

Тушунуктуу чыгарманы окуганда кадимкидей эс алып калат экенсин,уланта бериниз!Эми "Откон кунго кайрылуу" ,"Кутуусуз бурулуш " темаларын андыйт окшойбуз!

[konfetka_love]

Сонун жазыптырсыз, аягы бактылуу болуп бүтсө экен:-)

[LaraKroff]

Бир аз озумду жоошутуп чыга бергенде ал мени кутуп туруптур. "Жакшысынбы? Копко жоголуп кеткендиктен кабатырландым" ,-деди чын эле жалооруй карап. Жинимди чыгаргым келдиби же ажыкыстыгым кармадыбы айтор какшык аралаш "Мээрим жанында турса эмнеге мени ойлондун?" ,-дедим. Ал алгач тушунбой карап калды да, бир аздан андап жетти корунот :"Мээрим балалык чагымдан бери жанымда. Аны ойлонсом сени менен таанышпайт болчум",-деди. Кайра айткан созумдон уялып кеттим. "Мен уйго кетейинчи. Озумду жакшы сезбей турам",-дедим. "12 ни кутчу, аз калбадыбы. Андан кийин сени жеткирип, андан ары озум кетем уйго",-деди алгачкы жолу белимден кучактай басып. Анын алгачкы жолу кучагында баратканыма ансайын эки жузум албырып, Мээримди коз кырым менен карап табалап да, бакытыма балкып да турдум ошол муноттордо. Саат 12 ни какканда эшикте салюттардын жарыгын тиктеп турдук. Ал мени аркамдан кучактап, кулагыма "Биз бул жыл сен каалабасан- кааласан да бирге болобуз", -деп шыбырады. Мен аны жылмайып карап "Бул жылы элеби?",-десем "Сен кааласан туболукко" ,деди. Ааламда экообуздон башка жан жоктой кубанычымды жашыра албай анын кучагынан чыккым келбей турдум.

[LaraKroff]

Былтыр ушул убакта деп ойлондум алгач, бир жыл мурда сааттын жебеси 12ни какканда уй булом менен бака-шака болуп жатканбыз. Эшикте так ушинтип салюттар атылып жатканда атам мени бооруна кысып:"Биринчиден ден соолук,экинчиден ак жоолук дейт кызым. Жашын да келип калбадыбы, жашоодо жолок болчу тирегинди тап бул жылы",-деп айтса ,мен кабагымды туйуп:" Менден кутулгунуз келип калган го" дедим эле. Анда атам адаттагыдай шандуу каткырып: "Кааласан тапкан адамын менен экоонорду чогуу багайын. Биз башка, ал адамдын орду башка болот",-деди эле. Атамдын тилеги орундалды окшойт деп ойлодум эн алгач. Кайра экообуз жетелешип ичкериге кирсек достору тамашалап: "Ромео менен Джульетта копко жоголду го" деп калышты. Биз кирээрибиз менен шампан аттырып, бири-бирине каалоо-тилектерин айтып жатты. Тек гана Мээрим элден оолакта терезени карап ойлуу турат. Анда менин суйуктуум "Бир аз куто тур",-деп ал тарапты коздой басып кетти. Менин ичимди кызганыч орттоп алар тарапты тигиле карап калыпмын. Бир учурда Султан деген досу жаныма келип:" Экоосу балалык достордон. Досубуздун бугун жалгыз келбей сени менен келиши Мээримди ынгайсыз кылды корунот. Сен этибар алба",-деди бокал сунуп жатып. Мен байкабай кылган кылыгымдан уялгандай "Мен ичпейм рахмат" дедим. Султан жанымда бир нерселерди кобурап суйлоп жатса да менин оюм такыр башка тарапта болчу.

