• Кыргыз Республикасынын Кытайдагы элчиси Канайым Бактыгулова Монголияга да элчи болуп дайындалды.
• Казакстандын президенти Касым-Жомарт Токаев 28-майда Кыргыз Республикасынын президенти Сооронбай Жээнбековду жана Орусия, Беларусь президенттерин «Нурсултан Назарбаев» ордени менен сыйлады.
• Жогорку Кеңеште «Кыргызстан» фракциясынан Айнура Аскаровага депутаттык мандат берилди. Ал жакында "Улуттук Энергохолдинг" компаниясынын директору болгон Айтмамат Назаровдун ордуна келди.
• Кыргызстанда ВИЧ инфекциясы катталгандан бери вирустан 1952 киши каза болгон. Бул тууралуу республикалык «СПИД» борборунан билдиришти.
• Бишкек шаарындагы Биринчи Май РИИБинин милиция пунктунда эки милиция кызматкери 5 миң сом өлчөмүндө пара алып жаткан жеринен кармалды. Бул тууралуу ИИМ маалымдады.
• Казакстандын биринчи президенти Нурсултан Назарбаевге Түрк кеңешинин өмүр бою президенти деген наам ыйгарылды.
• Быйыл өкмөт аймактарды өнүктүрүүгө 2 миллиард сом бөлөрүн биринчи вице-премьер Кубатбек Боронов билдирди.
• Жарандык активист Калича Умуралиева "Шаардагы парктар" ишканасына директор болуп дайындалды.
• Өзбекстан бийлиги 1815 жеке ишкердин мамлекетке 29 миллион доллар карызын кечти.
• Экс-президент Алмазбек Атамбаевдин мурдагы кеңешчиси Икрамжан Илмиянов 28-августка чейин камакта калтырылды.
• Бишкекте мектеп окуучулары урушуп, анын натыйжасында 9-класстын окуучусу каза болду. Бишкек ШИИББ окуяны тастыктады.
• Нурсултан Назарбаев Бишкекке жеке менчик мектеп куруп берет. Бул тууралуу ал Нур-Султанда Сооронбай Жээнбеков менен болгон жолугушууда билдирди.
  
  

Кубан Жумамидинов
politika@super.kg