Кыргыз модасын чагылдырган долбоор түрк телеканалынан эфирге чыгууда

Биринчи жолу кыргыз модасы жөнүндөгү теледолбоор февраль айынын соңунан бери Түркиянын TRT-AVAZ телеканалында кыргыз тилинде эфирге чыгып баштады. “Мода-Мода” деп аталган көрсөтүүнү долбоордун жетекчиси Нуржан Найзабекова алып барууда. Анда жаш жана белгилүү дизайнер, стилист, косметолог, визажист жана чачтарачтардын ийгиликтери жана жетишкендиктери көрсөтүлөт. Анын башкы максаты - ата мекендик бренд менен өндүрүшчүлөрдү жана Кыргызстандын таланттуу инсандарын колдоо болуп саналат.