• Бишкек шаардык соту Нариман Түлеевдин баш коргоо чарасын өзгөртүүсүз калтырды, демек, депутат мурдагыдай эле камакта калат. Анын адвокаты эми Жогорку Сотко арыз жаза турганын билдирди.
• Кыргызстанда донордук кан тартыш. Учурда бир күнгө запаста 5 литр гана кан болуп жатканын айтып, Республикалык кан борбору жардам керектиги боюнча элге кайрылуу жасады.
• “Чек ара аскерлигинде өткөн жылы 12 өлүм катталып, анын ичинен 10у суицид болгон”,- деп билдирет Президенттик аппараттын кызматкери Заирбек Эргешов.
• ИИМ билдиргендей, 2012-жылдын 6 айында уюшкан кылмыштуу топтун 105 мүчөсү кармалган. Алардын ичинде Көлбаевдин 55, Батукаевдин 4, Абакировдун 17 жана Бокушевдин тобунун 7 мүчөсү бар.
• Ушул жылдын май айында киргизилген сырттан алынып келинүүчү унга карата бажы төлөмү алынып салынды.
• Кыргызстанга сырттан жылына 700 тонна балдардын оюнчугу кирсе, анын 600 тоннасы Кытайдан келерин Санитардык, ветеринардык жана фитосанитардык коопсуздук боюнча мамлекеттик инспекция билдирди.
• Мамлекеттик каттоо кызматынын паспорт жасоо бөлүмүнүн башчысы ушул эле кызматтын аймактык бөлүмүндө иштеген адамдан 2000 доллар пара алып жатканда кармалды.
• Муфтият өткөргөн тендерден утуп, ажылык сапарга баруучу 4500 жүргүнчүнү “КыргызТрансАвиа” авиа­компаниясы тейлемей болду.
• Быйыл ЖОЖдордо абитуриенттердин саны эки эсеге кыскарганын Билим берүү жана илим министри Канат Садыков билдирди.

Автандил Добулбеков
politika@super.kg