Орусияда көңүлдөшү тарабынан бычакталып өлтүрүлгөн кыздын сөөгү Бишкекке алынып келинди

Орусияда көңүлдөшү тарабынан бычакталып өлтүрүлгөн кыздын сөөгү Бишкекке алынып келинди. Бул тууралуу бүгүн, 7-декабрда Кыргыз Республикасынын Орусиядагы элчилигинен билдиришти.

"Тиешелүү документтерди толтурууга ИИМдин Орусиядагы өкүлчүлүгү, "Аксы" коому жардам беришти. 1989-жылы туулган С.Ннын сөөгү 6-декабрь күнү Москва-Бишкек каттамы менен жөнөтүлдү", - деп билдиришти элчиликтен.

Айта кетсек, окуя 27-ноябрь күнү Москва шаарынын Липецкий көчөсүндө болгон. Анда 35 жаштагы Улан аттуу Кыргыз Республикасынын жараны 27 жаштагы Нурзат аттуу мекендешин бычактап, окуя болгон жерден качып кеткен. Жабырлануучу алган жараатынан улам каза тапкан. 35 жаштагы Улан изи сууй электе кармалган.

Кылмышка шектүүнүн айтымында, Нурзат менен көңүлдөш катары бирге жашап жүргөн. Кийин ал "бул мамилени Кыргыз Республикасындагы аялыңа айтам" деген сөзүнө жини келип бычактаган.