[Nurmatova]

bolushu mumkun....... birok ishene berbeim.......

[MACKA]

Бул Японияда болгон окуя экен. Кичинекей баланын күндөлүгүндө жазылган сөздөр.

Бөбөгүм:
1-күн.
Апам ооруканада, себеби ал жакында төрөйт. Мен апама тамак жасап бергим келди, бирок менин досум тамак жасоо - бул кыздардын иши деп койду.
2-күн.
Бүгүн мен апама жашылчалардан жана эттен сорпо жасап, ооруканага алып келдим. Апам менин сорпомду абдан жактырды.
3-күн.
Бүгүн апам менин кичинекей карындашым менен келди, ал абдан сүйкүмдүү, назик, сулуу болгондуктан мен аны менен ойноюн десем апам ойногонго уруксаат бербей койгону өкүнүчтүү болду. А баса менин карындашымдын аты - Каори.
4-күн.
Бүгүн атам жумуштан эрте келди. Эрте келгендиктен мени менен ойнойт го десем, бөлмөңдө өзүң ойной тур деп, өзү болсо Каорини эркелетти, ойнотту, а мени унутуп койду.
5-күн.
Бүгүн үйгө чоң атам жана чоң апамдар келишти. Алар мага дайыма жомок окуп беришчү, ал эми бүгүн болсо алар мени бөлмөмө калтырып, унутуп коюшту. Атам менен апамдын: "Каори ушунчалык сулуу, аны жегим эле келип жатат," - деген сөздөрү бөлмөмө чейин угулуп турду.
6-күн.
Бүгүн кечке эч ким үйдө жок болгондуктан, өзүм сорпо бышырдым. Жашылчаларды оңой эле туурап, сууга салдым, ал эми этти кечке туурап эсим ооду, бирок баары бир туурадым! Атам, апам, чоң атам, чоң энемдерге сорпо абдан жакты көрүнөт, бирок кечки тамактан кийин алар, '' Каори!, Каори!'' - деп Каорини издеп жүрүштү. "Ал кайда кетти болду экен?" - деп. Атам менен апам Каорини жегиси келип жатышпады беле?

Билдирүүнү түзөткөн: MACKA: 12 Январь 2015 - 22:15

[MACKA]

Бир абышка айылдагы мал-жайын сатып, шаардан үй алып көчүп кетет. Чай ичип дасторконду жыйнабай эле ордунан туруп, сыртка чыгып кете берет экен. Келсе, баары жыйналган болуп калат. Күндө ушундай боло берет, анан бир күнү жанагы абышка, "буларды ким кылат болду экен?" -деп аңдый баштайт. Полдун астынан бир аял чыгып, дасторконду жыйнап, тазалап, кайра полдун алдына кирип кетет экен. Чоочуп калган абышка элдерди чогултуп, жанагы полду ачышат экен. Көрсө үйдүн мурунку ээси аялын өлтүрүп, полдун астына көмүп койгон экен.

[MACKA]

Негизи коркунучтуу окуялардын көбү караңгыда болот экен. Ушундай январь айы эле, жаңы жылды тоскондон кийин дем алыш болуп, үйдө жатам. Уктап ойгонсом кеч кирип калыптыр, үйдө эч ким жок. Уйкум келбей отургам. Түнкү саат 12 да болуп калды, бир маалда эшик такылдады, ачсам эч ким жок, угулуп кетти окшойт деп жаап койдум. Анан дагы такылдады. Чыксам кайра эле эч ким жок! Телевизордун үнүн катуу кылып алып кино көрүп отурам. Свет өзүнөн-өзү күйүп калды! Диванда отурсам жанымда бирөө дем алып отургандай болду, корко баштадым. Бетимди жууп алайын деп ванныйга кирдим. Сырты күзгү болгон шкафты ачып, самынды алып, кайра жапсам шкафтын күзгүсүнөн капкара чачы саксайган өлүк аялдын сөлөкөтү бир секундка көрүнүп жок болуп кетти! Жүрөгүм дүкүлдөп сого баштады. Жуунбастан эшикке чуркап баратып, чыгайын деп калганда жанагы “ужас” алдыман чыгып калды! Аа-ааа! деп барып полго кулап түштүм, өйдө тура албай полдо колдорум менен жылып бараттым! Жанагы аял бутуман кармап тартты! Узун тырмактары бутума кирип кетти, жиним келип бетке тептим да, туруп эшикти көздөй атып чуркап чыктым! Ал түнү үйгө кирген жокмун, жаңы эле сатып алган үй болчу, көрсө ошол үйдө бир аялды өлтүрүп кетишиптир. ..

