Кубарып кусалыктан,
Чарчадым сагынычтан, кайдасың, жаным?
Арзууларымды, кусалыктарды сезсеңчи, жаным.
Ушул күндөрдө келсеңчи, жаным.

Кайырма:
Саргайдыбы үмүттөр, жалбырактай?
Өтүүдө айланып төрт мезгил, кусалыкта.
Жеңилдиби көп күндөр убакытка?
Сени таппай...

Келер деп кышта күткөм,
Эңсөөдөн сыздап бүткөм, кайдасың, жаным?
Кыялдарымды, кыялбасымды сезсеңчи, жаным.
Ушунун баарын билсеңчи, жаным.

Кайырма:

Мен бийлесем карап турба,
Келчи курбум катарга.
Сен арданба, тартынбачы,
Бийлөө бизге, жаштарга.
Чакырайын кайтарбагын,
Сунушумду сага арзуу кылган.
Көңүлүңдү кыйнабачы,
Жалынба бой көтөргөн балдарга.

Кайырма:
Жаштардын баары, турбасын алды,
Кел, курбум, бийле, бийлейличи, дагы.
Катардан калба бийлөөдөн качпа,
Кел, курбум, бийле, бийлейличи, алга.

Сен өткөрбө жаштыгыңды,
Жаркын кылып ырдагын.
Бир жолуккан сүйүү үчүн,
Көңүлүң кир кылбагын.
Таарынбагын, кайгырбагын,
Алдыда бакытың, махабатың.
Жаштыгыңда азгырылба,
Бекем тургун жүрөгүң тыңдагын.

Тоо кырына гүл өссө, ооба, ооба,
Кызыл болот боёгу, ооба да, ооба да,
Ак калпакчан жигиттер, ооба, ооба,
Үзбөй аны коёбу? Ооба да, ооба да.
Туулган күнүм жакында, ооба, ооба,
Он сегизге жанаша, ооба да, ооба да,
Каршы болбос эми эч ким, ооба, ооба,
Ак сүйүүнү самасам, ооба да, ооба да.

Кайырма:
Он сегизге чыкканда, демек, ай,
Жомоктогу жигитим келет, ай.
Алты тоонун ары жагынан бел ашып, кыр ашып,
Алтын кушту угарман берет, ай, келет, ай.

Чыйпылдаган балапан, ооба, ооба,
Билет үнү жетпесин, ооба да, ооба да.
Сары тумшук жөжөнү, ооба, ооба,
Шумкар илип кетпесин, ооба да, ооба да.
Кечээ бантик тагынган, ооба, ооба,
Кыздар элек эселек, ооба да, ооба да.
Аркы өйүздөн кол булгап, ооба, ооба,
Калды кезим секелек, ооба да, ооба да.

Ай-жылдызга тең, айкөл терең деңизден,
Ай-ааламдай кең, жароокер менин периштем.
Апа деген кандай,
Ар бири аруу таңдай.
Жыты күндүн нуру,
Баркы бийик асмандай.

Кайырма:
Энекем, энекем менин энекем,
Энекем, энекем менин берекем.

Жүрөгүбүзгө мээрим сүйүү тамызган,
Аялзат, эне аздектелет тарыхтан.
Апа деген кандай,
Ар бири аруу таңдай.
Жыты күндүн нуру,
Баркы бийик асмандай.

Кайырма:
Энекем, энекем менин энекем,
Энекем, энекем менин берекем.

Бул турмушта кайгырсам да чөкпөдүм,
Ийгиликке жеткенде да көппөдүм.
Жабыркадым, азап тарттым сүйүүдөн,
Ошондо да көз жашымды төкпөдүм.

Кээ бирөөлөр менде өчү барчылап,
Майда сүйлөп жан дүйнөмдү жанчылап.
Көрө албастар тузак жайып жолума,
Чыйралтышты, кайра мени камчылап.

Кайырма:
Суук сөзгө көңүлүмдү оорутпа,
Жаман көзгө карегимди соолутпа.
Оо, Жараткан, өзүң берген энчиң бул,
Өнөр жолдо жан дүйнөмдү толукта.

Ушак сөздөр сөөгүмө жеткенде,
Ыза болуп, жаш экенмин, ыйлагам.
Кыйын кезде достор чанып кеткенде,
Ошондо да жамандыкка кыйбагам.

Тагдыр экен, сыноо салды башыма,
Жаш экенмин, баарын чыдап көтөрдүм.
Дагы канча сыноо барын ким билет?
Бышып калдым кыйналбастан өтөмүн.

Кайырма:

Жаным, сени сүйүп,
Жүрөгүм жаралынды.
Өзүңдү дайым күтүп,
Сүйүүбүз ыйга айланды.

Жалгызым сени эстеп,
Көзүмдөн жаштар тамат.
Ал кезди азыр эңсеп,
Күндөрүм муңга айланат.

