"Кара-Көлдө дайынсыз жоголгон 6 жашар Бекзаттын сөөгү табылды" деген маалыматты милиция четке какты

Жалал-Абад облусунун Кара-Көл шаарында дайынсыз жоголгон 6 жашар Бекзат Жанапилов табыла элек. Бул тууралуу бүгүн, 20-апрелде SUPER.KG порталына Жалал-Абад ОИИБинин басма сөз кызматынан билдиришти.

Мекемеден түшүндүрүшкөндөй, 6 жашар Бекзаттын сөөгү табылгандыгы тууралуу чындыкка дал келбеген маалыматтар тароодо. Учурда баланы издөө иштери уланууда.

Айта кетсек, 16-апрель күнү түшкү саат 13:30-14:00дөр чамасында шаардын Пойма бөлүгүндөгү 20-үйдөн эшикке ойноп чыгып кеткен боюнча жоголгон. Жакындары артынан 15 мүнөттөн кийин издеп чыгып таппай калышкан. Бою 120 сантиметр чамасындагы сары бала. Ошол күнү кызыл, кара сызыктары бар жемпир, кара вельвет шым, кара спорттук бут кийим кийип жүргөн.

Эгерде кимдир бирөө көрүп калса, Бекзатты издеп жаткан ата-энесине байланышуу зарыл. Байланыш телефондор: 0 (772) 15-88-42, 0 (705) 15-88-42, 0 (772) 15-88-40.