• Өкмөттүн Баткендеги ыйгарым укуктуу өкүлү Абиш Халмурзаев кызматтан бошотулду.
• Өкмөттүн Баткендеги ыйгарым укуктуу өкүлү болуп 2017-жылдын сентябрь айынан бери Мамлекеттик кадр кызматынын директору болуп иштеп келген Акрам Мадумаров дайындалды.
• Асылбек Жээнбеков КСДПдан чыкты. Бул тууралуу ал Жогорку Кеңештин жалпы жыйынында айтып, депутаттык мандатын тапшырбай турганын кошумчалады.
• Президент Сооронбай Жээнбеков Кытайга иш сапары менен барат. Бул тууралуу президенттин аппаратынын маалыматтык саясат бөлүмү кабарлады.
• «Мансон Групп» компаниясы Макмал алтын кенин иштетүүгө 75 миллион долларга жакын инвестиция салат. Келишимге ылайык, «Кыргызалтындын» үлүшү 30%ды түзөт, ал эми «Мансон Групптун» үлүшү 70% болот.
• Эл аралык республикалык институт жүргүзгөн изилдөөнүн жыйынтыгында, Кыргызстандын алдында турган эң орчундуу көйгөй – жумушсуздук (43%) деп табылды.
• Бишкектин Свердлов райондук соту ЖЭБдеги коррупция боюнча кылмыш ишин кароого кенен зал бөлүүдөн баш тартты.
• "Ош" эл аралык аэропортунун учуп-конуу тилкеси 400 метрге узартылды. Эми "Ош" аэропорту Boeing 767-300, Boeing 737-800, Airbus A320 учактарын кабыл ала алат.
• Өзгөчө кырдаалдар министри кызматкерлердин квалификациясын жогорулатууга 200 миң доллар коротот.
• Кыргыз-Орус аймак аралык VIII ишкерлик конференциясында жалпы баасы 620,16 миллион долларды түзгөн соода алакасы тууралуу келишимдерге кол коюлду.
• 3-апрелде Алматынын райондор аралык сотунда Жогорку Кеңештин мурдагы депутаты Дамирбек Асылбек уулун прокурор 12 жылга эркинен ажыратууну сурады.
  
  

Кубан Жумамидинов
politika@super.kg