[Jazi-91]

Ушул кыз мурда да бир тема ачкан болчу.Жазгандары ар дайым тушунуктуу, кызыктуу,ирееттуу. .... Азаматсыз.Шашпай жаза бериниз

[LaraKroff]

Уйго жеткирип келе жатканда : "Мээримге эн жакыны сенсинби достордун арасынан?" ,-дедим. Ал жолдон козун албай ;"Баарыбыз эле жакынбыз" .
-А мага сен эн жакынындай сезилдин.
-Балким. Анын атасы каза болоордо бизге аманат кылган. Мен аманатка кыянат кыла албайм. Анын устуно ал оорукчан. Катуу ойлонуп же журогу сыгылса эсин жоготуп коет.
-Мен сени актангандай кылгым келген жок. Жон эле сурадым,-дедим озумду куноолуу сезип.
-Мээрим жакшы кыз. Болгону озумчулдук жагы бар. Балким жакын курбу болуп кетесинер,-деди мени карап.
-Балким,-дедим терезеге унуло жолду карап. Ичимден бул сунуштун эч качан кабыл болбошун билип турсам да.
Уйдун алдына келип токтогондо ,аны кутпой тушоюн десем колумдан кармады. Машинанын аркасынан кооздолгон пакет алып," Бул сага жаны жылдык белегим." ,-деди бетимден ооп. "Рахмат, а мен сага белек албадым", -дедим тартынбай. "Сен менин белегимсин" деди жылуу карап. Ошол учурда аны кетирбей машинада тан атканча суйлошуп отурууну кааладым. Бирок, ал мени шашып жаткандай ойлоп, машинанын эшигин ачып тушуруп, подъездге дейре узатып. киргенче кутуп турду.

Билдирүүнү түзөткөн: LaraKroff: 27 Апрель 2014 - 16:43

[LaraKroff]

"Эмнеге мынча токтоо? Озу мени кетишимди каалабай турса да, кал деп айтпайт? Мен анын бир эле жолу бир аз отурчу жанымда деген созуно макул болмокмун да" деген ойлор менен уйго кирдим. Уй жымжырт. Эки курбу кызым жаны жылды уй булолору менен тосуу учун кетишкен болчу. Болмого кирип белегин да ачкым келбей же бактылуу болоорумду, же кызганычтан кайгырышымды билбей копко отурдум. Ошентип жатып уктап кетипмин. Жымжырттыкты бузган ундордон ойгонуп кетсем курбу кызым мага белек кылган пакетти ачып жатыптыр. "Саат канча болду?" дедим уйкусурап.
-12
-А сен эмне эрте келдин?
-Сени жалгыз калтырбайын деп.Эмне келбесин дедин беле,-деди мени тан кала карап.
-Жок, бугун да уйундо каласын деп ойлогом.
-Бул белектин ээсин айт турган учур келди,-деди созду буруп.
-А эмне белек экен?

[92nuraaly]

Жакшы жазып жатасыз кутобуз.

[saltanat.]

Сонун го. Уланта бериңиз.

[tynara81]

Батыраак жазсаң экен эми. Шаштырбайлы десем да, кызыгуум артып кетип жатпайбы. Азырынча бизге да жагып турат, сүйүктүүң, анан эле башкача болуп кетпесе...

[chingizhan01]

Жаралуу журок бутуп калды эле эми бул башталды, жакшы жазып жатат шаштырбай окуй берели.

[nooken.kg]

Кызыктуу жазып жатасыз. Азаматсыз! !!
Белеги кызык болтат.

[Bogotik]

Wawkan waitandyn iwi

[meerim8793]

Биринен отуп бири кызык болуп атат чыгармалар. Уландысын жазды бекен деген ой менен жашап калдымго чиркин.

[antiwithin14]

Эн эле кызык жеринен бутуп калып жатат. Кутобуз,батыраак жазыныз.

[LaraKroff]

-Пакетин эле ачтым. Коробкасын сен ач,-деп жаныма келип калды.Менден да анын толкунданганын коруп, айла жок ордумдан турдум. Козумду ушалап коробканы ачканымда мынчалык озгочо болот деп ойлогон эмесмин. Балким, бир колго тагуучу саат, портмоне, браслет же ушул сыяктуу баналдуу бир нерсе болсо керек деп ойлогом. Коробканын ичинде ото кооз аппак туфлинин бироосу жана открытка бар экен. Тан калып бутпой эле открытканы ачканымда ;" Бироосун убагы келгенде оз колум менен кийгизейин " деген жазууларды окудум. Курбу кызым жан талаша мени менен чогуу окуду да, туфлини бутума кий деп кыстап баштады. Сол бутумдуку экен. Размери чак келип, бутума озгочо жарашты. Андай шок акыбалдан чыга албай копко отурдум. А курбу кызым жанымда "Биз ушул убакка чейин билбейбиз. Сен бизден кызганып жатасынбы? Болбосо айтмаксын да. Кантип оз досторуна ишенбейсин? " деп кейип жатты.

