• 11-майга карата Токтогул суу сактагычында 11 миллиард 970 миллион метр куб суу бар.
• Парламент 2019-жылы 46 эл аралык макулдашууну ратификациялаганы айтылды.
• Кыргыз өкмөтү Орусиядан жаратылыш газын арзандатууну суранды. Учурда эл газдын 1 метр кубуна 15 сом 59 тыйындан төлөйт.
• Жыл башынан бери “жумушсуз” деп каттоодо турган 25 миңден ашык жаран иш менен камсыздалганын министр Улукбек Кочкоров билдирди.
• Чет өлкөдөн мекенине кайтууну көздөгөн 8712 Кыргыз жараны бар экенин 12-майда ТИМ өкүлү билдирди.
• Билим берүү жана илим министрлиги: 2019-2020-окуу жылы 30-майда аяктайт.
• Өкмөт: 2016-2019-жылдары өлкөнүн ички дүң продукциясы 20 пайызга өстү.
• Ош шаарында коомдук транспортторду 21-майдан тарта ишке киргизүү пландалууда.
• 14-17-май күндөрү тоолуу аймактарда сел жүрүү коркунучу жогору экенин ӨКМ эскертти.
• Өлкөдө аскердик кызмат өтөөгө чакыруу башталат.
• Өлкөдө 25-марттан 10-майга чейин коменданттык сааттын талаптарын бузган
  5027 жаран кармалып, анын 1399уна айып салынса, 3628 адамга эскертүү берилди.
• Тышкы карызды төлөөдө жеңилдик берүү боюнча Кыргыз өкмөтү Кытай менен сүйлөшүү жүргүзүүдө.
• Бишкекте бет кап тагынбай жүргөндөргө 1000 сомдон 5000 сомго чейин айып салынары айтылды.
• Өлкөдө эпидемия башталгандан бери кош бойлуу 14 келин коронавирус жуктуруп алган.

Автандил Добулбеков
politika@super.kg