Бүгүн күрөш боюнча Дүйнө чемпиондугунда килем үстүнө Айсулуу Тыныбекова жана Айпери Медет кызы чыгышат

Франциянын Париж шаарында өтүп жаткан күрөш боюнча Дүйнө чемпиондугунун 3-күнүндө кыз-келиндер арасындагы беттештер өткөрүлөт. Анда Кыргыз өлкөсүнөн Назира Марсбек кызы, Айсулуу Тыныбекова жана Айпери Медет кызы килем үстүнө чыгышат.

Эске салсак, Дүйнөдөгү мыкты 3 балбандын катарына кирген Айсулуу Тыныбекова 2017-жылдын май айында Азия чемпиондугунда жана Ислам тилектештик оюндарында алтын медалдарын жеңип алган. Ал эми Айпери Медет кызы август айынын башында күрөш боюнча жаштар арасындагы Дүйнө чемпиондугунда алтын медалга ээ болгон.

Кыргыз балбандардын атаандаштары төмөндө:

55 килограммга чейинки салмак ченинде (1/8 финал):

Назира Марсбек кызы - Марина Седнева (Казакстан)

59 килограммга чейинки салмак ченинде (1/8):

Айсулуу Тыныбекова - Жессика Бендезу (Перу) менен Лаура Мертенз (Германия) ортосундагы беттешинин жеңүүчүсү.

75 килограммга чейинки салмак ченинде (1/16):

Айпери Медет кызы - Намжу Хё (Түштүк Корея).