• Москва шаарында 21 жаштагы Кыргыз жараны ПОЕЗД СҮЗҮП кетип каза болду.
• Бишкекте бирөөнүн ИТИН УУРДАП КЕТИП, өлтүрүп салган адам шарттуу түрдө 3 жылга соттолду.
• ТУРДУНАЗИР БЕКБОЕВ президенттин жана өкмөттүн иш башкармалыгынын башчысы болуп дайындалды.
• Алыскы жолго чыккан КЫШКА ДАЯРДЫГЫ ЖОК унаалар Чычкан, Сосновка жана Кара-Көл постторунан артка кайтарылат. Бул тууралуу Транспорт жана жолдор министрлиги кабарлады.
• “Жалгыз үйү барлардын үйүн кепилдикке алып насыя берүүгө банктарга ТЫЮУ САЛУУ керек” дейт депутат Акылбек Жапаров.
• Өкмөттүк аппараттын экономика жана инвестиция бөлүмүнүн башчысы болуп АЛЫМБЕК ОРОЗБЕКОВ дайындалды.
• Кыргыз жарандары Сербияга ВИЗАcыз БАРЫП, 90 күн жүрө алышат. Тийиштүү келишим 8-ноябрда күчүнө кирди.
• Саламаттыкты сактоо министрлиги ЖУГУШТУУ ООРУЛАР күчөгөнүнөн улам ооруканаларда кошумча орундар түзүлүп жатканын билдирди.
• Укук коргоочу Рита Карасартова ага эмгек жана социалдык өнүктүрүү министринин орун басары КЫЗМАТЫ СУНУШТАЛГАНЫН, бирок баш тартканын билдирди.
• 2019-жылы Бишкектин КӨЧӨЛӨРҮН ЖАРЫКТАНДЫРУУ системин автоматташтыруу пландалып жатканын “Бишкек свет” ишканасы билдирди.
• Бишкекте 7-ноябрь – Маалымат жана басма сөз күнүнө карата өлкөдө акыркы 25 жылда каза болгон ЖУРНАЛИСТТЕРДИ ЭСКЕРҮҮ иш-чарасы өттү.
• Бишкек шаардык автоунаа каражаттарын жана айдоочулук курамды каттоо бөлүмүнүн жетекчиси Насирбек Алмаматов ПАРА АЛЫП ЖАТКАНДА кармалганын УКМКдан кабарлашты.
• Өзгөндө баңгизат менен кармалган МЕЧИТ КЫЗМАТКЕРИ үй камагына чыгарылды.
• Өлкөдө жылына 40 миңдей жаран пенсияга чыкса, 20 миңдей ПЕНСИОНЕР КАЗА БОЛОТ.

Автандил Добулбеков
politika@super.kg