Кайырма:
Кечээги, кечээги күн,
Сыздатпа мени бүтүн.
Кечээги, кечээги түн.
Ыйлатпа мени бүгүн.
Кол кармап бир жүргөндү,
Эңсеймин ал күндөрдү,
Жайнаган жылдыздар бар.
Сагындым ал түндөрдү.

Унутпай койдум сени,
Укугум күтүү деми.
Бир болуп кала албаган,
Бар беле сүйүү кеги.

Күткөнүм болбой калды.
Махабат талкаланды.
Сүйүктүүм болобу деп.
Күткөнмүн ар бир таңды

Канат берип кайкытып,
Алып учат алыс билимиң.
Жан дүйнөнү жаркытып,
Акылыңдын жандыр билигин.
Жалындасак канчалык,
Жалпы дүйнө тамшанып,
Калкыбыздын көрсүн бийигин!

Кайырма:
Жаралып нурдан,
Жарыгын сунган,
Жылдыздуу элим кыргызым.
Тиленем түтпөй,
Бийиктен түшпөй,
Көкөлөй берсин жылдызың.
Көкөлөй берсин уул-кызың,
Көкөлөй берсин кыргызым.

Жаштар берет жаңы күч,
Желбиретип жеңиш желегин.
Ала-Тоону алып уч,
Эл-жериңе тийсин керегиң.
Жүзүбүздөн кут жанып,
Дүйнө бүтүн суктанып,
Элибиздин билсин тереңин!

Кайырма:
Жаралып нурдан,
Жарыгын сунган,
Жылдыздуу элим кыргызым.
Тиленем түтпөй,
Бийиктен түшпөй,
Көкөлөй берсин жылдызың.
Көкөлөй берсин уул-кызың,
Көкөлөй берсин жылдызың.

Канча жолу түшкө кирип,
Канча жолу жүрөктү эздиң.
Абалыма эч түшүнбөй,
Неге менден алыс кеттиң?

Кайырма:
Ак таңдардан күтөмүн сени,
Гүлзарлардан күтөмүн сени.
Сагынычымды өзүң таркат,
Жашылдандыр сүйүү сезимди.

Сага арнап келем аппак таң,
Таттуу уйкуңдан назик ойготуп. Күтүп турам келчи тезирээк,
Алып кетем гүлгө оронтуп.

Кайырма:

Жылдыздай жанып, жаркыраган,
Жаныңа мени тартып анан,
Жел сымал учуп жок болдуң жаным.
Жактырып айдай жамалыңды,
Жоготуп бирок кабарыңды,
Жалындап күйгөн от болдум жаным.
Айтчы азыр кайдасың?
Таппай жүрөк айласын.
Кайда, кайда, кайда?

Кайырма:
Саулем ай менин, сагындым мен,
Санаамдасың өзүң Сауле.
Сагыныч отуна багындым мен,
Самап келем сени дагы эле.

Көрсөтпөй сулуу ажарыңды,
Көбөйттүң ичте азабымды,
Көп жерден сени издеймин жаным.
Бараткан жолду жарык кылып,
Бактымды сага салыштырып,
Бир сенден үмүт үзбөймүн жаным.
Жүрөктөгү бир пери,
Мынча сүйгөнмүн сени,
Сени, сени, сени...

Кайырма:

Кайда жүрсө карааның, кайдан сени табам?
Чындыгында, өзүмдү бактысыз деп санаймын.
Жүрөктүн каны жанымды кыйнайт,
Кайда кеттиң сен?
Кайда жүрдүң сен, сен, сен,
Асыл ардагым, менин ардагым?

Мен отурам жаныңда көз жашымды тыя албай,
Махабаттын отуна күйүп-жанып чыдабай.
Жүрөктүн каны жанымды кыйнайт,
Кайда кеттиң сен?
Кайда жүрдүң сен, сен, сен,
Асыл арманым, менин арманым?

Уктай албай түнкүсүн сарсанаага батамын,
Сенсиз таңды атырам тартып сүйүү азабын.
Жүрөктүн каны жанымды кыйнайт,
Кайда кеттиң сен?
Кайда жүрдүң сен, сен, сен,
Асыл ардагым, менин алтыным?

Жаз күнүндөй татына, сулуусуңар,
Жигиттердин жүрөгүн элжиретип, кыздар.
Жанды эритет назданып турушуңар,
Айдай сулуу биздин кыздар.

Кайырма:
Кыздар... Кыздар...
Болбогула жигитке кайгы, муң, зар.
Түбөлүккө сүйүп жүрүп өтөлүчү, кыздар,
Күн келбесин силер үчүн жүрөк муздар.
Биздин кыздар.

Силерсиңер жашоодо бүтпөс кумар,
Каректерден төгүлгөн мээримиңер, кыздар.
Жарык чачып, өмүрдү улап турар,
Айдай сулуу биздин кыздар.

Кайырма: