• Кытай-Кыргызстан-Өзбекстан темир жолун куруу долбооруна Орусия 200 миллион рубль бөлдү.
• Өзгөчө кырдаалдар министрлиги: "10 айда өлкөдө 3270 өрт кырсыгы катталды".
• Жыл башынан бери өлкөгө мыйзамсыз күйүүчү май ташып келүү боюнча 152 факты катталганы айтылды.
• 23-ноябрда 50 миң сом пара алып жатып Баңгизатын мыйзамсыз жүгүртүүгө каршы күрөшүү кызматынын башкармалыгынын башчысы Н.Б. кармалды.
• УКМК кызматкерлери тарабынан 20 миң сом пара алып жатканда Бишкектин Ленин райондук салык кызматынын кызматкери А.М. кармалды.
• УКМК оң рулдуу автоунааларды алып кирип, мыйзамсыз каттоого алган схеманы аныктап, шектүү катары «Унаа» ишканасынын бир кызматкери тергөө абагына киргизилди.
• Кыргызстан менен Түркиянын ортосундагы товар жүгүртүү көлөмү ушул тапта 430 миллион долларды түзөрү айтылды.
• Жогорку Кеңеш Конституциялык палатанын судьялары Эркинбек Мамыровду, Мээргүл Борбукееваны жана Мукамбет Касымалиевди кызматынан бошотуу сунушун жактырды.
• УКМК: Аймактар аралык касташууну козутууга шектелип Фейсбуктагы "БеспределKG" баракчасынын администратору Автандил Жоробеков кармалды.
• Жалал-Абад облусунун Майлуу-Суу шаарында аскердик кызмат өтөп жаткан 22 жаштагы жоокер өз өмүрүн кыйды.
• Нааразычылыктардан улам Айэркен Саймаити боюнча маалыматтарды иликтөө үчүн түзүлгөн депутаттык комиссиянын курамынан депутаттар Искендер Матраимов менен Алтынбек Сулайманов чыкты.
• Кыргыз өлкөсүндө бир үй-бүлөлүк дарыгерге 3600 адам туура келет.
• ЖЭБ окуясы. Прокурор Сапар Исаковду 15 жылга эркинен ажыратууну соттон өтүндү.
  
  

Автандил Добулбеков
politika@super.kg