• 28-октябрдан тарта Ош эл аралык аэропортунда “Кувейт-Ош-Кувейт” багыты боюнча жаңы каттам ачылды.
• Саламаттыкты сактоо министрлиги: 2018-жылы Кыргыз мамлекетинен 317 медик чет мамлекетке иштегени чыгып кеткен.
• 2020-жылдын 1-январынан баштап мугалимдердин айлык акысын эсептөө толугу менен автоматташтырылат. Бул тууралуу Билим берүү жана илим министрлигинен билдиришти.
• Бишкек шаарынын Биринчи Май райондук соту экс-депутат Өмүрбек Текебаев жана мурдагы элчи Дүйшөнкул Чотоновдун үй камагындагы мөөнөтүн 2 айга узартты.
• Мамкаттоо: Кыргыз өлкөсүндө 2010-жылы 444 миң машине катталган болсо, бүгүнкү күндө унаалардын саны 1 миллион 348 миңге жетти.
• ИИМ: 2019-жылдын алгачкы тогуз айында 4694 жол кырсыгы катталды. Бул өткөн жылдын ушул мезгилине салыштырмалуу 12,3 пайызга көп.
• Токтогул суу сактагычында суунун көлөмү 17,12 миллиард метр кубду түздү. Былтыр бул убакта суунун көлөмү 18,9 миллиард метр куб болгон.
• Бишкекте адамды жүзүнөн тааный турган 60 видеокамера орнотула баштады. Бул тууралуу ИИМдин басма сөз кызматынан билдиришти.
• 453 айыл өкмөтүнүн ичинен 137си интернетке туташкан эмес. Бул тууралуу Улуттук статистикалык комитети билдирет.
• Шайлоо босогосун төмөндөтүү, күрөөгө коюлуучу акчанын суммасын төмөндөтүү жана башка өзгөртүүлөр сунушталган мыйзам долбоору коомдук талкууга коюлду.
• Кыргыз Республикасы саламаттыкты сактоо коопсуздугу боюнча 195 өлкөнүн арасында 47-орунда. Бул рейтингди АКШдагы Жон Хопкинс университетинин Блумберг коомдук саламаттык мектеби чыгарды.
• Кыргыз Республикасында уран калдыгы көмүлгөн 92 объект бар.
  
  

Кубан Жумамидинов
politika@super.kg