Өлкөдө 11 аэропорт иштесе, анын экөөсүндө учуп-конуу мүмкүн болбой калды

Кыргыз Республикасында учурда 11 аэропорт иштейт. 5 аэропорт "эл аралык" деген статуска ээ болсо, 6сы ички каттамдар үчүн кызмат көрсөтөт. Бул тууралуу SUPER.KG порталына Транспорт жана жол министрлигине караштуу Жарандык авиация агенттигинен билдиришти. Ички аэропорттордун экөөсү: Кызыл-Кыя шаарындагы жана Казарман айылындагы аэропорттор соңку жылдары талапка жооп бербей калган. Андыктан буларда учуп-конуулар дээрлик мүмкүн болбой калганы айтылды.

Эл аралык аэропорттордун экөөсү Ысык-Көлдө, калгандары Бишкек, Ош жана Баткен шаарларында жайгашкан.