[MACKA]

Кайсы бир жылдары балдар-кыздар болуп Буранага бармай болдук. Бир бусикке толуп алып, Токмокту көздөй кеттик. Талаада эле жалгыз өзү турат экен. Айланасында бал-бал таштар чыгып турат экен, майда кишилердей болуп. Ал күнү ичи жабык болуп кире албай турдук. Сүрөткө түшүп, ойноп отуруп убакыт бат эле өтүп кетти, кеч кирейин деп калганда кароолчусу ачкычын алып келип калды! Ага да акча керек да ар бирибизден 20 сомдон алды. Баарыбыз сүйүнүп, ичин көрмөйүнчө кетпейбиз деп турганбыз. Ичине кирип кууш буралган тепкичтер менен чыгып отурдук. Ичи капкараңгы болуп жаңырып турду. Фонарик күйгүзүп алганбыз. Көп болсоң коркпойсуң да ар бир сөздү тамашага айландырып чыга бердик. Башына да чыктык, ал түнү ай жок болгондуктан алысты көрө албадык. Бирөө түртүп жибере тургансып кырына жакындай албай турдук. Сүрөткө түшүп коюп, бат эле жерге түштүк. Эртең менен дагы бир жолу көрүп анан кетели деп, ал түнү калып калдык. Машиндан музыканы каттуу кылып коюп бийледик. Түн ортосу болуп калып ар ким каалаган жерине жатып калды. Кызуу уйкуга киргем, азыркыга чейин биле албайм түшүмдө болдубу же өңүмдө болдубу. Жаткан жериме бою узун, калпак кийген сакалы узун бирөө келип эле таягы менен сайып калды, секирип турдум. Артыман жүр дегендей болду, мен артымды карап тигилерди ойготойунбу деп ойлодумбу же сүйлөдүмбү билбейм, жок деп койду. Бурананын айланасынын баары мүрзө экен да. Баарын айланып көргөзүп чыкты, биз бул жерде жашайбыз, Силер келип тынчыбызды алып жатасыңар дегендей маани кылды. Сүйлөгөнү билинбейт, баары ой аркылуу эле жетип турду, мен да оозумду ачып сүйлөй алган жокмун. Кыйналып ойгондум, таң агарып калыптыр. Уктай алган жокмун, баарын ойготтум, эч кимге айткан жокмун баары бир ишенишпейт болчу. Билбейм мүмкүн аларга да көрүнгөндүр, тургандан кийин баары башкача болуп калышыптыр. Бурананын башына чыгууну эч ким сөз да кылган жок, жыйналып эле кетип калдык.

[MACKA]

Күн сайын түнү менен түш көрүп чыгам. Ар бир түнү ар башка түштөр кирет, кээ бир түштөр кайталанып турат. Бир чети жакшы, бир чети жаман. Эс алып уктабай ызы-чуу түш кирсе, эртең менен кадимкидей чарчап ойгоносуң. Бир жылдары жалаң “погоня” түштөр кирип чыкты. Уктаарым менен эле бир шаардын арасында, же айылда же бир үйдүн ичинде качып бараткан болом. Артыман кубалагандар ар кандай адамдар, кээде белгисиз жаныбарлар кубалайт. Бир жолу кооз токойдо пайда болдум, күз экен бак-дарактар сары-кызыл түскө боёлгон. Колума бир баштык кармап алып качып баратам токой аралып, артыман кууган эки киши экен. Бир колумда баштык бар аны неге кармап жүрөм түшүнө албайм, оң колумда саатым бар экен. (Ошол кезде чыныгы жашоодо тагынып жүргөн саат). Улам саатымды карап коём, бир жерге кечигип жаткандай. Эч токтобостон качып кете бердим, тиги экөө да калбайт, улам жакындай беришти. Суу кечип, талга чыгып, жашынып отуруп токойдун арасынан 4 кабат үйгө кирдим. 2-кабатына чыгып терезеден карап турсам, тигилер да адашып калбастан түз эле мен жакка келатышат. Тепкичтерден чуркап элди түртүп эле үйдүн наркы бетиндеги эшиктен чыксам шаардын бир көчөсү болуп калды. Машиналар, пробка, светофор баарын аралап эле качтым. Бир маалда асмандан вертолет пайда болду, жанагы эки киши эми машина менен кууп башташты. Тердеп-кургап, ар кайсы кычыктардан кирип-чыгып эң кызыгы эч кармалбайм да! Ошентип отуруп таң атып ойгонуп калам. Ошондой түштөр бир жыл бою кирип чыкты.