[LaraKroff]

Ата-энеме, курбу кыздарыма баарын айтып берейин деп ойлодум. Бирок, анын мага кутуусуздон кылган сюрприздери копко тан калтырчу. Дароо чалдым ага.
-Мен сени кечинде эле чалат деп кутком,-деди.
-Ооба,кечинде чалмакмын, уктап калсан керек деп ойлодум,-дедим белегин кеч кабыл алганымды жашырып.
-Жактыбы?
-Билбейм.
-Кандайча?
-Мен эмне ойлошумду да билбей калдым.
-Тушунбодум.
-Сен мага суйлошкон кызындай эмес, досундай мамиле кыласын. Анан кутуусуздон бул сюрприздер. ..
-Созсуз эле расмий жарыялашыбыз керек эмес го.
-Ооба, бирок,-деп созумду улаганча ,
-Кечинде бош болсон кезигеличи, -деди созумду улантуумду кутпой.
-Макул
-Кечинде уйундон алып кетем анда.
-Макул.
Курбу кызым жанымда "Сен макулдан башка соз билесинби?" ,-деди
-Билбейм.
-Ошол эле созду билесинби?-деди таарынычы тарабаган тейде.
-Жок эмнеден башташымды, эмне жонундо ойлошумду билбейм. Оюмду жыйнап алайынчы. Баарын айтып берем.

[LaraKroff]

Алардан жашырганымдын себеби баары ачык айкын эмес болчу. Ал мага жактыргандай мамиле кылганы менен "Мен сени суйом" деп айтчу эмес. Тушунуксуз тунгуюк сыяктуу. Аларга айтып алсам, эртенки куну "Эмне учун биз менен таанышканы келбейт?" ,-деп айтышат да. А мен аны тааныштырам деп андан мурун сунуш киргизмек белем. Айтор, ушул ойлор менен кеч да кирди. Ал келип тынч бир кафеге алып барды.Эмнеден соз баштаарымды билбей тайсалдап турдум. Кыз болуп жаралгандын кемчилиги ушул тура. Канчалык феминист болуп , эркектер менен тен тайлашам деген менен ,кыз-жигиттин жеке мамилесине келгенде бийлик баары бир эркек тарапта болот экен. Мамилени ал башкарып, ал чыгарган чечим менен уланат тура. Кыз болгонум учун "Мен сени суйом. Акыры бул мамилебиз уйлонууго алып барат. Сен да макул болсон бири бирибизди жакындан тааныйлы, жакындарым менен тааныштырайын" ,-деп айта албай жаттым.
-Эмне мынча ойлуусун?,-деди жылмайып.
-Билбейм.
-Сага дагы бир сюрпризим бар.
-Туфлинин экинчисин кийгизесинби? -,деп алып кайра туура эмес суйлоп алганым учун ынгайсыз болуп кеттим.
Ал каткырып кулуп :"Ал кун да алыс эместир. Бирок,экинчисин кийгизээрден мурда экообуз бири-бирибизди ото жакшы тааныш учун бир жумага бир жакка барсак болобу?",- деди.
-Каякка?,дедим тан калыштуу тиктеп.
-Мисалы Дубайга, деп козун кысып койду.
-Бул жакта эле тааный берсек болбойбу?
-Мен озгочо болуусун каалап жатам.
-А менин каалоолорум эске алынбайбы?
-Дубайга барууну каалабайсынбы?
-Жок,-дедим жиним келгенин жашырууга аракет кылып. Дубай десе эле дароо макул болуп кете калгандай мен акылсыз эмесмин го. Айтор кылыктары учун чындыгында жиним келди. Ата-энемди тааныса бир жон, уруксат сурап алып кетмек . Мен аларга тааныбаган бироо менен кайдагы бир Дубайга бир жумага барганы жатам деп айтмак белем.

Билдирүүнү түзөткөн: LaraKroff: 28 Апрель 2014 - 01:38