• Өмүрүнүн акырына чейин эркинен ажыратылган укук коргоочу Азимжан Аскаров убактылуу кармоочу жайдан абакка которулду.
• Кыргызстан социал-демократиялык партиясы (КСДП) расмий түрдө оппозицияга өткөнүн жарыялады.
• Астана шаарын Нурсултан деп өзгөртүү чечими кабыл алынды. Бул тууралуу "Нур Отан" партиясынын төрагасынын орун басары Маулен Ашимбаев айтты.
• Президенттик кызматтан кеткен Нурсултан Назарбаевдин улуу кызы Дарига Назарбаева Казак парламентинин жогорку палатасына төрайым болуп шайланды.
• "Элдик парламенттин" мүчөсү Толубай Колубаевден "бийликти күч менен басып алуу" айыбы алып салынды. Бул тууралуу Жогорку Соттун басма сөз кызматы билдирди.
• 16-мартта Баткен районунун прокурорунун орун басары 20 миң сом пара алып жаткан жеринен кармалып, камакка алынды.
• АКШнын эл аралык өнүктүрүү агенттиги Кыргыз өлкөсү боюнча 900 мектепке 110 257 даана китеп тапшырды. Бул тууралуу АКШнын Бишкектеги элчилигинен билдиришти.
• НТС телеканалынын директору болуп Миржан Балыбаев дайындалды. Ал аталган каналда 14 жылдан бери эмгектенип келет.
• Башкы прокуратура коррупциялык иштерден өндүрүлгөн каражаттар үчүн ачылган эсепке 11 миллион 106 миң 840 сом акча которду.
• 23-апрелде "Ата Мекен" партиясынын мүчөлөрү, партиянын тарапташтары катышкан тынчтык митинги өтөт. Анда Өмүрбек Текебаев, Дүйшөнкул Чотоновдун иши акыйкат иликтенишин талап кылышат.
• Жогорку Кеңеште Кыргыз-Тажик чек ара маселеси 3-апрелде каралмай болду. Бул тууралуу чечим 20-мартта кабыл алынды.
• Жогорку Кеңештин депутаттары 25-29-март күндөрү шайлоочулар менен жолугушат.
  

Кубан Жумамидинов
politika@super.kg