[MACKA]

Иштер менен Ысык-Көлгө кетмей болдум. Күндүз кол бошобой, кечки 8 де машинамды айдап алып чыктым. Жалгыз кетип бараттым, Боом капчыгайына жетейин деп калганда жолдон токтоп туалетке барып алайын деп тоону көздөй бастым. Дөң башында боз үй туруптур, ичинде чырак жанып тургандай... Карап турсам ичинен бирөө чыкты, мени көрүп калбасын деп, артты карап кетип калайын десем, кыздын үнү болуп кыйкырып мени чакырды: “Бизге келаттыңыз беле? Кымыз ичип кетиңиз,” - деди. Өзүм да суусап тургам. Макул деп ичине кирсем, кичинекей көрүнгөн боз үйдүн ичи аябай чоң экен. Жап-жарык болуп, укмуштай кооз экен, таң калдым. Ортого чоң дасторкон жайылган, бүт баары бар экен. Кымыздан ичип, ичиндеги чалдар менен сүйлөшүп отурдум. Аз эле өткөндөй болгон саатымды карасам 2 саат өтүп кетиптир! Кетишим керек деп, рахмат айтып шашып чыгып кеттим. Боомго жеткенде жолдон чоң авария болгонун көрдүм! Кишилер өлүптүр! Мен акырын айдап өтүп кеттим. Жана жолдон токтобогондо мүмкүн мен кабылмакмын бул аварияга деп ойлодум. 2 күн өтүп кайра Бишкекти көздөй келатып баягы боз үйдөгүлөргө кайрылып болгон окуяны айтып, жакшылап ыраазычылык билдирейин десем, такыр эле таппай койдум! Ошол дөңгө чыгып баарын издедим, жок! Таң калып кетип калдым, андан кийин көп эле өтүп жүрдүм, ал боз үйдү көрө албадым.

[MACKA]

Атамдын иниси таксист болуп иштейт. Бишкек-Нарын болуп күндө каттап турат. Бир күнү машинасы бир жерден бузулуп калыптыр. Оңдоп бүтүп эки жагын караса, жаңы дөңгөлөк жатыптыр. Жакшы болду деп, алып машинасына салып алыптыр. Арадан 2-3 күн өтүптүр. Шашылыш жумушу менен киши салбай эле кетейин деп жатса, бир жигит байке мени салып алыңызчы деп, экөө Бишкекке жол тартат. Аркы-беркини сүйлөшүп отуруп, баягы дөңгөлөк таап алган жерге келишкенде тиги жигит: - Байке, биз ушул жерден жол кырсыгына кабылганбыз, деп айтыптыр. Атамдын иниси, "кана, кайсыл жер?" - деп терезени карап, кайра баланы караса, бала жок дейт. Коркуп, келме келтирип араң эле машинасын үйүнө айдап келет. Келип чоң апама айтса, аябай урушуптур. "Эмне ал дөңгөлөктү аласың?" - деп. Чоң апамдар, чоң атамдар ал жерге барып, кой союп куран окуп, баягы дөңгөлөктү таштап келишиптир. Көрсө, кырсык болуп адам өлгөн жерден эч нерсе албаш керек экен.

Билдирүүнү түзөткөн: MACKA: 12 Январь 2015 - 23:35

[Kanat8427]

Менда айта кетейин. 7 класста окусам керек эле, торт бир тууганбыз эн кенже карындашым бар ал 2- же 3 -класста окуучу, дайым эле шамда карангы кирип калган убакытка чейин эшиктин астында эле ойночубуз. Бир куну кундогудой эле ойноп анан уйго кирип кетик эле, кичине карындашым эшикте калган экен артыбыздан каткырып эле кулуп качып келди шашылып, анан эле бизди уйдон коруп бакырып эле ыйлап ийсе болобу не болду деп сурасак силер мени эшиктен суу чачып кууп келдинер дейт, эшиктегилер кимдер деп козуно биз болуп корунгон окшойт. Бизди анан уйдон коруп коркуп ыйлаган экен. Ошодон кийин коркуп журдук бизда.

