• Кусейин Карасаев атындагы Бишкек гуманитардык университети Бишкек мамлекеттик университети болуп өзгөрдү.
• Мамлекеттик Салык кызматынын төрагасы Теңизбек Абжапаров кызматтан бошотулуп, ордуна Кабыл Абдалиев дайындалды.
• Элдар Абакиров экономика министринин орун басары кызматынан бошотулуп, ордуна Султан Ахматов дайындалды.
• Жогорку Кеңештин депутаты Бактыбек Турусбеков марафондо Босфор кысыгын сүзүп өттү.
• Быйыл Кыргызстанга келген туристтердин саны былтыркыдан 600 миңге көп болору күтүлүүдө. Бул тууралуу Туризм департаментинин директору Максат Дамир уулу билдирди.
• Кыргыздын куралдуу күчтөрүнүн командасы эл аралык аскер оюндарынын алкагында өтүүчү "Коопсуз маршрут – 2019" сынагына катышат. Сынак 5-августтан 12-августка чейин Орусиянын Тюмень шаарында өтөт.
• Дамир Алыбаев ИИМдин Ички аскердик штабынын башчысы болуп дайындалды.
• Талас облусунда Улуттук көчмөндөр оюндарын өткөрүү жана уюштуруу комитети түзүлдү.
• Өлкөдө расмий катталган жумушсуздардын саны 2019-жылдын июнь айында 82,7 миң адамды түздү. Бул 2018-жылдын ушул мезгилине салыштырмалуу 27 пайызга көп.
• Жаңы түзүлүп жаткан Патрулдук милиция кызматына кадр тандоодо ИИМдин 61 кызматкери сынактан өтпөй калды.
• Кыргыз өлкөсү Мамлекеттик тарых музейин оңдогон германиялык компанияга
  225 миң евро карыз. Бул тууралуу маданият, маалымат жана туризм министри Азамат Жаманкулов билдирди.
• Сентябрь айынан тарта маданият тармагында иштеген мугалимдердин айлыгы көбөйөт.
  
  

Кубан Жумамидинов
politika@super.kg