Супер-Инфо
super.kg видео
Мурдагы коргоо министри Өмүралиевге 5 миллион сом айып салынып, генерал-майор аскердик наамынан ажыратылды
Мурдагы коргоо министри Таалайбек Өмүралиевге 5 миллион сом айып салынып, генерал-майор аскердик наамынан ажыратылды. Мындай чечимди Биринчи Май райондук соту 22-декабрда чыгарды.
Бул тууралуу SUPER.KG`ге Жогорку Соттун басма сөз кызматы билдирди.
"Судья Абдразак Боронбаев Өмүралиевди "кызмат абалынан кыянаттык менен пайдалануу" беренеси менен күнөөлүү деп таап, 5 миллион сом айып салып, аны генерал-майор аскердик наамынан ажыратты. Ал эми ага карата "кызматтык ыйгарым укуктардан аша чабуу" беренеси боюнча коюлган айып далилденбегени үчүн сот Өмүралиевди бул берене боюнча кылмышка тиешеси жок деп тапты", - деп билдирет басма сөз кызматы.
Таалайбек Өмүралиев аскер кызматкерлерине бөлүнгөн батирлерди мыйзамсыз бөлүштүргөн деп айыпталган.
Белгилей кетсек, 2014-жылы аскер прокуратурасы Жал кичи районунда Коргоо министрлиги тарабынан аскер кызматккерлерине бөлүнүп берилген батирлер боюнча териштирүү жүргүзгөн. Көзөмөл кылуучу орган териштирүүнүн жыйынтыгы боюнча жооптуу кызматкерлерге карата "кызмат абалынан кыянаттык менен пайдалануу", "кызматтык жасалмалуулук", "кызматтык ыйгарым укуктардан аша чабуу" беренелери менен кылмыш ишин козгогон.
0
1 |