Билдирүүнү түзөткөн: Kanat8427: 12 Январь 2015 - 23:36

[MACKA]

Терезедеги сөлөкөт.
Бир жолу кыштын ызгаардуу түндөрүнүн биринде, бир он алты жаштагы кыз үйдө телевизор көрүп олтурган эле. Анын ата-энеси досторунукуна майрамдап кетишкен болчу. Эртеден кечке калың кар жааганына карабастан, кичинекей кыз конок тосчу бөлмөдө жылуу жуурканга оронуп алып, диванда өзүн жакшы эле сезип олтурду. Түн жарымы болуп калганда да ата-энеси келе элек болчу. Кыз бир аз тынчсыздана баштады. "Өзүңө өзүң кам көрүп олтура албайсыңбы? " - деп айтышпасын деп, телефон чалгысы келген жок. Телевизор бөлмөнүн бурчунда чоң терезенин жанында турган. Капысынан көзүнүн кыры менен кыймылдап жаткан бир нерсени терезеден байкап калганда, ал кезектеги тасманы көрүп олтурган. Караңгыда себелеген кардын арасынан өзү тарапка басып келе жаткан эркектин сөлөкөтүн ажыратты. Ал жакындаганда жүзүндөгү шрамдар менен коркунучтуу жылмаюусун көрүп калды. Кийин терезеге дагы бир аз жакындаганда чочуган кыз ордунда катыган боюнча туруп калды. Киши да ордунда карап тура берди. Анан ал дароо тонунун чөнтөгүнө колун салды да бир нерсени алып чыкты. Ал бычак болчу...

Билдирүүнү түзөткөн: MACKA: 13 Январь 2015 - 17:17

[MACKA]

Бул болгон окуя.
Бир үй-бүлө айылда жашашчу экен жана ал үйдө жыландын уясы болот экен. Жыландар кадимкидей жаткан бөлмөлөрдүн ичине чейин кирип барчу экен. Анан ал үйдүн ээси ал жыландарды өлтүрө баштайт. Баарын кырып таштаптыр. Бир жыландын чоңу калып калыптыр, аны эч колго түшүрө албай коюптур. Анан ал үйдүн ээлери үйүн сатып, шаарга көчүп келишет. Жүктөрүн машинага жүктөсө баягы жылан машинанын дөңгөлөгүнө оролуп шаардагы үйлөрүнө чогуу келиптир. Аны эч кимиси көрбөптүр. Бир күнү ваннадан ошол жыланды көрүп калат. Кууп айдаса канализацияга кирип кетиптир. Акыры айласын таппай көзү ачыкка барат. Көзү ачык мындай дейт экен: "Ээн талаага барасын, жети нан алып бир казан кошуп аласын, казанды башыңа коёсун, жети нанды ичине саласың, андан аркысын өзүң көрөсүң," - дейт экен. Азыр ошол киши сүйлөбөйт, бирок жыландан биротоло кутулган экен.

[MACKA]

Иштер менен башка бир айылга барышым керек болуп калды, шашылыш болгон үчүн досторумдан бирөө жарымын шерик кылып алганы убакыт болгон жок. Ошентип кечки убакта өзүм жолго чыктым. Музыканы бийик коюп алдым. Жамгыр себелеп баштаган эле... Бир убакта ээн жерге келгенде бир кыз машинаны тосту, бирөө жарымдан качып келе жатат окшойт деп токтодум. Машинага отуруп ыйлай баштады. "Телефонунузду берип туруңузчу," деп, кимгедир чалды да, апа...апа бул мен деп телефонду кайра өчүрүп койду. Жүзүн анык көргөнүм жок, бирок жакшынакай кыз эле. Ошентип токойдун жанына жеткенде, токтотуңузчу деп түштү да, токойдун арасына кирип кетти. Эч нерсени түшүнбөй жолумду уладым. Бир аздан соң баягы номер кайра чалып, жанагы кыз кана деди түшүп кетти десем, абдан ыйлап, телефонду өчүрүп койду. Менимче кыз үйүнөн качып кеткенго деп ойлоп калдым. Кайра ошол эже чалды, "кечирип кой балам, сенин да тынчыңды алдым. Жанагы кыз меним кызым, бир жарым жыл мурун көз жумган, мына акыркы 5,6 айдан бери ар кандай номер менен чыгып, апа...апа бул мен деп өчүрүп коёт" - деп, телефонун өчүрдү! Ошол убакта денемден муздак тер чыгып, газды басып бараар жериме кандай жеткенимди билбейм. Көпкө чейин өзүмө келе албай жүрдүм.

