• "Кумтөрдүн" дайынсыз жоголгон 2 кызматкери 1-декабрдан бери табыла элек.
• Санжарбек Эркинбаев УКМКнын 9-кызматынын жетекчисинин милдетин аткаруучу болуп дайындалды. Буга чейин бул кызматты Тимур Шабданбеков аркалаган.
• Жогорку Кеңеште өлкөнүн энергетикасынын абалын иликтөө үчүн убактылуу комиссия түзүлдү.
• 9-декабрда Бишкекте жарандар ортосунда чыр чыгып, ок атышуудан 3 адам жаракат алды.
• Таласта 16 жаштагы кызды зордуктады деп шектелип кармалган эки жаран үй камагына чыгарылды.
• Сүлүктүдө көмүр казган шахтада газга ууланып 4 киши каза тапты.
• Президент Сооронбай Жээнбеков 15-17-декабрь күндөрү Сауд Арабиясына расмий сапар менен барат.
• Кыргызстанга чет өлкөдөн которулган акчанын көлөмү өткөн жылдын ушул мезгилине салыштырмалуу быйыл 242 миллион долларга аз.
• Мамкаттоо: "Кыргызстанда 1 миллион 300 миң автоунаа катталган".
• Улуттук энергетикалык холдинг: "Кышта электр жарыгын маал-маалы менен өчүрүү болбойт".
• 2019-жылдын 9 айында Кыргыз элинин саны 89 миң адамга көбөйүп, 6 миллион 479 миңге жеткени айтылды.
• БУУ: "Кыргызстанда 308 адам өмүр бою эркинен ажыратылган".
• Депутат Азамат Арапбаев мас абалында унаа айдагандарга айыпты 10 эсе көбөйтүүнү сунуштады. Учурдагы бул сумма 17 миң сомду түзөт.
  
  

Автандил Добулбеков
Перизат Музуратбекова
politika@super.kg