ЖЫЛНААМА, 2-ИЮНЬ: “Абактан качуу” сериалынын жылдызы Уэнтуорт Эрл Миллер 44 жашка толду

44 жыл мурун, 1972-жылы 2-июнда “Абактан качуу” сериалынын жылдызы, америкалык актёр Уэнтуорт Эрл Миллер жарыкка келген. Англиянын Чиппинг-Нортон шаарында төрөлгөн актёр колледжде окуп жүргөн кезинде музыкага жакын адам болгон. Ырчылардын кээ бирлери менен гастролго чыгып, акча таап турган.

Кийинчерээк жүрөгү тандаган актёрдук кесиптин ээси болууну көздөп, Лос-Анжелеске бет алат жана ал жакта жөн гана операторлордун жардамчысы катары ишке орношкон. Актёрдук карьерасын 2002-жылы “Динотопия” деген сериалдан баштаган. Эл оозуна алынып, дарегине жагымдуу сөздөр айтыла баштагандан кийин эле “Караланган кадыр-барк” фильмине тартылууга чакыруу алат. Ал эми “Абактан качуу” сериалына тартылуу атак-даңк алып келет деп күтпөгөнү менен, Уэнтуорт дал ушул кино аркылуу чыныгы популярдуулукка жеткен. “Абактан качуу” сериалына тартылуудагы өзүнө жакпаганы денесине тарттырган татуировкалары болгон.

2-июндун жылнаамасы.