Ноокаттагы бир колун жырткыч жеп кеткен ымыркайды таштаган адам табылган жок

Ноокат районунун Төөлөс айылындагы адырдагы чуңкурга ымыркайды таштаган адам табылган жок. Мындай маалыматты бүгүн, 13-июлда Ош облустук ички иштер башкармалыгынын маалымат кызматынын тескөөчүсү Жанна Сатарбаева SUPER.KG порталына билдирди.

Буга чейин ушул жылдын 4-июнь күнү Төөлөс айылындагы адырдан бир колу жок, жаңы төрөлгөн ымыркайдын жансыз денеси табылгандыгы маалымдалган. Бул иш боюнча соттук-медициналык, биологиялык экспертиза дайындалып, текшерүү иштери жүргүзүлгөн.

"Экспертизанын жыйынтыгы чыгып, иликтөө иштери жүргүзүлдү. Бирок 2 айылды тең текшерип чыкканда экспертизанын жыйынтыгына дал келчү жаш энелер табылган жок. Буга байланыштуу козголгон кылмыш иши өндүрүштөн кыскартылды. Баланы башка аймактардан келген бирөө таштап кеткен деген божомолдор бар", - деди Сатарбаева.