• Быйыл январда пара талап кылууга шектелип кармалып, кийин үй камагына чыгарылган жарандык активист Улан Жураевге Бишкектин Биринчи Май райондук соту 260 миң сом айып салды.
• Өлкөдө жыл башынан бери 21 адам сууга чөгүп каза болгону айтылды.
• Бишкекте быйыл жалпы 6980 бүтүрүүчү мектепти аяктады.
• Өлкөдө “Коопсуз шаар” боюнча айып пулдун суммасын азайтууну караган мыйзам долбоору комитетте биринчи окуудан өттү.
• Абдибакыт Халмурзаев Ысык-Көл облусунун прокурору болуп дайындалды.
• Нарын, Ноокат, Майлуу-Суу жана Көк-Жаңгак шаарларынын мэрлерин шайлоо 11-июнга дайындалды.
• Темирбек Асанбеков Евразия экономикалык комиссиясына Кыргыз өлкөсүнүн атынан министр болуп дайындалды.
• “Дело №...” гезити өз ишин токтотконун жарыялады
• 22-майда Орусияда Кыргыз жаранынын 4 жана 5 жаштагы кыздары өрт кырсыгынан каза болгону маалымдалды.
• Баткенде чек ара окуясынан жабыркагандарга жардам берүү үчүн ачылган эсепке 100 миллион сомго жакын акча чогулду.
• Аксы районунда 24-май күнү аты менен кошо дарыяга кулап түшкөн 11 жашар бала изделүүдө.
• 24-майда Ош облусунда күчү 3 жарым баллга жеткен жер титирөө катталды, жабыркагандар жок.
• Дүйнөлүк банк Кыргыз өлкөсүнө 17 миллион доллар бөлөт, бул жеңилдетилген насыя жана грант түрүндө берилет.
• Жарандык активист Мелис Аспековго дагы бир кылмыш иши козголду.

Жолдубек Качкынбаев