Өзүн ар кыл жаатта сынап көрүүгө умтулган теледива Ассоль кайрадан "Assol" имидж-студиясын, ушул эле аталыштагы модель агент­тигин ачты. Имидж студияда сулуулар өз бак­ты­сын сы­нашса, ал эми жаш жет­кинчектер алпаруучунун өзүнөн сабак ала алышат. Бул жакта психология, актёрдук чеберчилик, бий, сахнада сүйлөө маданияты сыяк­туу пайдалуу сабактар өтүлөт. Ал эми терисинин назик болуусун каалаган, безетки менен бырыштардан кутулгусу келген айымдар жана мырзалар болсо, "Assol" косметологиялык борборуна кайрылышса болот. Дагы бир айта кетчү жаңылык, теледиванын текшерүүдөн өткөн арыктоо программасы бар экен. Бул программа боюнча 12 күндүн ичинде 7 килограммга чейин салмак жоготсо болот экен, тобо! Муну өзү колдонуп көргөн Ассоль: "Программанын мыктылыгына 100 пайыз кепилдик бере алам",- дейт.