Үнү менен, күлкү менен, бийи менен,
Башкаларды таң калтырган элденбиз.
Манас айтып, комуз чертип, калпак кийип,
Канча миң жыл тарых менен келгенбиз.
Бабалардан бизге мурас калтырган.
Сактайбыз сахнаны.
Урпактардан урпактарга түбөлүк,
Сактайбыз сахнаны.
Кайырма:
Тагдырымдын жазганы маңдайга,
Сыймыктанам, жар салам мактана.
Ырыскы бар, бакыт бар, сыйкыр бар,
Биз жашаган, биз сүйгөн сахнада.
Комуз кылын ойнотуп жаңырта,
Кыз-жигит көп, таланты таш жарган,
Элим турса кубаттап, кол чаба.
Урпактарың үзүлбөйт сахнадан.
Арманыңды же сыркоолоп калганыңды,
Мына ушул жерден унута аласың.
Кадырласа калкым сенин өнөрүңдү,
Канатыңа канатыңды тагасың.
Баарынан да эң кымбаттуу, эң сыймык.
Ырчыга бул сахна,
Жашообуздун түйшүгү көп, жыргалы да,
Биз турган сахнада.
Супер-Инфо
super.kg видео
Саламатсызбы! Тилекке каршы ырлардын тексттерин жаттап кала албайбыз. Колубузга тийип калса жүктөп коюуга аракет кылабыз. Түшүнүү менен кабыл алып, күтө турасыз деген ойдобуз, рахмат!
Саламатсызбы! Жакында порталга жүктөлөт.