[Begai_kg]

Кичинеде эжем аябай ушуга окшош окуяларды коп айтып берчу.Ак бут ,кок бут деген жомогу бар эле, коркунучтуу. .. Тилеке каршы эсимде калбаптыр да. Чон энем туман каптаган мезгилде ,кочого чыкпагыла ,азыткы азгырып кетет десе,кочого чыкпай коркуп отуруп калат элек...

[MACKA]

Баары тамашалап жазган каттарымдан башталды.

Акыркы убактары зээригип кетип досторума коркунучтуу каттарды жазып баштадым. Статустарга да арбактар тууралуу жазып баштадым. Алар ишендиби, жокпу айтор кабарым болбоду. Кээ бирлери каткырган быйтыкчаларды мага жооп катары жиберип жатты. Бир күнү түшкө жакын уктап кетиптирмин. Түшүмдө абдан сулуу кызды артынан көрдүм. Аны менен таанышкым келип артынан бараттым. Түшүм экенин билип турсам да, өңүмдө болуп жаткандай туюлду. Аңгыча болбой анын колдорунан кармап, ээми сөзгө тарта баштаганда жүзү жок сөөк беттерин көрүп, көкүрөгүмдөн жүрөгүм сыртка атып чыккандай коркуп кеттим! Бакырып тура калсам түшүм экен. Ваннага кирип бетимди муздак сууга бир чапчынып алып, каткырып күлө баштадым. Айтор эмнеге күлүп жатканымды өзүм да билбейм... түшүм болгонуна кубансам керек. Телефонумду алып интернеттен досума жазып жаттым: "Дос короче түшүмдө ужас кыз көрдүм, кызыл көйнөкчөн эмес, ак көйнөкчөн эле, бирок жүзү жок экен," - деп. Ал болсо мындай окуяларыңды башка жазбачы... коркутуп кишини деп мени кагып салды. Унчукпай, мага ушунун баарынын не кереги бар эле...? - деп ойлонуп калдым. Ошол күнү кечке ойлонуп жүрдүм. Ал кыздын жүзү эсимден кетпеди. Көңүлүм жайсыз... Эээ... Түшкө кире берет да, балким тиги каттарымдан калдыктыр деп ойлоп маани бербегенге күчүмдү жумшап жаттым. Кечинде үйгө келип ваннанын ичин сууга толтуруп, жатып алдым. Бирде үстүмөн агып жаткан суу сары түскө боёлуп агымы улам күчөй баштады, кранды өчүргөн сайын суу токтобой муздак боло баштаганда эсимди жоготуп коюптурмун. Бирде көзүмдү ачсам, баары жайында. Ваннадан жерге түшүп калыптырмын. Суунун тамчылаганы тып-тып деп угулуп жатты. Силерге жалган мага чын ордумдан турсам, жанагы кыз суунун ичинде тамеки тартып жатыптыр. Болгон күчүмдү жыйнап сыртка качып жөнөдүм. Бирок ал мага тийбеди, эркек-аял үнү аралашкан кач, кач көрөм каяка чейин барасын? - деп каткырып күлгөнү бир гана бөлмөнүн ичин эмес, ошол мен жашаган домду жаңыртып жатты. Жылаңач подъездке чыгып, эшиктин астынан көчөгө чыкканга кебетемден уялып эркектик намыс жол бербей үйгө кайра киргенге бел буудум.
Эшиктен тыңшап турдум... Бир үн чыкпады, үйдүн ичи тым-тырс, бир жан жок... Акырын өзүмдүн бөлмөмө кирип, кийимдеримди алып качканга ашыгып жаттым. Бирде шалдырап, бирде шашып баратып кийимдериме жетип, эми алып тынч туруп калдым. Мени бирөө карап тургандай сезилип жатты, бирок үйдө эч ким жок эле... Коркунуч денемди бийлеп кирди, шаша-буша кийинип сыртка атырылып жөнөдүм. Бирок эч ким мага тоскоол болгон жок. Досумдун үйү жакын болгондуктан анын үйүнө түнөөнү ойлоп бараттым. Ал да таң калычтуу кабыл алды. Баарын укканда: "Өзү сен жинди болуп калгансың, ошого окшогондорду неге жаза бересиң? Жаш баланын ишин кылып жатып ушундай болдуң," - деп мени кызыктай карап отурду да, же бул да тамашабы? - деп ишенбегенсип сурады. Жок-жок неге тамаша болсун? Эгер тамаша болсо мен сага чачымды тик тургузуп чуркап келмек белем? - деп капа болуп алдым. "Мейли эмне болсо да башка көрүнбөсүнчү ошол," - деп кофе жасап ичип олтурдук. Буркуратып тамекини тартып терезеге караганга алым жок олтурдум. Уктагым жок, уктагандан да коркуп турдум.
...Көзүм илинип кетиптир, түшүмдө апапакай ат менен жүзүн мага көрсөтпөй ары-бери ойноп жүрүптүр... Коркуу сезим пайда болуп эмне кылаарымды билбей качып жөнөгөнүмдө, бетиме чапкалып кирди, ойгонуп кетсем, досум бетиме уруп жатыптыр. -Турбайсыңбы? Кыйналып жатасың, - деп. - Дагы ошол кыз! - деп катып башымды мыкчып отуруп калдым. Эртеси болбойт бас деп мени мечитке алып барып дем салдырып келди. Өз үйүмө барбай калдым, коркуп жүрдүм барганга. Телефонума чалуу келе баштады, карсам апам чалып жатыптыр. Алып жооп берейин десем, чыркырап ыйлаган баланын үнү, ары жакта ыйламсыраган апам, "Балам келбейсиңби? Балаңды кантип таштап кеттиң балам, балаам!" - деп жатты. Дүйнөм омкорулуп, үшүмдү жоготтум! Кайдагы бала? Мен үйлөнбөгөнгө деп отуруп калдым. Досумдан сурандым, чалып билчи менин абалымды айтпа деп сурандым. Ал чалып баары жакшы, сүйлөштүм деп кубандырды. Арадан күндөр өттү, тиги көрүнүш ошону менен кайталанбады. Бир күн кой эми өз үйүмө барайын, башка салганын көрөбүз деп, баскысы келбеген буттарымды сүйрөп бараттым. Эртең менен саат 9 дар чамасы үйгө кирдим. Башкача сезим болгон жок. Бөлмөлөрдү карап чыкканга баары бир корктум, конок тоскон болмодо тамеки тартып, бир топко чейин телевизор көрүп олтуруп, бир нерсенин өзгөргөнүн сездим. Терезе тарапты карсам караңгы кирип кетиптир. Саатымды карасам бир саат боло элек. 11 лер чамасы кошуна бөлмөдө ызылдаган үндөр. Балдар сөгүнүп, бир кыздын ыйлаган үндөрү угулду, селейип отуруп калдым. Эмне кылышты билбейт элем... Өлүм деген ушундай экен да деп ойлогуча болбой менин бөлмөмө тиги кызды балдар сүйрөп алып кирип, зордуктап жатышты. Ал кыз ыйлаган, жалынган... Мен болду кылгыла! - деп бакырганым менен алар мени карап да койгон жок. Чамасы мени көрбөсө керек. Көңүл ачып болгон соң, бирөөсү сумкасынан бир бөтөлкөнү алып чыгып, кыздын бетине чачып жиберди. Ошондогу кыйкырыкты укканда үшүм кетип отуруп калдым. Кызды аяп турдум, жигиттер тепкилеп салып кимге барсаң, ошого бар деп чыгып кетишти...
Көпкө олтурдум... Жанагы ызылдагандар мага эмнеге көрүндү, түшүнбөдүм. .. Үйдүн ичи башкача болуп, сырттан чымчыктардын сайраганы, машиненин жүргөнү угулуп, эч нерсе болбогон түр көрсөтүп турду. Сыртка зомби адамга окшоп чыктым да, досума бардым. Ал бир топко ойлонуп олтуруп, сени кайтарма кылдырып окутуш керек деп, тааныштарынын телефон номерлерин издеп баштады. Көп өтпөй бир эже менен сүйлөштү да, мени ээрчитип бир районго алып барды. Башына кызыктай жоолук салынган аялдын алдында олтурдук. Мени карап коюп өзүнчө бир нерселерди шыбырап окуп жатты. Көпкө унчукпай олтуруп, ушунчалык да маркумдарга кызыктың беле? Арттырган экенсиң балээни деп, түкүрүнүп койду да, үйүңдү тазала. Баарын чакырып алгансың, - деп сыртка чыгып кетти. Кантип тазалайм деп ойлонуп олтурсам, бир пакетке ысырык, дагы бир чөптөрдү алып келиптир. Ошолорго байланыштуу эч нерсе калбасын, - деп мени жаман карап койду. Үйгө келдик. Досумду ээрчите келдим. Экөөбүз үйдүн ичин карап чыгып, бир тааныш кызым бар эле... үйүмдү жыйнап берүүсүн өтүнүп, ал жыйнагандын эртеси күнү ысырыкты түтөтүп, анын эртеси да чөптөрдү түтөтүп, интернеттен алар жөнүндө жазгандарымды да бүт өчүрүп салдым. Коркконумдан башка көрүнбөөсүн ниеттенип, сүрөөлөрдү жаттап намазга даярдык көрүп жүрдүм. Айтор түрдүү гүлдөрдү алып келип үйгө толтурдум. Ал гүлдөр менен мен кызды ыраазы кылгым келип турду. Гүлдөрдү карап суу куйган сайын кызга куран окуп жүрдүм. Эч нерсе жок тып-тынч күндөр өтүп жүрдү. Толук бир жылдан соң, суп-сулуу келинчектүү болдум. Бактылуу болуп жашап жүрөбүз.

Билдирүүнү түзөткөн: MACKA: 13 Январь 2015 - 19:17

[suiuktuujar]

[MACKA]

Азгырганын кара...

Былтыр жайында түн жарым ченде күйөөм экөөбүз чогуу уйкуда элек. Эшик шарт ачылып, кайра жабылганынан чоочуп ойгонуп кеттим. Жанымда жаткан күйөөм жок. Ошол замат жаман ой кетти: "Жеңелеринин бирине ниети бузулдубу?" - деп. Кызганыч менен ыргып туруп, терезеден аны карадым. Күйөөм көйнөк-дамбалчан кетменин көтөрүп алып огороддун башына чуркап баратат! "Буга жин тийдиби?" - деп, ичимден сызып отурдум. Бир маалда үйгө келди да, кетменин ары ыргытып: "Ой жүзү кара, бетбак! Амалданып азгырганын карачы!" - деп сүйлөнүп, мени бир тиктеп алып, төшөккө жыгылды. - Не болуп кетти сага? - Азыткы азгырды. Кудум сен болуп алып! Үнүңдүн окшошучу! Сырттан кыйкырды: "Оо Алым, тез чык, огородду суу каптап баратат!" -деп. Анан сен экен деп чуркап чыкпадымбы, кетменимди сүйрөп. Бир карасам, огороддун тиги башында турупсуң. Алдагы ак көйнөгүңдү желпилдетип. Чуркап баратсам: "Каякка баратасың, бул жакка кел!" - дедиң. Чала көргөн экенмин деп ошол жакка чуркабадымбы. Энтеңдеп жетип барсам, эч ким жок. Ошондо гана албарстыга азгырылып баратканымды сезип, өзүмө келип, үйгө келбедимби! - деп уктап кетти. Мен коркуп, араң таң атырдым. Эртең менен айтсам эч нерсе билбейм десе, андан бетер коркуп жүрдүм.

[kanyshaikg]

