• 20-январдан тарта Бишкек-Стамбул-Бишкек авиакаттамы боюнча учактар аптасына 7 жолудан уча баштайт.
• Өлкөдө 19-январга карата 98 700 жаран жумушсуз катары каттоодо турат.
• Парламентте Базар-Коргон шаарын түзүү боюнча мыйзам долбоору талкууланууда.
• 2021-жылдын январына карата элге жаратылыш газынын 1 метр кубу 17 сом 80 тыйындан сатылууда.
• Кыргызстандын башкы балдар хирургу Талант Өмүрбеков пневмония илдети менен ооруканага түштү.
• Өзгөчө кырдаалдар министрлиги тоолуу аймактардагы унаа жолдоруна кар көчкү түшүү коркунучу жогору экенин эскертти.
• Бишкекте милициянын Кайгуул кызматы 1 жылда 2740 кылмыш жана жоруктун бетин ачканы жарыяланды.
• 18-январга карата Токтогул суу сактагычында 11 миллиард 358 миллион метр куб суу бар.
• Саламаттыкты сактоо министрлиги: “Февраль-март айларында коронавирустун үчүнчү толкуну күтүлөт”.
• БШК мөөнөтүнөн мурда өткөн президенттик шайлоонун жыйынтыгын жарыялоо алдында турат.
• 2020-жылы Кыргыз өлкөсүндө 825 528 даана паспорт даярдалганы айтылды.
• БШКнын жумушчу тобунун чечимине ылайык, президенттикке талапкер болгон Курсан Асановдун арызы боюнча Ош шаарындагы 3 шайлоо тилкесинде добуштар кайра саналат.
• Жогорку Кеңештин аппаратынын мурдагы жетекчиси Раатбек Эшмамбетов каза болду.
  
  

Жумабай Акимов