НАРЫНДА ОКУУЧУЛАР ЧАТЫРЛАРДА ОКУШУУДА...

• Ысык-Көл облустук Ички иштер башкармалыгынын жетекчилигине МЫРЗАБЕК ИСМАИЛОВ дайындалды. Эске салсак, Исмаиловдун кызы Алтынай Турусбекова былтыр мэр Иса Өмүркуловдун уулу катышкан автокырсыкта каза болгон.
• Өкмөт башчы ӨМҮРБЕК БАБАНОВ Каржы полициясын жоюу тууралуу жарлыкка кол койду.
• Жер титирөөнүн кесепетинен мектепсиз калган Нарындагы КЫЗЫЛ-БЕЛЕС айылынын окуучулары чатырларда окуп жатышат.
• Ошто Мамлекеттик баңгизаттарды көзөмөлдөө бөлүмүнүн жетекчиси, Ж.К. деген адамга таандык автоунаа менен айдоочусунан 7 ГРАММ ГЕРОИН, 4,6 КИЛОГРАММ МАРИХУАНА табылды.
• 2011-жылдын 1-сентябрынан 2012-жылдын 13-мартына чейин Таластан 51 949 тонна төө буурчак чет өлкөгө экспорттолгон.
• Аксы окуясын эскерүү күнүнө карата Жалал-Абад шаарындагы жана бир катар райондордогу мекемелерде мамлекеттик туу 17-МАРТ КҮНҮ СААТ 12:00ДӨ түшүрүлүп, окуянын курмандыктары эскерилет.
• Кыргыз саясатындагы маалыматтын жетишсиздигин айткан ЖКнын депутаты УЛУКБЕК КОЧКОРОВ: “Баткенде кыргыздардын балдары Өзбекстандын телеканалдарын көрүп тарбияланып, Ислам Каримовду президентибиз деп ойлошот”,- деди.
• ЖКнын депутаты Канатбек Исаевдин бир тууган агасы ТАЛАНТБЕК ИСАЕВ ИИМдин Жол кыймылынын коопсуздугун көзөмөлдөө башкы башкармалыгынын жетекчиси болуп дайындалды.
• Качып кеткен АХМАТБЕК БАКИЕВДИН чек арадан өтпөгөндүгүн 13-мартта УКМКнын алдындагы Чек ара кызматынын төрагасынын орун басары Наркул Байдилетов билдирди.
• 15-мартта белгилүү саясат таануучу НУР ОМАРОВ 46 жашында жүрөгү токтоп калып, кайтыш болду.