• Аламүдүн районундагы Октябрь айыл өкмөтүнүн башчысы 350 миң сом пара менен кармалды.
  
• 2019-жылдын июлунан тартып бериле баштаган убактылуу айдоочулук күбөлүктөрдүн мөөнөтү 15-февралда бүтөт, аларды алмаштыруу керектиги эскертилди.
  
• Саламаттык сактоо министрлиги: Өлкөдө 5-февралга карата коронавирус жуктургандар жок.
  
• Муфтият: Бозо ичүүгө муфтият тыюу салган эмес, бирок аны ичүүгө шарият уруксат бербейт.
  
• Кой-Таш окуясы боюнча айыпталган Фарид Ниязовду, Равшан Жээнбековду жана Алмазбек Атамбаевдин жан сакчысы Канат Сагымбаевди камакта кармоо мөөнөтү 9-апрелге чейин узартылды.
  
• Өзгөчө кырдаалдар министри кызматына вице-премьер Замирбек Аскаровдун талапкерлиги сунушталды.
  
• Бишкектин Биринчи Май райондук соту 31-январда пара менен кармалган Милдеттүү медициналык камсыздандыруу фондунун Бишкек шаардык бөлүмүнүн башчысы Болот Момбековду үй камагына чыгарды.
  
• Кыргыздын Орусиядагы элчиси Аликбек Жекшенкулов Грециядагы жана Черногориядагы да элчиси болуп дайындалды.
  
• Парламент комитетинде Кыргызстан менен Корея Республикасынын ортосундагы аба катнашын ачууга, учуу алкагын кеңейтүүгө багытталган мыйзам долбоору жактырылды.
  
• Ирина Карамушкина менен Кундуз Жолдубаева 9-апрелге чейин үй камагында калтырылды.
  
• Өлкөдө 2019-жылы 103 миллиард 9 миллион сомдук мал чарба продукциясы өндүрүлгөн.
  
  

Гүлжан Асанкожоева
politika@super.kg