Ысык-Көл ОИИБи: "Чоң-Сары-Ойдо 6 жашар кызды зордуктаган Нурланды анын досу Анарбек карап турган"

"Ысык-Көл облусунун Ысык-Көл районунун Чоң-Сары-Ой айылында 6 жашар кызды зордуктаган адамды анын досу карап турган". Бул тууралуу бүгүн, 13-октябрда SUPER.KG порталына облустук милициядан билдиришти.

Маалым болгондой, милицияга Түп районунун Кең-Суу айылынын тургуну, 1983-жылы туулган Гүлгаакы аттуу келин кайрылган. Ал 1978-жылы туулган Азат аттуу жолдошу менен Чоң-Сары-Ой айылында жашаганын айтты. "11-октябрда саат 20:00 чамасында жубайлардын 1981-жылы туулган Нурлан аттуу кошунасы келип, аларды Чоң-Сары-Ой айылынын түндүк тарабында жайгашкан кашарга алып барган. Кашарда аларды Анарбек аттуу Нурландын досу күтүп турган. Балдар күч колдонушуп, келиндин жолдошу Азатты сабап, кыйнап оозуна арак куюп, Гүлгаакыны зордуктоого аракет жасашкан. Азат балдар менен мушташып, аялы экөө качып кетишкен. Нурлан менен Анарбек аркасынан кууп жетпей, жубайлардын үйүнө барышканда, үйдө 6 жашар кызы жалгыз отурган. Балдар кызды талаага алып барып, Нурлан аны зордуктаган, ал эми Анарбек карап турган",- деп билдиришти милиция кызматкерлери.

"Бул факт боюнча "жашына жете элек адамды зордуктоо" беренесинин негизинде кылмыш иши козголду. Биологиялык экспертиза дайындалды. Кылмышка шектүү Нурлан жана Анарбек убактылуу кармоочу жайга отургузулушту. Кылмыш иши боюнча тергөө уланууда",- деп кошумчалашты облустук милициядан.