• Казак президенти Касым-Жомарт Токаев ноябрда Кыргыз өлкөсүнө мамлекеттик иш сапары менен келет.
• Саламаттык сактоо министрлиги: «Ыктыярдуу кан тапшыруу кескин азаюуда. 34 жыл мурун ыктыярчылар 178 миң адамды түзсө, 2018-жылы 39 миңди түздү».
• II улуттук көчмөндөр оюндары 2021-жылы Ош облусунда өтөт.
• Парламентте билим берүү жана илим министри Каныбек Исаков ант берип, кызматына расмий киришти.
• Ош шаарынан Өзбекстандын Анжиян шаарына каттам ачылды.
• Улуттук банк 24-сентябрда «Тарыхый окуялар» сериясынан «Евразия экономикалык союзуна 5 жыл» күмүш коллекциялык монетасын жүгүртүүгө чыгарды.
• Бишкекте спорт шаарчасын курууга Чыңгыз Айтматов көчөсүнөн 12 гектар жер бөлүндү.
• Бишкекте Экономикалык кылмыштарга каршы күрөшүү мамлекеттик кызматынын 2 кызматкери кармалды. Алар жүк ташуучу унаалардын айдоочуларынан пара талап кылышкан.
• Билим берүү жана илим министринин орун басары Надира Жусупбекова: “Өлкө боюнча 652 мектепте ысык тамак берилбейт”.
• Жогорку Кеңештин депутаты Канатбек Исаев «Кыргызстан» партиясынын лидери болуп кайрадан шайланды.
• Мамлекеттик каттоо кызматы Кыргызстанда жарандарга берилген убактылуу айдоочулук күбөлүктүн мөөнөтү 2019-жылдын 31-декабрына чейин узартылганын маалымдады.
• 25-сентябрда Ош-Бишкек жана Бишкек-Ош багытындагы 4 авиакаттам убактылуу токтотулду.
• Кыргыз Республикасынын Дин иштери боюнча мамлекеттик комиссиясы: "Кыргыз Республикасында 2669 мечит каттоодон өткөн, мындан башка каттоодон өтпөгөн 300 мечит иш алып барууда".
  
  

Кубан Жумамидинов
politika@super.kg