СУПЕРСТАН: "Кайнимди көргөндө ушундай бир жийиркенем..."

SUPER.KG порталынын "Суперстан" бөлүмүндө "Кайнилердин жеңелерге кылган мамилеси" деген тема талкууга алынууда.

Темадагы билдирүүлөрдөн:

"Кайним ашыкча эле түнт да, тобо! Көргөндө ушундай бир жийиркенем. Күйөөмө айтып "тарбияла" десем, чычалап мени менен урушат кайра".

"Кайниме ыраазычылыктан башка эч бир жаман сөз айтуудан алысмын. Балдарымды жакшы карап, бизге тиешелүү иштердин баарын жайгарып жатканына шүгүр кылабыз. Ошондуктан жамандоодон алысмын".

"Эмне, кайниңер силер менен сырдашсынбы? Түнт болсо түнт да. Балким, силер анын жинине тийип коёсуңар. Ошондуктан силер менен сүйлөшүү алар үчүн кызыксыз. Үйгө тамак-аш көтөрүп келбегени түшүнүктүү эле, эркек киши тамак-аш көтөрүп жүрчү беле?"

"Бир эже "Кайнилерим иштен келсе, "тамак жасап койдум, салып жегиле" деп күйөөмдүн жанынан турбай жата берем, өздөрү жеп, идиштерин жууп коюшат. А эгер бир тууган иним иштен келсе, шарт туруп, ал жуунуп чыккыча салатына чейин даярдап коём" деп оозду ачырган".

"Бир тууган кайним жок. Тууган-урук жактан 4 "красавчик" кайним бар. Окуп жүргөндө чогуу жашаганбыз. Мамилебиз эң сонун, "жеңелеп" турушат. Зериккенде карта ойночубуз. Жеңилип калганы бийлеп берчү. Ооруп калганымда тамак жасашчу".

Талкууга кошулгуңуз келсе, бул жакка кириңиз.