дАГЫ БИР КОРКУНУЧТУУ ОКУЯ.11-КЛАССТАР МЕКТЕПТИ БУТУП АТАБЫЗ ДЕП эки кунго токойго эс алганы кетишет. 1-куну ойношот жыргашат аябай копко чейин ойноп анан кечинде кыздар ортосына балдар четине батып алышат. Кечинде арасынан эн четте жаткан бала ойгонуп кетет. Ойгонуп кетсе эле эки киши журуптур дейт. бироонун буту бар бироонун буту жок экен. Т ээ башынан баштапи карап келе жатат. Мунун буту жарабайт мунуку жарайт деп ар кайсы окуучунун бутун карап баратапт да. Эн четине жеткенде мына ушунуку жарайт деп токтоп калышат. Муну уккан бала кыйкырып жиберет. элдин баары ойгонуп не болду дегенде бала айтса эч ким ишенбей коёт. эртеси уйлоруно тарап кетишет. Баягы эки киши кунунго эле бутунду бер деп келе беришет жадаган бала мейли ала бергиле деп коёт. Кийинки күндөн баштап баланын буту гангрена болуп доктурлар кесип салышат. Кескендин эртеси куну баягы эки киши келиптир буту жок кишинин буту пайда болуп калыптыр да.Сага рахмат. сенин бутунду бергенин учун чоон рахмат айтабыз деп кетип калышат. Эртеси куну кескен буту 10 жыль мурун кескендей болуп калыптыр да.

[kanyshaikg]

Тайэжемдин уйундо болуптур бир куну кечинде карангыда эки кыз келип эле бироо тайэжемди бироо анын куоосун кучактап жатып алыптыр да.анан эртеси кечинде свет очкондо жур барабыз свет очту деп анттеннанын тубунон кирип келиптир

[kanyshaikg]

Күзгү Биз жакында эле жаңы үйгө көчүп келгенбиз. Ал жерде мурдагы жашоочулардын чоң күзгүсү калып кетиптир. Үйдө жай тар болгондуктан, менин бөлмөмө коюп коюшту. Бир жолу түндө, бөлмөмдө шытыраган кадамдардын үнүнөн ойгонуп кеттим. Көзүмдү ачып карасам,эч ким жок. Башымды көтөргөндө тушумдагы күзгү көрүнүп турчу. Акырын өйдө болсом,күзгүдөн мени карап турган көздөрү кыпкызыл,капкара адамдын сөлөкөтүн көрдүм. Жүрөгүм оозума келип калды! Жакшылап карасам эч нерсе жок. Уйкусурап,анча маани бербей: “Көрүнүп кетти го!” – деп,кайра жатып алдым. Эртеси күнү атама айтсам,ишенип- ишенбей эжемдин бөлмөсүнө алып кирип койду. Аны унутуп калгам. Бир нече күндөн кийин,түн жарымында катуу кыйкырыктан ойгонуп кеттим. Холлго чыксам,атам менен апамда чуркап чыгышыптыр. Эжемдин бөлмөсүнө кирсек,эжем байкуш эмеректин бурчунда бүрүшүп алып күзгүнү көрсөтүп туруптур. Атамдын “Эмне болду?”-деген сөзүнө эч кандай жоопсуз,тек гана күзгүнү көрсөтүп туруп берди. Ал түнү эжем апамдардын бөлмөсүндө таң атырды. Көрсө,күзгүдөгү өзүнүн чагулуусунун ордуна узун чачтуу аябай арык анан аппак арбакты көрүп алып чочуп кеткен имиш. Айрыкча, чекеге жылганда күзгүдөгү сөлөкөт капкара түтүнгө айланып кеткенде катуу коркуп, кыйкырып жиберген экен. Таң атпай атам ал күзгүнү сарайга алпарып салды. Дагы бир окуя,бир жолу сарайга балканы алганы барганымда болду. Үйдө майда иштерди кылып жүрүп,бир жерге мык кагайын деп,сарайга балканы алганы кирдим эле. Балка күзгүнүн түбүндө жатыптыр. Жакын барып жерден көтөрсөм,мык какчу жагы канга боёлгон экен. Кечээ гана аны ары жактагы терезенин текчесине койгонум, бүгүн күзгүнүн түбүнөн чыкканы бир топ таң калтырды. Балканы колума алып,күзгүгө бурулсам,андагы менин көзүм куюлуп, бетимдин жарымы башымдан ылдый агып кетти. Коркконумдан балка менен күзгүнү сындыра чаптым. Анын сыныктарын таштандыга ыргытып салдым. Кийинчерээк сураштырсак, үйдүн мурдагы жашоочулары күзгүнү ушул эле үйдүн подвалынан табышкан экен. Канча жолу ыргытып салып,канча ирет талкалашса да кайра бүтүн бойдон пайда болуп кала берет имиш. Бүгүн болсо,окуудан келип өз бөлмөмдөн күзгүнү көрдүм...

[DaRhaN.]

Маска эже дагы жазын кутом