Ошто 66 жаштагы карыя студенттик күндөрүн аяктап, дипломго ээ болду

Ошто студенттердин жатаканасында жашап окуган 66 жаштагы карыя Адалат Мусаев студенттик күндөрүн аяктап, дипломго ээ болду. Мындай маалыматты бүгүн, 7-июлда SUPER.KG`ге Ош Мамлекеттик университетинин мугалими Зина Нуралиева билдирди.

Маалыматка ылайык, дипломго ээ болгон карыя буга чейин 30 жыл бою Өзбекстандын Андижан облусунда фельдшердик кызматты аркалаган. Ал буга чейин дарыгер болууну кыялданып келген.

"66 жаштагы аксакал Мусаев Өзбек жараны. Ал медициналык факультетти аяктады. Ал студенттер менен бирге университеттин жатаканасында жашап, мыкты окугандардын катарын толуктаган. Эми ал эмгек жолун мурда иштеген Андижандагы ооруканада улантууну пландаштырууда. Буга чейин 2011-жылы 70 жаштагы пенсионер жогорку билимге ээ болуп, окууну аяктаган", - деп билдирди Нуралиева.