• Бишкектеги Кыргыз-Түрк ооруканасы коронавирустан жабыркагандарды жаткыруу үчүн жакында ачылары айтылды.
• Укук коргоочу Камил Рузиев жасалма документтерди жасоого айыпталып кармалып, 2 айга үй камагына алынды.
• Бишкекте ысык суу берүү 1-июнда бир айга токтотулду, себеп – оңдоп-түзөө иштери.
• Алайда балык уулоого барган адам токко урунуп каза болду, анын кайырмагы электр чубалгысына тийип ток урган.
• Жогорку Кеңештин комитети Конституциялык палатанын судьялыгына Жамил Шаршеналиевдин талапкерлигин колдоду.
• Башкы прокуратура: 2019-жылдын башынан 2020-жылдын 1-апрелине чейин сотко балдардын укугун коргоо боюнча 98 доо арыз түшкөн.
• 3-июнга карата өлкөдө коронавирустан каза тапкандардын саны 20га жетти.
• Орусияда курулушта иштеген 2 кыргыз жараны 25-майда имараттан кулап кетип, бири каза болду.
• Билим берүү жана илим министрлиги: “Мектеп бүтүрүүчүлөрүнө аттестат акысыз берилет”.
• УКМКнын төрагасынын орун басары Жакыпбек Байымбетов кызматынан бошотолду.
• Чиновниктерди коррупцияга айыптап чыккан “Чоң казат” кыймылынын лидерлери ИИМге суракка чакырылды.
• Өлкөбүздөгү ооруканаларда өпкөнү жасалма жол менен дем алдыруучу 649 аппарат бар экени айтылды.
• Өлкөнүн энергетика тармагына алынган кредиттер боюнча карызы 110 миллиард сомго жеткенин “Улуттук энергетикалык холдингдин” башчысы Айтмамат Назаров билдирди.

Автандил Добулбеков
politika@super.kg