Өткөн сутка ичинде өлкөдө 8 өрт кырсыгы катталып, 1 адам каза болду

13-декабрь күнү саат 08:30дан 14-декабрь күнү саат 08:30га чейин өлкө боюнча 8 өрт кырсыгы катталды. Бул тууралуу бүгүн, 14-декабрда Өзгөчө кырдаалдар министрлигинин басма сөз кызматынан билдиришти.

Маалыматка ылайык, Чүй облусунда 4, Ысык-Көл облусунда 3, Талас облусунда 1, Ош облусунда 1, Жалал-Абад облусунда 1 өрт кырсыгы болгон.

"Ысык-Көл облусуна караштуу Ысык-Көл районунун Булан-Сөгөтү айылындагы турак жайдан чыккан өрттөн 43 жаштагы В.В.В аттуу үйдүн ээси каза болгон", - деп билдиришти ӨКМдан.