• Кыргыз-Казак чек арасындагы “Каркыра” өткөрүү пункту 30-ноябрдан 2021-жылдын 1-мартына чейин жабылды.
• Буга чейин премьер-министрдин маалымат катчысы болуп иштеген Дастан Дүйшөкеев Президенттик аппараттын Тышкы саясат бөлүмүнүн башчысы болуп дайындалды.
• Кыргыз студенти Теңирбек Каныбек уулу Бириккен Улуттар Уюмунун быйыл март айында өтүүчү жаштар сессиясына катышып, сөз сүйлөйт.
• 1-декабрга карата Токтогул суу сактагычында 13 миллиард 748 миллион метр куб суу бар.
• Өлкөдө Жаңы жылдан кийин жогорку окуу жайлары ачылып, кадимки режимде иштөөгө өтөрү айтылды.
• Жогорку Сот кримтөбөл Азиз Батукаевдин абактан мыйзамсыз бошотулушуна байланыштуу Биринчи Май райондук сотунун Алмазбек Атамбаевге чыгарган өкүмүн жокко чыгарып, аны райондук сотко кайра кароого жөнөттү.
• Улуттук банк ноябрда доллардын сомго карата курсун туруктуу кармап туруу үчүн 84 миллион долларды сатыкка чыгарды.
• 1-ноябрга карата өлкөдө мамлекеттик жөлөк пул алуучулардын жалпы саны 542 600 адамды түздү.
• Кара-Балта шаарынын мэри болуп Данияр Шакирбаев шайланды.
• Кувейт өлкөсү Кыргыз жерине элчилигин ачууга кызыкдар экени айтылды.
• Бишкекте 20-26-ноябрь аралыгында 7147 жол эрежесин бузуу фактысы катталганын Патрулдук милиция билдирди.
• УКМК: “Женго” каймана аты менен белгилүү уюшкан кылмыштуу топтун мүчөсү Кадыр Досоновго издөө жарыяланды”.
  
  

Жумабай Акимов