Бишкекте түн ичинде үйүнөн чыгып кеткен боюнча дайынсыз делип, студент кыз изделүүдө

Бишкекте түн ичинде үйдөн чыгып кеткен боюнча дайынсыз делип, 20 жаштагы Дильфуза Туратбек кызы изделүүдө. Атасы Туратбек Аманбаевдин айтымында, кызы Дильфуза 11-сентябрдан 12-сентябрга караган түнү саат 03:15 чамасында эч кимге айтпай үйдөн белгисиз тарапка чыгып кеткен. Азыркы тапта Биринчи Май райондук ички иштер башкармалыгына арыз жазылып, издөө иштери уланууда.

Айта кетсек, Дильфуза Туратбек кызы эл аралык "Ала-Тоо" университетинде 2-курста окучу. Акыркы эки күн сабактарга барган эмес. Ошол түнү кызыл кофта, кара пиджак, кара шым кийип жүргөн. Жанында фотоаппараты да болгон.

Эгер аны көрүп-билгендер болсо, 0 (559) 22-25-55, 0 (550) 87-96-81, 0 (552) 30-10-44 номурларына же 102ге чалып, кабарлап койсоңуздар.