Суу алдында калган Стамбул (фото)

Шейшемби күнү, 18-июлда Түркиянын Стамбул шаарын суу каптап, жол кыймылын жана метронун ишин токтотту. Бул тууралуу жергиликтүү Hurriyet басылмасы жазып чыкты.

Маалыматка ылайык, катуу жаандын суусу бир нече саатка жетпей, кээ бир метро станцияларды, көчөлөрдү, жер алдындагы унаа токтотуучу жайларды, тоннелдерди, имараттардын 1-кабатын каптап кеткен. Андыктан поезддерди, унааларды, коомдук транспортторду токтотууга аргасыз болушкан.

Синоптиктер жакынкы убакта жаан-чачын көп болорун билдиришсе, куткаруучулар жер көчүү коркунучу бар экенин маалымдашкан.